საქართველოს სოფლის მეურნეობის მეცნიერებათა აკადემიის

გ ა ნ ც ხ ა დ ე ბ ა

     საქართველოს სოფლის მეურნეობის მეცნიერებათა აკადემია თავისი წესდების II თავის მე-9 მუხლის თ) პუნქტის შესაბამისად აცხადებს

კონკურსს   აგრარულ სფეროში წლის საუკეთესო ფუნდამენტური, საგანმანათლებლო და გამოყენებითი ხასიათის ნაშრომის გამოსავლენად.

აგრონომიულ მეცნიერებათა განყოფილება - 2 პრემია;

მეცხოველეობის და ვეტერინარიის მეცნიერებათა განყოფილება - 2 პრემია; აგროინჟინერიის მეცნიერებათა განყოფილება - 2 პრემია;

სურსათის უვნებლობის და სასურსათო ტექნოლოგიის მეცნიერებათა განყოფილება - 2 პრემია;

გარემოს დაცვისა და სატყეო საქმის მეცნიერებათა განყოფილება - 2 პრემია;

ეკონომიკურ მეცნიერებათა განყოფილება - 2 პრემია.

პრემიის მინიჭების პირობები:

            პრემიის მისანიჭებლად კონკურსში მონაწილეობისათვის ნაშრომების წარმოდგენის უფლება აქვთ საქართველოს მეცნიერებათა ეროვნულ და საქართველოს სოფლის მეურნეობის მეცნიერებათა აკადემიებს, სამეცნიერო-კვლევით და უმაღლეს საგანმანათლებლო დაწესებულებებს;

            პრემიის მოსაპოვებლად წარმოდგენილი უნდა იქნეს უკანასკნელ 3 (სამ) წელიწადში გამოქვეყნებული ნაშრომები, ამასთან გამოყენებითი ხასიათის ნაშრომებში მითითებული სამუშაოები წარმოდგენამდე ერთი წლით ადრე აპრობირებული უნდა იყოს წარმოებაში;

            პრემიის მისანიჭებლად წარმოდგენილი ნაშრომების ავტორთა ჯგუფი არ უნდა აღემატებოდეს სამ კაცს. პრემიაზე წარმოდგენილ ავტორთა ჯგუფის შემადგენლობაში შეიძლება შეყვანილ იქნეს სხვა ქვეყნის მოქალაქეები, თუ მათ სამუშაო შეასრულეს ქართველ კოლეგებთან ერთად.

          კონკურსში მონაწილეობის მისაღებად საჭიროა წარმოდგენილ იქნეს შემდეგი დოკუმენტაცია:

1. წარმომდგენი ორგანიზაციის სატიტულო ფურცელზე დაბეჭდილი წარდგინება, რომელშიც აღინიშნება ნაშრომის დასახელება, ავტორთა გვარი და სახელი, სამუშაო ადგილი და თანამდებობა;

2.წარდგინებაში უნდა აღინიშნოს კონკურსში მონაწილის (მონაწილეთა) უკანასკნელი სამუშაო ადგილი და თანამდებობა;

3.წარდგინება უნდა მოიცავდეს: ნაშრომის მოკლე შინაარსს, ნაშრომის წარდგენის დასაბუთებას, ნაშრომის ზოგად შეფასებას;

4.პრაქტიკული ხასიათის ნაშრომისათვის წარდგინებაში ასევე უნდა აღინიშნოს ნაშრომის აპრობაციის ადგილი, მასშტაბები და ტექნიკურ-ეკონომიკური მაჩვენებლები;

5. წარდგინებას ხელს აწერს ორგანიზაციის ხელმძღვანელი. თუ ხელმძღვანელი თვითონაა ავტორთა ჯგუფში, წერილს შეიძლება ხელი მოაწეროს მისმა მოადგილემ;

6. თუ ნაშრომს წარადგენს რამდენიმე ორგანიზაცია, წარდგინებას ხელს აწერს ყველა ორგანიზაციის ხელმძღვანელი;

7. ამონაწერი წარმომდგენი ორგანიზაციის შესაბამისი ორგანოს (კრება, კოლეგია, პრეზიდიუმი, საბჭო) სხდომის ოქმიდან, პრემიის მოსაპოვებლად წარდგენილი ნაშრომის დასახელების, ავტორთა გვარების და სახელების მითითებით დამოწმებული უნდა იყოს ორგანიზაციის ბეჭდით;

