საქართველოს სოფლის მეურნეობის მეცნიერებათა აკადემიის მეცხოველეობისა და

ვეტერინარიის მეცნიერებათა განყოფილება

2022 წლის 31 მარტს ჩატარდა განყოფილების სხდომა შემდეგი დრის წესრიგით:

1.აკადემიკოს ანატოლი გიორგაძისანგარიში 2021 წელს გაწეული სამეცნიეროსაქმიანობისშესახებ (აკად. ა. გიორგაძის მოხსენება იხილეთ ბმულზე);

2.კვერცხის, როგორც ცილის დეფიციტის შევსების საუკეთესო საშუალების შესახებ.

მომხსენებელი: აკადემიის სამეცნიერო განყოფილებების სწავლული მდივანი,

სოფლის მეურნეობისდოქტორი მარინე ბარვენაშვილი (დოქტ. მ. ბარვენაშვილის მოხსენება იხილეთ ბმულზე).

3. მიმდინარე საკითხები.

საქართველოს სოფლის მეურნეობის მეცნიერებათა აკადემიის სურსათის უვნებლობისა და სასურსათო ტექნოლოგიის მეცნიერებათა განყოფილება

2022 წლის 30 მარტს ჩატარდა განყოფილების სხდომა შემდეგი დღის წესრიგით:  

1. აკადემიკოს ედიშერ კვესიტაძისანგარიში 2021 წელს გაწეული სამეცნიერო საქმიანობისა და სამომავლო გეგმების შესახებ

(აკად. ე. კვესიტაძის .ანგარიში იხილეთ ბმულზე);

2. ინფორმაცია სპეციფიკური ფერმენტების მეშვეობით რძის გადამუშვების ინოვაციური ტექნოლოგიის შესახებ.

მომხსენებელი: აკადემიკოსი ედიშერ კვესიტაძე (აკად. ე.კვესიტაძის ინფორმაცია იხილეთ ბმულზე).

3. მიმდინარე საკითხები.

საქართველოს სოფლის მეურნეობის მეცნიერებათა აკადემიის    

  აგროინჟინერიის მეცნიერებათა განყოფილების სხდომა

2022 წლის 23 მარტს ჩატარდა აგროინჟინერიის სამეცნიერო განყოფილების სხდომა შემდეგი დღის წესრიგით: 

1. აკადემიკოს  ელგუჯა შაფაქიძის  ანგარიში 2021 წელსგაწეული სამეცნიეროსაქმიანობისდა სამომავლო გეგმებისშესახებ

აკად. ე. შაფაქიძის მოხსენება იხილეთ ბმულზე;

2. ფერმერთა და მიწითმოსარგებლეთა ტექნიკაზე ხელმისაწვდომობის გაზრდის მიზნით საქართველოს სამანქანო სატრაქტორო პარკის მოკვლევის, ანალიზის,

რეკომენდაციების  და მიზნობრივი პროგრამების შემუშავების შესახებ.

მომხსენებელი: ტექნიკის მეცნიერებათა დოქტორი ომარ თედორაძე (მოხსენება იხილეთ ბმულზე).

საქართველოს სოფლის მეურნეობის მეცნიერებათა აკადემიის

გარემოს დაცვისა და სატყეო საქმის მეცნიერებათა განყოფილების

2022 წლის 21 მარტის სხდომა

2021 წლის 21 მარტს გაიმართა გარემოს დაცვისა და სატყეო საქმის მეცნიერებათა განყოფილების სხდომა შემდეგი დღის წესრიგით:

1. აკადემიკოს გიორგი გაგოშიძის ანგარიში 2021 წელს გაწეული სამეცნიერო საქმიანობისა და სამომავლო გეგმების შესახებ (აკად. გ. გაგოშიძის ანგარიში იხილეთ ბმულზე).

2. კლიმატის გლობალური ცვლილების ფონზე ქ. თბილისის შემოგარენის ტყის შემქმნელი ძირითადი მერქნიანები და მათი გავრცელების თავისებურებების შესახებ.

მომხსენებლები:აკადემიის ვიცე-პრეზიდენტი, აკადემიკოსი გივი ჯაფარიძე;აკადემიკოს–მდივნის მოადგილე, აკადემიკოსიგიორგი გაგოშიძე;საქართველოს ტექნიკური უნივერსიტეტის აგრარული მეცნიერებების და ბიოსისტემების ინჟინერინგის ფაკულტეტის სატყეო მიმართულების   დოქტორანტი გიორგი ჯინჭარაძე (მოხსენება იხილეთ ბმულზე).

2022 წლის 21 მარტს საქართველოს სოფლის მეურნეობის მეცნიერებათა აკადემიის საკონფერენციო დარბაზში აკადემიის გარემოს დაცვისა და სატყეო საქმის მეცნიერებათა განყოფილების ორგანიზებით გაიმართა ტყის საერთაშორისო დღისადმი მიძღვნილი თემატური სხდომა. სხდომას ესწრებოდნენ გარემოს დაცვისა და სატყეო საქმის სამეცნიერო განყოფილების წევრები: აკადემიის ვიცე-პრეზიდენტი, აკადემიკოსი გივი ჯაფარიძე,   განყოფილების აკადემიკოს-მდივნის მოადგილე, აკადემიკოსი გიორგი გაგოშიძე, განყოფილების სწავლული მდივანი, აკადემიკოსი ლაშა დოლიძე, აკადემიის პრეზიდენტის მოადგილე, სამეცნიერო განყოფილებების კოორდინატორი, აკადემიკოსი ანატოლი გიორგაძე, აკადემიური დეპარტამენტის უფროსი, აკადემიკოსი ელგუჯა შაფაქიძე, განყოფილების სტიპენდიატები: ვ. გულისაშვილის სატყეო ინსტიტუტის დირექტორის მ/შ, სატყეო საქმის დოქტორი გიორგი ქავთარაძე, სოფლის მეურნეობის დოქტორი ზვიად ტიგინაშვილი, სოფლის მეურნეობის დოქტორი ა. სუპატაშვილი, აკადემიის სამეცნიერო განყოფილებების სწავლული მდივანი, ს/მ დოქტორი მარინე ბარვენაშვილი, აკადემიის აპარატის მუშაკები და მოწვეული სტუმრები: სოფლის მეურნეობის მაგისტრი ზვიად გოცირიძე და გეოლოგიის მეცნიერებათა დოქტორი, პროფესორი ივანე ჯაფარიძე.

