დღეს აუცილებელია ნიადაგი იყოს ნაყოფიერი, ჯანმრთელი და მოვლილი

გზა ,,მშრალი მიწათმოქმედებისკენ“ .

საქართველოს სოფლის მეურნეობის მეცნიერებათა აკადემიის პრეზიდენტის 2022 წლის 15 აპრილის ბრძანებით შეიქმნა ფერმერულ მეურნეობებში ნიადაგის დამუშავების   ,, NO – Till “-ის ტექნოლოგიის დანერგვისა და ექსპერიმენტის მეცნიერული უზრუნველყოფის შემსწავლელი კომისია, რომელსაც პრეზიდენტი აკადემიკოსი     გურამ ალექსიძე ხელმძღვანელობს. კომისიას დაევალა მოამზადოს წინადადებები და რეკომენდაციები აღნიშნული ტექნოლოგიების გამოყენების პერსპექტივების შესახებ.

           ვაქვეყნებთ კომისიის წევრის აკადემიკოს გოგოლა მარგველაშვილის პროექტს ,,გზა - მშრალი მიწათმოქმედებისაკენ“.  იხ. ბმული

     ვთხოვთ   მსურველებს გამოთქვან მოსაზრებები საქართველოში აღნიშნული ტექნოლოგიების   დანერგვის პერსპექტივებთან   დაკავშირებთ.

საერთაშორისო სამეცნიერო კონფერენცია UEAA და GAAS ორგანიზებით

         2022 წლის 27-28 მაისს საქართველოს სოფლის მეურნეობის მეცნიერებათა აკადემიაში ჩატარდა საერთაშორისო სამეცნიერო კონფერენცია თემაზე: „სოფლის მეურნეობის მექანიზაცია და ტექნოლოგიები ევროპაში და პერსპექტივები“. კონფერენციის ორგანიზატორები არიან ევროპის სოფლის მეურნეობის, სურსათისა და ბუნებათსარგებლობის აკადემიების კავშირი ((UEAA) და საქართველოს სოფლის მეურნეობის მეცნიერებათა აკადემია (GAAS).

            კონფერენციის საორგანიზაციო კომიტეტის თავმჯდომარე და მისი ხელმძღვანელი გახლდათ საქართველოს სოფლის მეურნეობის მეცნიერებათა აკადემიის პრეზიდენტი და ევროპის სოფლის მეურნეობის, სურსათისა და ბუნებათსარგებლობის აკადემიების კავშირის პრეზიდენტი აკადემიკოსი გურამ ალექსიძე.

            კონფერენცია გახსნა და დამსწრე საზოგადოებას მიესალმა აკადემიკოსი გურამ ალექსიძე, რომელმაც აღნიშნა სოფლის მეურნეობაში ერთწლიანი და მრავალწლიანი კულტურების მოვლა მოყვანის თანამედროვე რესურსდამზოგი ტექნოლოგიებისა და ტექნიკური საშუალებების მდგომარეობა ევროპაში და საქართველოში, მოკლედ მიმოიხილა ევროპასა და საქართველოში სოფლის მეურნეობის მექანიზაციის თანამედროვე მდგომარეობა და პერსპექტივები და დასახა ის ამოცანები, რომლის შესრულება აუცილებელია საქართველოში ამ მიმართულებით გარკვეული წარმატებების მისაღწევად. 

            კონფერენციის მონაწილეებს მიესალმენ და წარმატებები უსურვეს საქართველოს მეცნიერებათა ეროვნული აკადემიის პრეზიდენტმა - აკად. გიორგი კვესიტაძემ,

ლატვიის სოფლისა და სატყეო მეურნეობის მეცნიერებათა აკადემიის პრეზიდენტმა დოქტ. პროფ. ბაიბა რივზამ, საქართველოს გარემოს დაცვისა და სოფლის მეურნეობის მინისტრის პირველმა მოადგილემ გიორგი ხანიშვილმა (ონლაინ ჩართვით),, საფრანგეთის სოფლის მეურნეობის მეცნიერებათა აკადემიის აკადემიკოსმა მიშელ ტიბიერმა (პარიზიდან ონლაინ ჩართვით), საქართველოს პარლამენტის აგრარულ საკითხთა კომიტეტის აპარატის უფროსმა დოქტ. ივერი ახალბედაშვილმა. საქართველოს საპატრიარქოს სახელით კონფერენციის მონაწილეებს მიესალმა და წარმატებები უსურვა ბატონმა ბაკურ გულუამ, აგრეთვე კონფერენციის მნიშვნელობაზე და სოფლის მეურნეობის მექანიზაციის განვითარების პერსპექტივებზე ისაუბრეს და წარმატება უსურვეს კონფერენციას და მის მონაწილეებს საქართველოს გარემოს დაცვისა და სოფლის მეურნეობის მინისტრის მრჩეველმა დოქტ. ომარ კაჭარავამ და საქართველოს სოფლის მეურნეობის სამეცნიერო-კვლევითი ცენტრის დირექტორმა პროფ. ლევან უჯმაჯურიძემ.