8.   ანოტაცია, რომელიც არ უნდა აღემატებოდეს 5 (ხუთ) გვერდს. პრაქტიკული ხასიათის ნაშრომის ანოტაციაში საჭიროა აღინიშნოს სად, როდის, რა მასშტაბით არის რეალიზებული სამუშაოს შედეგები და როგორია მიღებული ტექნიკურ-ეკონომიკური მაჩვენებლები. ანოტაცია ხელმოწერილი უნდა იყოს ყველა ავტორის მიერ;

9. ნაშრომის რეცენზენტის/რეცენზენტების დასკვნა, დამოწმებული უნდა იქნეს იმ ორგანიზაციის ხელმძღვანელის მიერ, საიდანაც არის წარმოდგენილი რეცენზია;

10. ცნობა ავტორთა მონაცემების შესახებ (CV), ცნობა სამუშაო ადგილიდან და დაკავებული თანამდებობა, ბინის მისამართი, ფოტოსურათი ზომით 3X4;

11.   დოკუმენტები წარმოდგენილი უნდა იყოს ორ ეგზემპლარად;

12.   ნაშრომი წარმოდგენილი უნდა იყოს ორ ეგზემპლარად შემდეგი სახით: ფუნდამენტური ნაშრომი მონოგრაფია, სახელმძღვანელო; გამოყენებითი ხასიათის ნაშრომი (სამუშაოთა აღწერა, თანდართული შეფასებებით, დასკვნებით, საავტორო მოწმობებისა და პატენტების ასლებით);

         ნაშრომს შეიძლება დაერთოს ფოტოსურათების ალბომი, სქემები, რუკები და სხვა. სასურველია, რომ დამატებით მასალის ფორმატი იყოს ისეთივე, როგორც ნაშრომის ფორმატია.

       საკონკურსო საბუთები მიიღება საქართველოს სოფლის მეურნეობის მეცნიერებათა აკადემიაში 2023 წლის    8 მაისიდან 2023 წლის 29 მაისის ჩათვლით ყოველი სამუშაო დღის 11 საათიდან 17 საათამდე შემდეგ მისამართზე: ქ. თბილისი, 0102, ი. ჯავახიშვილის ქ. №51, საქართველოს სოფლის მეურნეობის მეცნიერებათა აკადემია (კანცელარია, ტელეფონი: 2 94 13 21).

შენიშვნა: დამატებითი ინფორმაციის მიღება შესაძლებელია საქართველოს სოფლის მეურნეობის მეცნიერებათა აკადემიაში ( ტელეფონი: 593 58 01 37; 579 26 69 88).

საქართველოს სოფლის მეურნეობის მეცნიერებათა აკადემიის საკონფერენციო დარბაზში

2023 წლის 27 აპრილს 13 საათზე გაიმართება ვეტერინარი ექიმის საერთაშორისო დღისადმი მიძღვნილი მრგვალი მაგიდა თემაზე:

ვეტერინარია დღეს, მიღწევები, გამოწვევები.

მომხსენებლები: სურსათის ეროვნული სააგენტოს ვეტერინარიის დეპარტამენტის უფროსის მოადგილე, ვეტერინარიის მეცნიერებათა დოქტორი დავით გოდერძიშვილი;

საქართველოს სოფლის მეურნეობის მეცნიერებათა აკადემიის აკადემიკოსი თენგიზ ყურაშვილი

მრგვალი მაგიდის ორგანიზატორი: მეცხოველეობის და ვეტერინარიის მეცნიერებათა განყოფილება (აკადემიკოს-მდივანი, აკადემიკოსი ჯემალ გუგუშვილი)

საქართველოს სოფლის მეურნეობის მეცნიერებათა აკადემიის საკონფერენციო დარბაზში

2023 წლის 20 აპრილს 13 საათზე გაიმართება დედამიწის საერთაშორისო დღისადმი მიძღვნილი

თემატური სხდომა:

ჭალის ტყის ცვლილების ანალიზი სატელიტური სურათების გამოყენებით, ჭაჭუნას მაგალითზე 

მომხსენებელი:   მეტყევე-ეკოლოგი ვასილ მეტრეველი

თემატური სხდომის ორგანიზატორი: გარემოს დაცვისა და სატყეო საქმის მეცნიერებათა განყოფილება

(აკადემიკოს-მდივანი, აკადემიკოსი რევაზ ჩაგელიშვილი)

საქართველოს სოფლის მეურნეობის მეცნიერებათა აკადემიის

  პრეზიდიუმის    2023 წლის   2  მაისის   სხდომის

       თბილისი                                          დღის წესრიგი                        დასაწყისი 12 საათზე

1. აკადემიის მიერ საერთაშორისო და ადგილობრივ პარტნიორ ორგანიზაციებთან გაფორმებული მემორანდუმების შესრულების მიმდინარეობის შესახებ.