  სხდომა გახსნა საქართველოს სოფლის მეურნეობის მეცნიერებათა აკადემიის ვიცე-პრეზიდენტმა, აკადემიკოსმა გივი ჯაფარიძემ. მოკლე მისალმების შემდეგ იგი შეეხო ტყის საერთაშორისო დღისადმი მიძღვნილ თემატურ სხდომაზე დამსწრე საზოგადოების შეკრების მიზანს, ლევან გოცირიძის მონოგრაფიის  „ბორჯომის  ხეობაში  სოციალურ-ეკონომიკური, პოლიტიკური და ეკოლოგიური მდგომარეობა წარსულში და საკურორტო ტყეების არსებული პრობლემების“ განხილვას. აკადემიკოსმა გ. ჯაფარიძემ გაიხსენა ღვაწლმოსილი მეტყევე-მეცნიერის, ბატონ ლ. გოცირიძის დამსახურება ქვეყნისა და ერის წინაშე. განსაკუთრებული ყურადღება გაამახვილა ლ. გოცირიძის ინიციატივაზე პირველად კავკასიაში ევროპული სტანდარტებით შექმნილიყო ბორჯომ-ხარაგაულის ეროვნული პარკი და დაცული ტერიტორია. გარდა ამისა აკადემიკოსმა გ. ჯაფარიძემ აღნიშნა ისიც, რომ ლ. გოცირიძემ დიდი ძალისხმევა გამოიჩინა ბორჯომის ხეობაში ტყის მავნებლის ნაძვის „დიდი ლაფნისჭამიის“ წინააღმდეგ განხორციელებულ ბრძოლის ღონისძიებებში, დაზიანებული ნაძვნარი ტყის ეკოსისტემების აღდგენასა და განახლებაში. შემდეგ მან სიტყვა გადასცა ბატონ ლევან გოცირიძის ვაჟს, მეტყევე-მაგისტრს ზვიად გოცირიძეს, რომელმაც დიდი მადლობა გადაუხადა საქართველოს სოფლის მეურნეობის მეცნიერებათა აკადემიის გარემოს დაცვისა და სატყეო საქმის მეცნიერებათა განყოფილებას მოწვევისა და ზემოაღნიშნული ღონისძიების დაგეგმვისათვის. თავის მოხსენებაში ბატონმა ლ. გოცირიძემ დაწვრილებით განიხილა მონოგრაფიაში წარმოდგენილი მნიშვნელოვანი საკითხები, კერძოდ ბორჯომის ხეობის სოციალურ-ეკონომიკური და პოლიტიკური ვითარება ტყის აღდგენასთან დაკავშირებით, ტყეების კვლავწარმოების, გაუტყევებელი ფართობების გაშენების, ტყის მავნებელ-დაავადებათა წინააღმდეგ ბრძოლის ღონისძიებები და სხვ. აღინიშნა, რომ განხილული მონოგრაფია წარმოადგენს ერთგვარ გზამკვლევს მეტყევე სპეციალისტებისათვის და ზოგადად ბუნების მოყვარულთათვის. მოხსენების ბოლოს, ბატონმა ზ. გოცირიძემ გაიხსენა ეპიზოდები მამის ბიოგრაფიიდან.                                                                       

ლ. გოცირიძის მონოგრაფიასთან დაკავშირებით თავიანთი აზრი გამოთქვეს აკადემიკოსებმა: გ. გაგოშიძემ, ლ. დოლიძემ, სოფლის მეურნეობის დოქტორმა ა. სუპატაშვილმა, რომლებმაც ხაზი გაუსვეს ნაშრომის მნიშვნელობას, განსაკუთრებით ახალგაზრდა თაობისათვის, რომლებიც აღნიშნულ მონოგრაფიაში აღმოაჩენენ არა მარტო თეორიულ, არამედ მრავალ საინტერესო პრაქტიკულ რჩევას.                                                                                                                                                          

სხდომა შეაჯამა აკადემიის ვიცე-პრეზიდენტმა, აკადემიკოსმა გ. ჯაფარიძემ,  რომელმაც მადლობა გადაუხადა მომხსენებლებსა და დამსწრე საზოგადოებას მობრძანებისათვის და აღნიშნა, რომ მსგავსი შეხვედრები ხელს შეუწყობს მომავალში საქართველოს ტყეებთან დაკავშირებულ აქტუალური საკითხების განხილვა-გადაწყვეტას.

(აკადემიკოს გივი ჯაფარიძისა და აკადემიკოს ლაშა დოლიძის რეცენზია ლევან გოცირიძის მონოგრაფიაზე: „ბორჯომის ხეობაში სოციალურ-ეკონომიკური, პოლიტიკური და ეკოლოგიური მდგომარეობა წარსულში და საკურორტო ტყეების არსებული პრობლემები“ იხილეთ ბმულზე).