            საერთაშორისო სამეცნიერო კონფერენციაში ქართველ მეცნიერებთან ერთად აქტიურ მონაწილეობას ღებულობდნენ ევროკავშირის ექვსი ქვეყნის - საფრანგეთის, ლატვიის, შვედეთის, უკრაინის, უნგრეთის და ჩეხეთის მეცნიერები, რაც მეტად მნიშვნელოვანი ფაქტია.

            კონფერენციის დღის წესრიგით გათვალისწინებული მოხსენებები გააკეთეს აკადემიის პრეზიდენტმა აკად. გურამ ალექსიძემ, ლატვიის სოფლის მეურნეობის მეცნიერებათა აკადემიის პრეზიდენტმა დოქტ. პროფ. ბაიბა რივზამ. ონლაინ რეჟიმში კონფერენციის წინაშე მოხსენებებით გამოვიდნენ საფრანგეთის სოფლის მეურნეობის მეცნიერებათა აკადემიის აკადემიკოსი მიშელ ტიბიერი, უკრაინის აგრარულ მეცნიერებათა ეროვნული აკადემიის ვიცე პრეზიდენტი, აკად. იური ლუპენკო, საფრანგეთის სოფლის მეურნეობის მეცნიერებათა აკადემიის პროფესორი რენე აუტელიტი, შვედეთის სოფლისა და სატყეო მეურნეობის სამეფო აკადემიის პრეზიდენტი დოქტ. კეტრინ ნიბლაუსი და ასოცირებული პროფესორი პერ ფრანკელიუსი, უნგრეთის მეცნიერებათა აკადემიის პროფ. ბ. ამბრუსი, საქართველოს სოფლის მეურნეობის მეცნიერებათა აკადემიის აგროინჟინერიის მეცნიერებათა სამეცნიერო განყოფილების აკადემიკოს-მდივანი აკად. რევაზ მახარობლიძე.

            საქართველოს სოფლის მეურნეობის მექანიზაციისა და საწარმოო პროცესების ტექნოლოგიებზე, აგრეთვე საქართველოში სოფლის მეურნეობის მექანიზაციის დღევანდელ მდგომარეობაზე, პრობლემებზე და პერსპექტივებზე კონფერენციაზე მოხსენებებით გამოვიდნენ: აკადემიკოსი ალექსანდრე დიდებულიძე, პროფ. ნუგზარ ებანოიძე, პროფ. გელა ჯავახიშვილი, დოქტ. გიორგი ქუთელია, დოქტ. ზაზა მახარობლიძე, აკად. ზაურ ფუტკარაძე, პროფ. რომან მარგალიტაძე, აკად. ე. შაფაქიძე, პროფ. ომარ თედორაძე, დოქტ. თ. ნადირაშვილი და დოქტ. ო. ცარციძე.

            სულ კონფერენიაზე წარმოდგენილი იყო სოფლის მეურნეობის მექანიზაციის დარგის 44 მეცნიერის 26 მოხსენება, მათ შორის   ევროკავშირის ქვეყნებიდან   11 მეცნიერის 8 მოხსენება. აღნიშნული მოხსენებების აბსტრაქტები და ტექსტები გამოქვეყნდება სააერთაშორისო სამეცნიეო კონფერენციის შრომათა კრებულში, რომლის ელექტრონული ვერსია 10 მაისამდე, ხოლო ნაბეჭდი ეგზემპლარები კი 20 მაისამდე გადაეგზავნებათ სტატიების ავტორებს.

            აღსანიშნავია, რომ  კონფერენციაზე მომხსენებლების მიერ აღინიშნა, რომ აუცილებელია დღეს, 21-ე საუკუნეში, დღის წესრიგში დადგეს ნიადაგის დამუშავების თანამედროვე ტექნოლოგიები, რომელთა განხორციელების შედეგად მცირდება პროდუქციის თვითღირებულება, კლებულობს საწვავ-საცხები მასალების ხარჯები, დიდდება პროდუქციის რაოდენობა და ხარისხი. რესურსდამზოგი ტექნოლოგიების დანერგვით უმჯობესდება ნიადაგის ფიზიკო-მექანიკური თვისებები, იზრდება მათი ნაყოფიერება, მნიშვნელოვნად მცირდება ქარისმიერი და წყლისმიერი ეროზიის პროცესები. ეს ნიშნავს, რომ სოფლის მეურნეობის მექანიზაციის დარგის გადასვლა თანამედროვე რესურსამზოგი ტექნოლოგიების განხორციელებისათვის   აუცილებელია გათვალისწინებული იქნეს ევროპის ქვეყნების გამოცდილება რობოტექნიკის, გლობალური პოზიციური სისტემების და მართვის თანამედროვე კომპლექსური ღონისძიებების მიმართულებით. კონფერენციის მონაწილეებმა აღნიშნეს ის საგანგაშო მდგომარეობაც, რომელიც შექმნილია საქართველოში აგროინჟინერიის და კერძოდ სოფლის მეურნეობის მექანიზაციის კადრების მომზადების მიმართულებით. 