მომხსენებლები: აკადემიის პრეზიდენტის მოვალეობის შემსრულებელი, აკადემიის ვიცე-პრეზიდენტი, აკადემიკოსი გივი ჯაფარიძე; აკადემიის მთავარი სპეციალისტი, საერთაშორისო პროგრამების, საგრანტო პროექტების კონსულტანტი, ტექნიკის მეცნიერებათა დოქტორი, პროფესორი თამაზ ბაციკაძე; აკადემიის აკადემიური დეპარტამენტის უფროსი, დოქტორი მარინე ბარვენაშვილი

2. აკადემიის მუდმივმოქმედი გამოფენის ორგანიზაციის სრულყოფის ღონისძიებების შესახებ.

მომხსენებლები: აკადემიის პრეზიდენტის მოადგილე, აკადემიკოსი ანატოლი გიორგაძე.

3. ინფორმაცია საქართველოს ტექნიკური უნივერსიტეტის აგრარული მეცნიერებების და ბიოსისტემების ინჟინერინგის ფაკულტეტის მიერ 2022 წელს გაწეული სამეცნიერო-პედაგოგიური მუშაობისა და სამომავლო გეგმების შესახებ.

მომხსენებელი: საქართველოს ტექნიკური უნივერსიტეტის აგრარული მეცნიერებების და ბიოსისტემების ინჟინერინგის ფაკულტეტის დეკანი, დოქტორი გიგა ქვარცხავა

4. საქართველოს სოფლის მეურნეობის მეცნიერებათა აკადემიის სტიპენდიატის გიორგი ქვარცხავას მიერ 2022 წელს გაწეული სამეცნიერო-კვლევითი საქმიანობის შესახებ.

5. ინფორმაცია საქართველოს სოფლის მეურნეობის მეცნიერებათა აკადემიის მიერ   აგრარულ სფეროში წლის საუკეთესო ფუნდამენტური, საგანმანათლებლო და გამოყენებითი ხასიათის ნაშრომის გამოსავლენი კონკურსის ჩატარების დებულების შესახებ.

მომხსენებლები: აკადემიის პრეზიდენტის მოვალეობის შემსრულებელი, აკადემიის ვიცე-პრეზიდენტი, აკადემიკოსი გივი ჯაფარიძე; აკადემიის აკადემიური დეპარტამენტის უფროსი, დოქტორი მარინე ბარვენაშვილი

6. ინფორმაცია საქართველოს სოფლის მეურნეობის მეცნიერებათა აკადემიის მიერ აგრარულ სფეროში წლის საუკეთესო ფუნდამენტური, საგანმანათლებლო და გამოყენებითი ხასიათის ნაშრომის გამოსავლენად კონკურსის გამოცხადების შესახებ.

მომხსენებლები: აკადემიის პრეზიდენტის მოადგილე, აკადემიკოსი ანატოლი გიორგაძე, აკადემიის აკადემიური დეპარტამენტის უფროსი, დოქტორი მარინე ბარვენაშვილი

7. მიმდინარე საკითხები

საქართველოს სოფლის მეურნეობის მეცნიერებათა აკადემიის    

აგროინჟინერიის მეცნიერებათა განყოფილების

2023 წლის  1 მაისის  სხდომის

თბილისი                         დღის წესრიგი               დასაწყისი 12 საათზე

1. ინფორმაცია გარემოს დაცვისა და სოფლის მეურნეობის სამინისტროს სამეცნიერო-კვლევითი ცენტრის აგროსაინჟინრო კვლევის სამსახურის მიერ 2022 წელს შესრულებული სამუშაოს შესახებ.

მომხსენებელი: გარემოს დაცვისა და სოფლის მეურნეობის სამინისტროს სამეცნიერო-კვლევითი ცენტრის აგროსაინჟინრო კვლევის სამსახურის უფროსი, ტექნიკის მეცნიერებათა დოქტორი ნუგზარ ებანოიძე.

2. მიმდინარე საკითხები

საქართველოს სოფლის მეურნეობის მეცნიერებათა აკადემიის ახალგაზრდა მეცნიერთა და სპეციალისტთა საბჭოს

2023 წლის 26 აპრილის სხდომა

თბილისი                       დღის წესრიგი               დასაწყისი     13 საათზე

1. ცხოველების ჯანმრთელობაზე მიკობაქტერიების ზეგავლენის და საქართველოში ზოგიერთი ვექტორული დაავადებების გავრცელების დინამიკის შესახებ. (ყირიმ-კონგოს ჰემორაგიული ცხელება, ნოდურალური დერმატიტი).