საქართველოს სოფლის მეურნეობის მეცნიერებათა აკადემიის

საერთო კრება

         2022 წლის 18 მარტს ჩატარდა საქართველოს სოფლის მეურნეობის მეცნიერებათა აკადემიის საერთო კრება შემდეგი დღის წესრიგით:

 1. საქართველოს სოფლის მეურნეობისმეცნიერებათა აკადემიის მიერ 2021 წელს გაწეული სამეცნიერო საქმიანობისა და 2022 წლის აგრარული მეცნიერების ამოცანების შესახებ,მომხსენებლები: საქართველოს სოფლის მეურნეობათა მეცნიერებათა აკადემიის პრეზიდენტი, აკად. გურამ ალექსიძე; აკადემიის ვიცე-პრეზიდენტი, აკად. გივი ჯაფარიძე.

  2. აკადემიის სამეცნ. განყოფილებების მიერ 2021 წელს გაწეული სამეცნიერო საქმიანობისა და 2022 წლის ამოცანების შესახებ, მომხსენებლები: აკადემიის აკადემიკოს მდივნები, აკადემიკოსები: გ. მარგველაშვილი, ჯ. გუგუშვილი, რ. მახარობლიძე, ზ. ცქიტიშვილი, რ. ჩაგელიშვილი, ო. ქეშელაშვილი.

   3. საქართველოს სოფლის მეურნეობის მეცნიერებათა აკადემიის აჭარის ა.რ. სამეცნიერო-საკოორდინაცია ცენტრის მიერ 2021 წელს გაწეული სამეცნიერო საქმიანობისა და 2022 წლის პერსპექტიული სამუშაო გეგმის შესახებ. მომხსენებელი: საქართველოს სოფლის მეურნეობის მეცნიერებათა აკადემიის აჭარის ა.რ. სამეცნიერო-საკოორდინაციო ცენტრის ხელმძღვანელი, აკად. ზ. ფუტკარაძე.

  4. მიმდინარე საკითხები.

            აკადემიის საერთო კრებას აკადემიის ნამდვილი წევრებისა და აკადემიის სტიპენდიატების გარდა ესწრებოდნენ საქართველოს პარლამენტის აგრარულ საკითხთა კომიტეტის აპარატის უფროსი, დოქტ. ი. ახალბედაშილი, საქართველოს გარემოს დაცვისა და სოფლის მეურნეობის სამინისტროს სამეცნიერო-კველვითი ცენტრის დირექტორი, პროფ. ლ. უჯმაჯურიძე და აკადემიის აპარატის თანამშრომელები.

კრების დღის წესრიგის პირველ საკითხზე ვრცელი მოხსენება გააკეთა საქართველოს სოფლის მეურნეობათა მეცნიერებათა აკადემიის პრეზიდენტმა, ევროპის სოფლის მეურნეობის, სურსათისა და ბუნებათსარგებლობის აკადემიების კავშირის (UEAA) პრეზიდენტმა, აკად. გურამ ალექსიძემ (აკად. გ. ალექსიძი მოხსენება იხ. ბმულზე, www. gaas.dsl.ge, „სიახლეები“ );

         კრების დღის წესრიგის მიხედვით აკადემიის ვიცე-პრეზიდენტმა, აკად. გ. ჯაფარიძემ კომენტარები გააკეთა მოხსენების შესახებ და აღნიშნა, რომ ვრცელ მოხსენებაში განხილულია აკადემიის პრეზიდიუმისა და თითოეული სამეცნიერო განყოფილების საქმიანობა 2021 წელს, აკადემიის სამეცნიერო საქმიანობის პრიორიტეტები, აკადემიის წევრების სამეცნიერო-კვლევითი საქმიანობის თემატიკა 2021-2022 წლებში, აკადემიის საგამომცემლო საქმიანობა,   აკადემიის გარემოს დაცვის, მცენარეთა გენეტიკური რესურსებისა და აგრობიომრავალფეროვნების საკოორდინაციო ცენტრის მიერ 2021 წელს შესრულებული სამუშაოების მოკლე მიმოხილვა და აკადემიის მიერ საქართველოს პარლამენტში წარდგენილი წინადადებები საქართველოს კანონის „საქართველოს მეცნიერებათა ეროვნული აკადემიის შესახებ“ მე-16¹ მუხლში ცვლილებების შეტანის შესახებ.

     აკადემიის პრეზიდენტის აკად. გ. ალექსიძის მოხსენების შემდეგ დარგობრივი სამეცნიერო განყოფილებების 2021 წელს გაწეული საქმიანობის შესახებ ინფორმაციები გააკეთეს აგრონომიის მეცნიერებათა განყოფილების აკადემიკოს-მდივანმა, აკად. გ. მარგველაშვილმა, მეცხოველეობისა და ვეტერინარიის მეცნიერების განყოფილების აკადემიკოს-მდივანმა აკა. ჯ. გუგუშვილმა, აგროინჟინერიის მეცნიერებათა განყოფილების აკადემიკოს-მდივანმა, აკად. რ. მახარობლიძემ, სურსათის უვნებლობისა და სასურსათო ტექნოლოგიის მეცნიერებათა განყოფილების აკადემიკოს-მდივანმა, აკა. ზ. ცქიტიშვილმა, გარემოს დაცვისა და სატყეო საქმის მეცნიერებათა განყოფილების აკადემიკოს-მდივანის მოადგილემ, აკად. გ. გაგოშიძემ.

საქართველოს სოფლის მეურნეობის მეცნიერებათა აკადემიის აჭარის ა.რ. სამეცნიერო-საკოორდინაცია ცენტრის მიერ 2021 წელს გაწეული სამეცნიერო საქმიანობისა და 2022 წლის პერსპექტიული სამუშაო გეგმის შესახებ მოხსენებით გამოვიდა ცენტრის ხელმძღვანელი, აკად. ზ. ფუტკარაძე.

აკადემიაში დამუშავებული პროგრამის „საქართველოს სოფლისა და სოფლის მეურნეობის განვითარება - მოდერნიზაცია (2030 წლამდე პერიოდისათვის სახელმწიფო პროგრამის შემუშავების კონცეპტუალური და ორგანიზაციულ - მეთოდოლოგიური საკითხები)“ შესახებ აკადემიის საერთო კრებას მოახსენა აკად. ნ. ჭითანავამ.

