საქართველოს სოფლის მეურნეობის მეცნიერებათა
 აკადემია აცხადებს კონკურსს აგრარულ სფეროში საუკეთესო ფუნდამენტური, საგანმანათლებლო და გამოყენებითი ხასიათის ნაშრომისათვის 2018 წლის პრემიის მინიჭების შესახებ.

წლის საუკეთესო ნაშრომისათვის პრემია მიენიჭებათ აგრარული მეცნიერებების შემდეგ დარგებში: 0101-აგრონომია; 0102-ვეტერინარია; 0103-მეცხოველეობა; 0104 სასურსათო ტექნოლოგია; 0105-სატყეო საქმე; 020305-აგრობიზნესის მენეჯმენტი; 0415-აგროინჟინერია;

            პრემიის მისანიჭებლად ნაშრომების წარმოდგენის უფლება აქვთ საქართველოს მეცნიერებათა ეროვნულ და სოფლის მეურნეობის მეცნიერებათა აკადემიებს, სამინისტროებს, უწყებებს, სამეცნიერო-საპროექტო-კვლევით და უმაღლეს საგანმანათლებლო დაწესებულებებს, საწარმოებს;

            პრემიის მოსაპოვებლად შეიძლება წარმოდგენილი იქნეს უკანასკნელი 3 (სამი) წლის განმავლობაში შესრულებული ნაშრომები, ამასთან გამოყენებითი ხასიათის ნაშრომებში მითითებული სამუშაოები წარმოდგენამდე ორი წლით ადრე აპრობირებული უნდა იყოს წარმოებაში;

     პრემიის მისანიჭებლად წარმოდგენილი ნაშრომების ავტორთა  ჯგუფი არ უნდა აღემატებოდეს სამ კაცს. პრემიაზე წარმოდგენილ ავტორთა ჯგუფის შემადგენლობაში შეიძლება შეყვანილ იქნეს სხვა ქვეყნის მოქალაქეები, თუ მათ სამუშაო შეასრულეს ქართველ კოლეგებთან ერთად;

            კონკურსში მონაწილეობის მისაღებად საჭიროა წარმოდგენილ იქნეს შემდეგი დოკუმენტაცია ორ ეგზემპლარად:

1. წარმომდგენი  ორგანიზაციის ბლანკზე დაბეჭდილი წერილი - წარდგინება. წერილში აღინიშნება ნაშრომის დასახელება, ავტორის/ავტორების გვარი და სახელი, სამუშაო ადგილი და თანამდებობა;

2. თუ ავტორი პენსიონერია, ან იგი პრემიაზე წარდგენილია გარდაცვალების შემდეგ, წერილში უნდა აღინიშნოს მისი უკანასკნელი სამუშაო ადგილი და თანამდებობა;

3. წერილი – წარდგინება უნდა მოიცავდეს: ნაშრომის მოკლე შინაარსს, ნაშრომის წარდგენის დასაბუთებას, ნაშრომის ზოგად შეფასებას; პრაქტიკული ხასიათის ნაშრომისათვის  წერილი – წარდგინება ასევე უნდა შეიცავდეს გამოყენების ადგილს, მასშტაბებს და ტექნიკურ-ეკონომიკურ მაჩვენებლებს;

4. ნაშრომის ანოტაცია არ უნდა აღემატებოდეს 10 გვერდს. პრაქტიკული ხასიათის ნაშრომის ანოტაციაში საჭიროა აღინიშნოს სად, როდის, რა მასშტაბით არის რეალიზებული სამუშაოს შედეგები და როგორია მიღებული ტექნიკურ-ეკონომიკური მაჩვენებლები;

        ანოტაცია ხელმოწერილი უნდა იყოს ყველა ავტორის მიერ;

5. ცნობა ავტორთა მონაცემების შესახებ (CV) , ავტობიოგრაფია, ცნობა სამუშაო ადგილიდან და დაკავებული თანამდებობა, ბინის მისამართი, ფოტოსურათი ზომით 3X4 სმ.

6. დოკუმენტები  შედგენილი უნდა იყოს ორ ეგზემპლარად, თითოეული ეგზემპლარი წარმოდგენილი უნდა იყოს ცალკე საქაღალდით, რომელზეც აღნიშნული იქნება ავტორის/ავტორების გვარი და ინიციალები, ნაშრომის დასახელება და წარმომდგენი ორგანიზაციის დასახელება;

7. ნაშრომი წარმოდგენილი უნდა იყოს ორ ეგზემპლარად შემდეგი სახით:

     - ფუნდამენტალური ნაშრომი (მონოგრაფია, წიგნი, შრომათა კრებული);

     - გამოყენებითი ხასიათის ნაშრომი (სამუშაოთა აღწერა, თანდართული შეფასებებით, დასკვნებით, საავტორო მოწმობებისა და პატენტების ასლებით);

     - სახელმძღვანელო.

            ნაშრომს შეიძლება დაერთოს ფოტოსურათების ალბომი, სქემები, რუკები და სხვა. სასურველია, რომ დამატებითი მასალის ფორმატი იყოს ისეთივე, როგორც ნაშრომის ფორმატია.

            მასალები პრემიის მოსაპოვებლად წარმოდგენილი უნდა იქნეს 2018 წლის 31 დეკემბრის 17⁰⁰ საათამდე აკადემიის კადემიურ დეპარტამენტში კანცელარიაში საბუთების რეგისტრაციის შემდეგ. საბუთების მიღება იწარმოებს ყოველ დღე, გარდა შაბათ-კვირისა.