მომხსენებელი: სურსათის ეროვნული სააგენტოს ვეტერინარიის დეპარტამენტის, მთავარი სპეციალისტი, ვეტერინარიის დოქტორი ვლადიმერ ბარათაშვილი.

2.ნატურალური სოფლის მეურნეობის საუკეთესო თანამედროვე გამოცდილების შესახებ (იაპონიისა და სამხრეთ კორეის პრაქტიკა).

მომხსენებელი: საქართველოს თესლის მწარმოებლების და სანერგე მეურნეობების ასოციაციის გენერალური მდივანი ალექსანდრე საკანდელიძე.

3. მიმდინარე საკითხები

საქართველოს სოფლის მეურნეობის მეცნიერებათა აკადემიის სამეცნიერო საბჭოს

2023 წლის 21 აპრილის სხდომის  

თბილისი                       დღის წესრიგი               დასაწყისი     13 საათი

1. საქართველოს ტექნიკური უნივერსიტეტის მთის განვითარების ფაკულტეტის საქმიანობის შესახებ.

მომხსენებელი: საქართველოს ტექნიკური უნივერსიტეტის მთის მდგრადი განვითარების ფაკულტეტის დეკანი, პროფესორი ნოე ხოზრევანიძე.

2. ბუნებრივი საკვები სავარგულების გაუმჯობესების და მათი სტაციონალურად გამოყენების შესახებ.

მომხსენებელი: სოფლის მეურნეობის მეცნიერებათა დოქტორი, პროფესორი იოსებ სარჯველაძე.

3. მიმდინარე საკითხები

საქართველოს სოფლის მეურნეობის მეცნიერებათა აკადემიის

გარემოს დაცვისა და სატყეო საქმის მეცნიერებათა განყოფილების

2023 წლის 20აპრილის სხდომის

თბილისი                                        დღის წესრიგი                        დასაწყისი 12 საათზე

1.  ქალაქ თბილისის ტყის ბიომასის და ნახშირბადის დაგროვების პოტენციალის შეფასების შესახებ.

მომხსენებლები: საქართველოს სოფლის მეურნეობის მეცნიერებათა აკადემიის პრეზიდიუმთან არსებული ახალგაზრდა მეცნიერთა და სპეციალისტთა საბჭოს თავმჯდომარე, აკადემიის სტიპენდიატი, სატყეო საქმის დოქტორი გიორგი ქავთარაძე;   სატყეო ექსპერტი კობა ჩიბურდანიძე. 

2. მიმდინარე საკითხები

საქართველოს სოფლის მეურნეობის მეცნიერებათა აკადემიის

   აგრარული  ინოვაციების  კომისიის  2023 წლის  19  აპრილის  სხდომის

 თბილისი                                                 დღის წესრიგი                                  დასაწყისი 14 საათზე

1.  სოფლის განვითარების პროგრამულ-კონცეპტუალური მოდელის შესახებ - საპილოტე თემა „სოფლის საძოვარი“.

მომხსენებლები:  აიპ „ჯორჯიან გაპი“-ს (სასოფლო-სამეურნეო სავარგულების წარმოებისათვის კარგი სასოფლო-სამეურნეო საქმიანობა) დამფუძნებელი,

     ეკონომიკის დოქტორი გოჩა ცოფურაშვილი; აიპ „მწვანე  პარტნიორობა  მშვიდობისათვის“  თავმჯდომარე,  ინჟინერიის  დოქტორი ალექსი  ნონიაძე.

2. მიმდინარე საკითხები

საქართველოს სოფლის მეურნეობის  მეცნიერებათა აკადემიის  მეცხოველეობის  და  ვეტერინარიის მეცნიერებათა განყოფილების

2023 წლის 12 აპრილის სხდომის

         თბილისი             დღის წესრიგი              დასაწყისი 14 საათზე

1.საქართველოში გავრცელებული ბოცვრის ჯიშების პროდუქტიულობის შესახებ.

მომხსენებელი: აკადემიკოსი ჯემალ გუგუშვილი.

2.შინაური ცხოველების მიერ გამოწვეული გარემოს დაბინძურების მდგომარეობის შესახებ.

მომხსენებელი: სოფლის მეურნეობის დოქტორი ნაირა მამუკელაშვილი.

3.       მიმდინარე საკითხები