            აკადემიის საერთო კრებას გაწეული სამეცნიერო-კვლევითი საქმიანობის შესახებ ინფორმაციები მიაწოდეს საქართველოს გარემოს დაცვისა და სოფლის მეურნეობის სამინისტროს სამეცნიერო-კველვითი ცენტრის დირექტორმა, პროფ. ლ. უჯმაჯურიძემ და სტუ-ის კვების მრეწველობის ინსტიტუტის დირექტორმა, აკად. ნ. ბაღათურიამ.

აკადემიის საერთო კრების მუშაობა შეაჯამეს აკადემიის პრეზიდენტმა, აკად. გ. ალექსიძემ და აკადემიის ვიცე-პრეზიდენტმა, აკად. გ. ჯაფარიძემ.

           2022 წლის 16 მარტს ჩატარდა საქართველოს სოფლის მეურნეობის მეცნიერებათა აკადემიის აგრარული ინოვაციების კომისიის სხდომა, რომელზეც მოხსენებით: „კლიმატის თანამედროვე ცვლილების გავლენა აგრარულ სექტორზე“ გამოვიდა სოფლის მეურნეობის დოქტორი მაია მელაძე - საქართველოს ტექნიკური უნივერსიტეტის ჰიდრომეტეოროლოგიის ინსტიტუტის მთავარი მეცნიერ თანამშრომელი, სტუ-ს აგრარული მეცნიერებების და ბიოსისტემების ინჟინერინგის ფაკულტეტის პროფესორი.

       მომხსენებელმა   აღნიშნა, რომ კლიმატის გლობალურმა ცვლილებამ საქართველოს ტერიტორიაც მოიცვა და მისგან გამოწვეული უარყოფითი შედეგები, შესაძლოა, კიდევ უფრო მძაფრად გამოვლინდეს მომავალში. ამ მხრივ ერთ-ერთ ყველაზე მოწყვლად სექტორს სოფლის მეურნეობა წარმოადგენს. კვლევებმა აჩვენა, რომ საქართველოში ტემპერატურის ცვლილებას არაერთგვაროვანი ხასიათი აქვს, რასაც განაპირობებს ტერიტორიის რთული ოროგრაფიული, ლანდშაფტურ-კლიმატური პირობები. მაღალი ტემპერატურა უარყოფითად მოქმედებს სასოფლო-სამეურნეო საქმიანობაზე - ტემპერატურული და ნალექების რეჟიმის ცვლილებამ, სეზონების წანაცვლებამ და სავეგეტაციის პერიოდების ცვლილებამ საგრძნობლად შეამცირა ტრადიციული მეთოდით მოსავლის მიღება.

გამომდინარე იქედან, რომ ადამიანის საცხოვრებელი კონკრეტული არეალისთვის დამახასიათებელი კლიმატი სასოფლო-სამეურნეო საქმიანობის წესს განსაზღვრავს, კლიმატის ცვლილებასთან ერთად ტრანსფორმაციას განიცდის დარგის პრაქტიკაც. ამ პრობლემის საპასუხოდ დღის წესრიგშია სოფლის მეურნეობის განვითარებისადმი ახლებური მიდგომა, რაც გულისხმობს მის ისეთ გარდაქმნას, რომ გაიზარდოს ეფექტიანად მართვისა და მდგრადი განვითარების შესაძლებლობები - მოიაზრებს კლიმატგონივრული სოფლის მეურნეობის პრინციპების განხორციელებას, პასუხობს კონკრეტულ არეალისთვის დამახასიათებელ კლიმატის ცვლილების გამოწვევებს, ითვალისწინებს კლიმატური პარამეტრების მოსალოდნელ ცვლილებას და ხელს უწყობს მოსავლიანობის მატებას.

აღმოსავლეთ საქართველოში გამოვლენილია ტემპერატურის მეტი მატების ტენდენცია, დასავლეთ საქართველოსთან შედარებით. ამიტომ, ჩვენს მიერ აღმოსავლეთ საქართველოში ადგილის სიმაღლის მიხედვით, პერსპექტიული სასოფლო-სამეურნეო კულტურების ელმაგავრცელების აგროკლიმატური ზონების სცენარისათვის გათვალისწინებულია ტემპერატურის 2°C-ით მატება. კლიმატის თანამედროვე ცვლილების ფონზე გამოკვლეული და გაანალიზებულია კახეთის, მცხეთა-მთიანეთის, სამცხე-ჯავახეთის, ქვემო და შიდა ქართლის მშრალი სუბტროპიკული, მთიანი და მაღალმთიანი ზონების აგროკლიმატური ასპექტები, განსაზღვრულია აგროკლიმატური მახასიათებლების დროში ცვლილების დინამიკა და კლიმატის ცვლილებით გამოწვეული არსებული აგროკლიმატური ზონების შესაძლო ტრანსფორმაცია, რის საფუძველზეც გამოყოფილია ზონები შესაბამისი პერსპექტიული კულტურების გავრცელების მიზნით.

სხდომის მუშაობაში მონაწილეობდა კომისიის 30 წევრი; მოხსენების განხილვაში მონაწილეობა მიიღეს აკადემიის ვიცე-პრეზიდენტმა გ. ჯაფარიძემ, აკადემიის ექსპერტმა გ.ცოფურაშვილმა, გარემოს დაცვისა და სოფლის მეურნეობის მინისტრის მრჩეველმა ო.კაჭარავამ და დეპარტამენტის უფროსმა პროფ. ო.თედორაძემ, აკადემიკოსმა ა.დიდებულიძემ, პროფესორებმა მ.ლობჟანიძემ, ც.სამადაშვილმა, ა.სუპატაშვილმა და ო.ქარჩავამ, დარგის ცნობილმა პრაქტიკოსებმა ლ.მესხმა, ზ.ლოლაძემ, შ.მაჭარაშვილმა.    
             მიღებული იქნა შესაბამისი დადგენილება და რეკომენდაციები.