            პრემიის მინიჭების დებულება იხილეთ ბმულზე  „პრემია“

            მისამართი: 0102, ქ. თბილისი, ივანე ჯავახიშვილის ქუჩა #51, მე-2 სართული, ოთახი #17. ტელ. 2 94 31 21, 577 711 775.

შენიშვნა: კონკურსთან დაკავშირებით ნებისმიერ საკითხზე მიმართეთ საქართველოს სოფლის მეურნეობის მეცნიერებათა აკადემიის აკადემიურ დეპარტამენტს.

საქართველოს სოფლის მეურნეობის მეცნიერებათა აკადემია

სურსათის უვნებლობის და სასურსათო ტექნოლოგიის სამეცნიერო

განყოფილების  2018 წლის 29 ოქტომბრის სხდომის

დღის წესრიგი

თბილისი                                                                                                დასაწყისი 16 საათზე

1. სურსათში ანტიბიოტიკების ნაშთებთან ასოცირებული რისკები ადამიანის ჯანმრთელობისათვის.

მომხსენებელი: სოფლის მეურნეობის სამინისტროს სამეცნიერო-კვლევითი ცანტრის მთავარი სპეციალისტი, ილიას უნივერსიტეტის პროფესორი მამუკა კოტეტიშვილი.

2. მიმდინარე საკითხები.

 * *  * * * * * * * * * * * * * * * * * * * * * * * * * * * * * * * * * * * * * * * * ** * * ** * * * * * *

სსმ  მეცნიერებათა  აკადემიის  პრეზიდიუმის   სხდომა

საქართველოს სოფლის მეურნეობის მეცნიერებათა აკადემიის

პრეზიდიუმის 2018 წლის 25 ოქტომბრის სხდომის

დღის  წესრიგი:

ქ. თბილისი                                                                                         დასაწყისი 12 საათზე

1 .   აკადემიის პრეზიდენტის, აკადემიკოს გურამ ალექსიძის ინფორმაცია ქალაქ პეკინში ჩინეთის  სოფლის მეურნეობის მეცნიერებათა აკადემიაში სამუშაო ვიზიტის შესახებ.

2 .  ინკლუზიური ზრდის ეკონომიკური მოდელი;

    მომხსენებელი: აკადემიკოსი თ. კუნჭულია                                 

3 .  ინფორმაცია შავი, კასპიის ზღვებისა და ცენტრალური აზიის რეგიონის ქვეყნების მეაბრეშუმეობის ასოციაციის (BACSA) –ს საერთაშორისო კონფერენციის მზადებასთან დაკავშირებით.

     მომხსენებელი: აკადემიკოსი ე. შაფაქიძე.

4 .  მიმდინარე საკითხები:

აკადემიის პრეზიდენტის, აკადემიკოს გურამ ალექსიძის ინფორმაცია უმაღლესი განათლებისა და მეცნიერების სფეროში ხანგრძლივი და ნაყოფიერი სამეცნიერო_საგანმანათლებლო საქმიანობისათვის აკადემიის წევრთა და თანამშრომელთა საქართველოს განათლების, მეცნიერების, კულტურისა და სპორტის სამინისტროს საპატიო სიგელებით დაჯილდოების შესახებ.

საქართველოს

სოფლის მეურნეობის მეცნიერებათა აკადემიის საკონფერენციო

დარბაზში 2018 წლის 24 ოქტომბერს 12 საათზე საერთაშორისო პროექტის -

„135 აკადემიური თანამშრომლობა შესაძლებლობების გაზრდისათვის

გარემოსდაცვით სწავლებაში (ACCES)” ფარგლებში გაიმართება

მრგვალი მაგიდა:

თემა: ელექტრონული სწავლება წყლის ინჟინერიაში  

ორგანიზატორი: სოფლის მეურნეობის მეცნირებათა აკადემიის, აგროსაინჟინრო
სამეცნიერო განყოფილება და სასოფლო-სამეურნეო მელიორაციის დარგობრივი
 ჯგუფი.

       მომხსენებლები:  ავსტრიის ვენის ბუნებრივი რესურსების და საბუნებისმეტყველო
       მეცნიერებების უნივერსიტეტის (BOKU) პროფესორები: ვილიბალდ ლოისქანდლი,
       მარგარიტა ჰიმელბაუერი; საქართველოს ტექნიკური უნივერსიტეტის პროფესორები:
       ირაკლი ყრუაშვილი, ირმა ინაშვილი, კონსტანტინე ბზიავა.

მისამართი: თბილისი, ი. ჯავახიშვილის ქუჩა  #51,  II სართული, საქართველოს
სოფლის მეურნეობის მეცნიერებათა აკადემია

E-mail:This email address is being protected from spambots. You need JavaScript enabled to view it.

web-site-www.gaas.dsl.ge

საქართველოს სოფლის მეურნეობის მეცნიერებათა აკადემია

16  ოქტომბერი  15⁰⁰ სთ.  საკონფერენციო დარბაზი:

მრგვალი მაგიდა

სურსათთან დაკავშირებული რისკების შეფასების საკითხებზე

შესავალი სიტყვა - აკადემიის ვიცე-პრეზიდენტი

აკადემიკოსი გივი ჯაფარიძე

სტუმრები: ბერლინის ფედერალური ინსტიტუტის  უმაღლესი მენეჯმენტის წარმომადგენლები -  ბატონი ანდრეას ჰენსელი - ინსტიტუტის პრეზიდენტი  და ბატონი მაგნუს ეგერი -ინსტიტუტის ვიცე-პრეზიდენტი.

მისამართი: თბილისი, ივ. ჯავახიშვილის ქუჩა #51, მე-2 სართული, 

                       საკონფერენციო დარბაზი