საქართველოს სოფლის მეურნეობის მეცნიერებათა აკადემიის პრეზიდენტის მოხსენება აკადემიის საერთო კრებაზე

(18 მარტი, 2022 წელი)

2022 წლის 18 მარტს საქართველოს სოფლის მეურნეობის მეცნიერებათა აკადემიაში გაიმართა აკადემიის საერთო კრება, სადაც მოხსენებით გამოვიდა აკადემიის პრეზიდენტი, აკად. გურამ ალექსიძე.

აკადემიის პრეზიდენტის მოხსენების თემა: „საქართველოს სოფლის მეურნეობის მეცნიერებათა აკადემიაში 2021 წელს ჩატარებული სამეცნიერო საქმიანობისა და 2022 წელს აკადემიის სამომავლო მიზნებისა და ამოცანების შესახებ“.

                    (საქართველოს სოფლის მეურნეობის მეცნიერებათა აკადემიის პრეზიდენტის მოხსენების ტექსტი იხილეთ ბმულებზე  #.1,   #.2,   #.3,  #.4,   #.5 )

(აკადემიკოსების როლანდ კოპალიანის და ზაურ ფუტკარაძის მილოცვები იხილეთ ბმულზე)

             2022 წლის 9 მარტს საქართველოს სოფლის მეურნეობის მეცნიერებათა აკადემიის ორგანიზებით და აკადემიის სტიპენდიატების მონაწილეობით მოეწყო გამსვლელი სამეცნიერო ექსპედიცია კუმისის მეფრინველეობის ფაბრიკაში.

        ექსპედიციას ხელმძღვანელობდა: აკადემიის სამეცნიერო საბჭოს თავმჯდომარის მოადგილე, მეცხოველეობის და ვეტერინარიის მეცნიერების განყოფილების აკადემიკოს-მდივანი  ელგუჯა გუგუშვილი.

        მონაწილეობდნენ: აკადემიკოსები: ე. გუგუშვილი, რ. ასათიანი, პროფ.მ.კერესელიძე, პროფ.ა.ყურაშვილი, აკადემიის სტიპენდიატები: მ. ბენაშვილი, ე. კაციტაძე, ზ. ტიგინაშვილი. კუმისის ფაბრიკის დირექტორი გ.მაისურაძე, წარმოების უფროსი დ.ქვაჭრელიშვილი, სამეთვალყურეო საბჭოს თავმჯდომარე თ. ედიშერაშვილი და ფაბრიკის მთავარი ვეტერინარი ლ.ოქრიაშვილი.

       ფაბრიკის საქმიანობაზე,  არსებულ მდგომარეობასა და პერსპექტივებზე ვრცლად ისაუბრა ფაბრიკის დირექტორმა გოგიტა მაისურაძემ. კერძოდ მან აღნიშნა, რომ ფაბრიკა ბაზარზე 2005 წლიდან არის წარმოდგენილი. ფაბრიკის სლოგანია ,,კუმისი ერთ ნაჭუჭში ჩატეული ბედნიერება“.   თანამედროვე დონეზე აღჭურვილი საწარმოს საქმიანობაა ქათმის კვერცხის წარმოება. 12 ჰექტარზე განლაგებული ფაბრიკა მდებარეობს გარდაბნის რაიონის, სოფელ კუმისში, რომელიც თბილისიდან სამხრეთ-აღმოსავლეთით 17 კილომეტრითაა დაშორებული.. საწარმოში ფუნქციონირებს15 საფრინველე მ.შ.  12 საწარმოო ფრინველისათვის და ასევე 3 საწიწილე-გამოსაზრდელი წიწილებისათვის. წიწილის გამოზრდა მიმდინარეობს 15 კვირა. კვერცხის დადება იწყება 20 კვირის ასაკიდან.   საფრინველეში ფრინველი ატარებს 60 კვირას. .

       ფაბრიკის თანამედროვე სტანდარტები ავტომატურ რეჟიმში უზრუნველყოფს ფრინველის კვებას და წყლით მომარაგებას. ასევე ავტომატურია საფრინველეში კლიმატის კონტროლი  (ჰაერის ტემპერატურა, ტენიანობა, ჰაერის მოძრაობის სისწრაფე )   და კვერცხის აკრეფა. დანადგარები, სადაც იმყოფება ფრინველი შეესაბამება თანამედროვე სტანდარტების   მოთხოვნებს. უმაღლესი ხარისხის მარცვლეულისა და მაღალი სტანდარტების გამოყენება და წარმოების მუდმივი კონტროლი საშუალებას აძლევს ფაბრიკას უმაღლესი ხარისხის პროდუქცია - ქათმის 0, I და   II კატეგორიის კვერცხი აწარმოოს. კუმიისის მეფრინველეობის ფაბრიკამ რამოდენიმეჯერ გაიარა საქართველოს სოფლის მეურნეობის სამინისტროს სსიპ სურსათის ეროვნული სააგენტოს შემოწმება და დადასტურდა წარმოები მაღალი დონე.  

          ფაბრიკა საპატიოდ დაჯილდოვდა ევროპის ხარისხის ორგანიზაციის 117-ე გენერალური ასამბლეის ეგიდით გამართულ ცერემონიაზე ხარისხის ნიშნის სერთიფიკატით და მისი პროდუქცია შეტანილ იქნა “The Best Qulity of Georgia”-ს კატალოგში, როგორც ეკოლოგიურად სუფთა და ხარისხიანი პროდუქტი. კომპანია 2016 წლიდან ფლობს ISO 22 000 კატეგორიის სერტიფიკატს , რომელიც ადასტურებს მენეჯმენტის გამართულ მუშაობას და წარმოებული კვების პროდუქტების უსაფრთხოების ნორმების მკაცრად დაცულობას.

         ფაბრიკა პროდუქციის რეალიზაციას ახდენს , კუთვნილი ავტომობილებით. ფაბრიკას აქვს სადისტრიბუციო ქსელი მთელი ქვეყნის მასშტაბით (აჭარა, იმერეთი, გურია, სამეგრელო, სამცხე-ჯავახეთი, ქვემო ქართლი და შიდა ქართლი), რაც პროდუქციის სწრაფ და შეუფერხებელ მიწოდებას უზრუნველყოფს.

           წარმოების უფროსმა დავით ქვაჭრელიშვილმა აღნიშნა, რომ ფაბრიკამ მიმდინარე წელს წარმოებაში გაუშვა ახალი პროდუქტი ,,კუმისის ფერმერის“ სახელწოდებით. ის განსხვავებული შეფუთვით და დიზაინით გამოდის. ეს არის განსაკუთრებულ კვებაზე და პირობებში მოქცეული ფრინველის კვერცხი, რომელიც ფაქტობრივად, ისეთივე კვებითი ღირებულებების მატარებელია, როგორიცაა სოფლის კვერცხი. ფრინველს განსვავებული საკვები მიეწოდება, რაშიც სპეციალური ცილოვანი დანამატებია. ფრინველის კვების რაციონში შედის სიმინდი, ხორბალი და ქერი. რაციონიდან ამოღებულია ყველა ქიმიური დანამატები, რაც კვერცხის შემადგენლობას განსაკუთრებულს ხდის, გამოიყენება მხოლოდ ბუნებრივი წყალი, რომელიც იფილტრება მხოლოდ ბუნებრივი წარმოშობის ფილტრებით. ფრინველი იმყოფება თავისუფალ გარემოში.  კვერცხი თავისი არსით და ტექნოლოგიით უნიკალურია.  მომხმარებელმა ეს პროდუქტი კარგად მიიღო და მოთხოვნებიდან გამომდინარე ფაბრიკა მისი წარმოების ზრდას გეგმავს. ამჟამად 1 ცალი კვერცხის გასაყიდი ფასი 0,42 ლარია.

       ფაბრიკის საქმიანობაში კვერცხის მაღალი ხარისხი ყველაზე მნიშვნელოვანია, ამიტომ მომხმარებელს სთავაზობს მუდამ ახალ, ეკოლოგიურად სუფთა და ჯანსაღ პროდუქტს. მისი უნიკალურობა დადასტურებულია სხვადსხვა ტიპის დასკვნებითა და ლაბორატორიული კვლევებით.

          ფაბრიკის მთავარმა ვეტერინარმა ლალი ოქრიაშვილმა ისაუბრა  ქათმის დაავადებებზე, მათ გამომწვევ მიზეზებზე, პროფილაქტიკურ ღონისძიებებსა და კვერცხის დადებით მნიშვნელობაზე. აღნიშნა, რომ კვერცხი ძალიან სასარგებლო პროდუქტია, იგი შეიცავს ორგანიზმისათვის აუცილებელ სასარგებლო ნივთიერებებს: პროტეინებს, B1,B2,D,E,K,PP ვიტამინებს , მინერალურ ნივთიერებებს, არეგულირებს ფოსფორის დონეს ორგანიზმში, მდიდარია გლუკოზით, ამაგრებს ძვლებსა და კბილებს, ორგანიზმს იცავს ონკოლოგიური დაავადებებისაგან,   აუმჯობესებს მეხსიერებას და მხედველობას. დადგენილია, რომ კვერცხის რეგულარულად მიღება ანელებს გონების დაბერების პროცესს. რეკომენდებულია ყველა ასაკის ადამიანისათვის. ქათმის ვარგისიანობის განსაზღვრა შესაძლებელია მისი გარეგნული ნიშნების მიხედვით , კარგ კვერცხმდებელ დედლის ბიბილოს აქვს ვარდისფერი. მუცელი რბილი და მასიური. ზომის და ფორმის მიხედვით არჩევენ: მრგვალი, წაწვეტებული, პატარა, საშუალო და მსხვილი ზომის კვერცხებს.

       ექსპედიციის მონაწილეებმა დაათვალიერეს ფაბრიკაში არსებული უახლესი დანადგარები, გაეცნენ კვერცხის წარმოების   ინოვაციურ ტექნოლოგიებს, რომელიც სრულიად ავტომატიზებულია. ფაბრიკა იზიარებს უცხოეთის ქვეყნებში დანერგილ უახლოეს სტანდარტებს. აღნიშნულ საკითხებთან დაკავშირებით განმარტებებს იძლეოდა   სამეთვალყურეო საბჭოს თავმჯდომარე თამაზ ედიშერაშვილი.

       დისკუსიაში მონაწილეობდნენ: აკადემიკოსები:   რ.ასათიანი, პროფ. ა. ყურაშვილი, სტიპენდიატები: ე.კაციტაძე, ზ.ტიგინაშვილი და სხვები.

       შეხვედრის დასასრულს აკადემიკოსმა რევაზ ასათიანმა აღნიშნა რომ , კვლავ უნდა გაგრძელდეს საქმიანი ურთიერთობა საქართველოს სოფლის მეურნეობის მეცნიერებათა აკადემიასა და კუმისის მეფრინველეობის ფაბრიკას შორის. აკადემიის სტიპენდიატებმა მადლობა გადაუხადეს ფაბრიკის  თანამშრომლებს საინტერესო ინფორმაციისათვის, მათ მიერ გაწეული მეტად მნიშვნელოვანი საქმიანობისათვის და უსურვეს წარმატებები შემდგომ საქმიანობაში.

                  ძვირფასო აკადემიკოსო ი. გადზალო, მოგესალმებით საქართველოდან.

     გისურვებთ თქვენ, თქვენს ოჯახს და აკადემიის ყველა წევრს ჯანმრთელობას და კეთილდღეობას

    უკრაინისთვის ამ ძალიან რთულ დღეებში.

გარწმუნებთ, რომ საქართველოს სოფლის მეურნეობის მეცნიერებათა აკადემია მხარს გიჭერთ თქვენ და

გისურვებთ მოთმინებას დამოუკიდებლობისთვის ბრძოლაში ამ ძალიან რთულ გზაზე. ოკუპანტი არასოდეს იქნება გამარჯვებული.

                              ღრმა პატივისცემით

                              პრეზიდენტი

                              გურამ ალექსიძე

Dear Academician I. Gadzalo,

Greetings from Georgia. I wish you, your family and all Academy`s good health and prosperity in this very difficult days for Ukraine.

I would assure you that the whole Georgian Academy of Agricultural Sciences supports you and wishes endurance on this very difficult path struggle for independence. The occupant never will be a winner.

Sincerely,

President, Guram Aleksidze

            2022 წლის 22 თებერვალს საქართველოს სოფლის მეურნეობის მეცნიერებათა აკადემიის სამეცნიერო საბჭოს ორგანიზებით მოეწყო

გასვლითი-სამეცნიერო ექსპედიცია კომპანია ,, იფქლი- დიღომი“-ში.

           ღონისძიებას ხელმძღვანელობდა აკადემიის სამეცნიერო საბჭოს თავმჯდომარის მოადგილე, მეცხოველეობის და ვეტერინარიის სამეცნიერო განყოფილების აკადემიკოს-მდივანი ელგუჯა გუგუშვილი.

           ღონისძიებაში მონაწილეობდნენ აკადემიკოსები: ელგუჯა გუგუშვილი, რევაზ ასათიანი, ზაურ ჩანქსელიანი, საქართველოს პურის ასოციაციის პრეზიდენტი პროფ. მალხაზ დოლიძე, პროფ მაია კერესელიძე და სხვები.                                     

       კომპანია   ,,იქფლი-დიღომი“-ის   საქმიანობისა და არსებული მდგომარეობის შესახებ ვრცლად ისაუბრეს კომპანიის დირექტორმა    ნისან იოსებაშვილმა და ინჟინერ-ტექნოლოგმა მუხრან ბედიანიძემ. კერძოდ მათ აღნიშნეს, რომ კომპანია ,,იფქლი-დიღომის“ ისტორია 1993 წლიდან იწყება, როდესაც ბიზნეს წარმოება საქართველოში არც, ისე მარტივად იყო. დღესდღეობით ,,იფქლი-დიღომი“ 75-მდე სახეობის პურფუნთუშეულს აწარმოებს კომპანიის განახლებულ და ევროპული ტიპის საწარმოში. სადისტრიბუციო ხაზით თბილისის თითქმის ყველა მაღაზია, რუსთავი, მცხეთა გორი და ქუთაისი მარაგდება. 2016 წლიდან კომპანია სრულყოფილი ცხობის მეთოდით პურეულს ბუნებრივი საფუარის გამოყენებით აცხობს. კომპანია განახლებულია ევროპული უახლესი დანადგარებით. დანერგილია ცხობის თანამედროვე ტექნოლოგიები,  რომელიც სრულად ავტომატიზირებულია, რაც იმას ნიშნავს, რომ დანადგარში ფქვილის ჩაყრის მომენტიდან პურის გამოცხობამდე პროდუქტს ადამიანის ხელი არ ეხება. ,,იფქლი-დიღომი“ დღეს ერთადერთი კომპანიაა ქართულ ბაზარზე, რომელიც პურის მასიურ წარმოებაში პურს უკონტაქტო მეთოდით აცხობს. კომპანიის წარმოების ერთ-ერთი საუკეთესო პროდუქტი რუხი პურია, მის დასამზადებლად გამოიყენება ცეხვილი ფქვილი, სხვა ხარისხის ფქვილებისაგან განსხვავებით ამ შემთხვევაში მარცვალი მსხვილად არის დაბეგვილი და მისგან გამომცხვარი პური შედარებით კალორიულია და სასარგებლო ნივთიერებებს მეტი რაოდენობით შეიცავს. შენარჩუნებულია ხორბლის საუკეთესო თვისებები, ვიტამინები და მინერალები.   ,,გოლდენ ბრენდის“ მიერ ჩატარებულ გამოკითხვებში კომპანია ,,იფქლი-დიღომი“ დარგის ლიდერად დასახელდა. დამოუკიდებელი ექსპერტების და მომხმარებლების შეფასების კრიტერიუმებს ბრენდის ცნობადობა და ხარისხი წარმოადგენდა.

     კომპანია არაერთხელ დაჯილდოვდა პურფუნთუშეულში განსაკუთრებული მიღწევებისათვის, თითეული მიღებული ჯილდო, დიდი მოტივაციაა მომსახურე პერსონალისათვის, რათა უფრო მეტად გაიზარდოს კომპანია და რაც შეიძლება მეტ ადამიანს მიეცეს საშუალება გახდეს ,,იფქლი-დიღომის“ პროდუქტის მომხმარებელი.

            დისკუსიაში მონაწილეობა მიიღეს აკადემიკოსებმა: ე. გუგუშვილმა, რ.ასათიანმა, და პროფ მ. დოლიძემ.

            შეხვედრის დასასრულს აკადემიკოსმა ელგუჯა გუგუშვილმა აღნიშნა რომ , კვლავ უნდა გაგრძელდეს ურთიერთობა საქართველოს სოფლის მეურნეობის მეცნიერებათა აკადემიასა და კომპანია ,,იფქლი-დიღომს“ შორის. მადლობა გადაუხადა დირექტორს ბატონ ნისან იოსებაშვილს და კომპანიის თანამშრომლებს საინტერესო ინფორმაციისათვის, მათ მიერ გაწეული მეტად მნიშვნელოვანი საქმიანობისათვის და უსურვა წარმატებები შემდგომ საქმიანობაში.

ქვეყანაში არსებული   Covid-19-ის პანდემიასთან დაკავშირებული სიტუაციის გამო,

საქართველოს სოფლის მეურნეობის მეცნიერებათა აკადემიაში

სამეცნიერო განყოფილებების სხდომებზე განსახილველი მოხსენებების ელ. ვერსიას ფართო აუდიტორიისათვის გასაცნობად წარმოგიდგენთ

აკადემიის  ვებ-გვერდზე.

2022 წლის 17 თებერვალი (აგრონომიულ მეცნიერებათა განყოფილება)

1. ინფორმაცია აკადემიკოს ზაურ ჩანქსელიანის მიერ 2021 წელს ჩატარებული სამეცნიერო მუშაობის შესახებ (ინფორმაცია იხილეთ ბმულზე ).

2.  ინფორმაცია აკადემიკოს ვალერიან ცანავას მიერ 2021 წელს ჩატარებული სამეცნიერო მუშაობის შესახებ (ინფორმაცია იხილეთ ბმულზე).

           2022 წლის 18 თებერვალი (მეცხოველეობისა და ვეტერინარიის მეცნიერებათა განყოფილება)

 1. ინფორმაცია აკადემიკოს თენგიზ ყურაშვილის  მიერ 2021 წელს გაწეული სამეცნიერო მუშობის შესახებ (ინფორმაცია იხილეთ ბმულზე).

2.  ინფორმაცია აკადემიკოს გურამ ტყემალაძის მიერ 2021 წელს გაწეული სამეცნიერო მუშობის შესახებ (ინფორმაცია იხილეთ ბმულზე).

        2022 წლის 21 თებერვალი (აგროსაინჟინრო მეცნიერებათა განყოფილება)

1. აკადემიკოს ალექსანდრე დიდებულიძის ანგარიში 2021 წელს გაწეული სამეცნიერო საქმიანობის შესახებ. (ინფორმაცია იხილეთ ბმულზე).

 2. ინფორმაცია საქართველოში სოფლად მდგრადი განვითარების სივრცით-ტერიტორიული ასპექტების შესახებ.

  მომხსენებელი: აკადემიკოსი ალექსანდრე დიდებულიძე   (ინფორმაცია იხილეთ  ბმულზე  ).

2022 წლის 22 თებერვალი ( გარემოს დაცვისა და სატყეო საქმის მეცნიერებათა განყოფილება)

1. აკადემიკოს ლაშა დოლიძის ანგარიში 2021 წელს გაწეული სამეცნიერო საქმიანობის შესახებ.(ინფორმაცია იხილეთ ბმულზე).

2. საქართველოს სატყეო მეურნეობის მდგრადი განვითარების და მართვის მექანიზმის ოპტიმიზაციის შესახებ.

მომხსენებელი: აკადემიკოსი ლაშა დოლიძე. (ინფორმაცია იხილეთ   ბმულზე).

2022 წლის 23 თებერვალი ( სურსათის უვნებლობისა და სასურსათო ტექნოლოგიის მეცნიერებათა განყოფილება)

1.ინფორმაცია აკადემიკოს გურამ პაპუნიძის მიერ 2021 წელს ჩატარებული სამეცნიერო მუშაობის შესახებ . (ინფორმაცია იხ. ბმულზე)

2. აჭარა-გურიის რეგიონში მევენახეობა-მეღვინეობის აღორძინების გრძელვადიანი პროგრამის შესახებ.

         მომხსენებელი: აკადემიკოსი გურამ პაპუნიძე.     (ინფორმაცია იხ.   ბმულზე)

2022 წლის 24 თებერვალი ( ეკონომიკის მეცნიერებათა განყოფილება)

1. ინფორმაცია აკადემიკოს ნოდარ ჭითანავას მიერ 2021 წელს გაწეული სამეცნიერო საქმიანობის შესახებ.  ( ინფორმაცია იხ.  ბმულზე )

2. სოფლის მეურნეობის განვითარების ოთხი მაკრო პრიორიტეტის შესახებ.

მომხსენებელი: აკადემიკოსი რევაზ ასათიანი .  (  ინფორმაცია იხ.    ბმულზე)

2022 წლის 25 თებერვალი (აკადემიის პრეზიდიუმი)

1. აკადემიის სამეცნიერო საბჭოს თავმჯდომარის ანგარიში 2021 წელს გაწეული მუშაობისა და 2022 წლის პერსპექტიული სამუშაო გეგმის შესახებ.

მომხსენებელი: აკადემიის სამეცნიერო საბჭოს თავმჯდომარე, აკადემიკოსი ნაპოლეონ ქარქაშაძე; თავჯდომარის მოადგილე აკადემიკოსი ჯემალ გუგუშვილი. (ინფორმაცია იხ. ბმულზე.)

 2. საქართველოს სოფლის მეურნეობის მეცნიერებათა აკადემიის აჭარის ავტონომიური რესპუბლიკის სამეცნიერო-საკოორდინაციო ცენტრის მიერ 2021 წელს გაწეული მუშაობისა და 2022 წლის პერსპექტიული სამუშაო გეგმის შესახებ.

მომხსენებელი: საქართველოს სოფლის მეურნეობის მეცნიერებათა აკადემიის აჭარის ავტონომიური რესპუბლიკის სამეცნიერო-საკოორდინაციო ცენტრის დირექტორი, აკადემიკოსი ზაურ ფუტკარაძე . 

3.ინფორმაცია აკადემიკოს გურამ ტყემალაძის მიერ 2021 წელს გაწეული სამეცნიერო მუშობის შესახებ.