            საერთაშორისო კონფერენციაზე სოფლის მეურნეობის მექანიზაციის დარგის განვითარებისა და სრულყოფისავის დასახული ღონისძიებების ნუსხა და წინადადებები იქნება ასახული შესაბამის დეკლარაციაში, რომლის მომზადებაც დავალებული აქვს კონფერენციის სამეცნიერო ხელმძღვანელობას. დეკლარაცია იხილეთ ბმულზე

      აღსანიშნავია აგრეთვე, რომ კონფერენციის მსვლელობისას გაფორმდა ურთიერთთანამშრომლობის მემორანდუმი საქართველოს სოფლის მეურნეობის მეცნიერებათა აკადემიასა და ლატვიის სოფლისა და სატყეო მეურნეობის მეცნიერებათა აკადემიებს შორის. მემორანდუმს ხელი მოაწერეს საქართველოს სოფლის მეურნეობის მეცნიერებათა აკადემიის პრეზიდენტმა აკად. გურამ ალექსიძემ და ლატვიის სოფლისა და სატყეო მეურნეობის მეცნიერებათა აკადემიის პრეზიდენტმა დოქ. პროფ. ბაიბა რივზამ.  

         მიუხედავად შ. რუსთაველის ეროვნული სამეცნიერო ფონდის მიერ კონფერენციის იგნორირებისა, კონფერენცია მაღალ-ორგანიზაციულ დონეზე ჩატარდა, რაშიც დიდი დამსახურება მიუძღვით აკადემიის აგროინჟინერიის მეცნიერებათა განყოფილებას, აკადემიურ და ადმინისტრაციულ დეპარტამენტებს და აკადემიის ტექნიკურ პერსონალს. კონფერენციისათვის აკადემიის ფინანსებით დამზადებული იქნა შესაბამისი თემატური ბანერები და თვალსაჩინო მასალა, დაბეჭდილი იქნა კონფერენციის პროგრამები ინგლისურ და ქართულ ენებზე, ევროპის ქვეყნების მეცნიერების გამოსვლები ონლაინ რეჟიმში განხორციელებული იყო „ზუმის“ პროგრამით, სათანადო სიმაღლეზე იყო ინლისურ ენოვანი ტექსტების ქართულ ენაზე თარგმნაც, რომელიც შესრულებული იყო აკადემიის თანამშრომელების და თარჯიმნის მიერ.

საქართველოს სოფლის მეურნეობის მეცნიერებათა აკადემიის გარემოს დაცვისა

და სატყეო საქმის მეცნიერებათა განყოფილების სხდომა

2022 წლის 23 მაისს ჩატარდა გარემოს დაცვისა და სატყეო საქმის მეცნიერებათა განყოფილების სხდომა შემდეგი დღის წესრიგით:

 1. ტყის ეროვნული აღრიცხვის წინასწარი შედეგებისა და ტყის საინფორმაციო და მონიტორინგის სისტემის შესახებ;

მომხსენებელი:  ლაშა ძაძამია-გერმანული კომპანიის მრჩეველი სატყეო პოლიტიკის საკითხებში;

თანამომხსენებლები:  პაატა ტორჩინავა - სატყეო პოლიტიკის სამმართველოს მეტყევე ექსპერტი; შალვა ნოზაძე - სატყეო პოლიტიკის სამმართველოს მეტყევე სპეციალისტი;

ბექა კობერიძე - გერმანული კომპანიის მრჩეველი ტყის კონტროლისა და ზედამხედველობის საკითხებში (მოხსენება იხილეთ ბმულზე).

2. მიმდინარე საკითხები

საქართველოს სოფლის მეურნეობის მეცნიერებათა აკადემიისეკონომიკის მეცნიერებათა განყოფილების სხდომა

2022 წლის 25 მაისს ჩატარდა ეკონომიკის მეცნიერებათა განყოფილების სხდომა შემდეგი დღის წესრიგით:

1. საქართველოს სოფლის მეურნეობის მეცნიერებათა აკადემიის სტიპენდიანტის ნატო ჯაბნიძის 2021-2022 წელს ჩატარებული სამეცნიერო-კვლევითი, პედაგოგიური და საზოგადოებრივი საქმიანობის ანგარიში.

(აკადემიის სტიპენდიანტის ნატო ჯაბნიძის ანგარიში იხილეთ ბმულზე).

2. მიმდინარე საკითხები.

ფუტკრების საერთაშორისო დღე

მიმდინარე წლის 20 მაისს საქართველოს სოფლის მეურნეობის მეცნიერებათა აკადემიის საკონფერენციო დარბაზში აკადემიის მეცხოველეობის და ვეტერინარიის მეცნიერებათა განყოფილების ორგანიზებით გაიმართა ფუტკრების საერთაშორისო დღისადმი მიძღვნილი სემინარი თემაზე: „თანამედროვე მეფუტკრეობის ტენდენციები საქართველოში“  

          სემინარს ესწრებოდნენ მეცხოველეობის და ვეტერინარიის მეცნიერებათა განყოფილების წევრები: განყოფილების აკადემიკოს-მდივანი, აკადემიკოსი ჯემალ გუგუშვილი, აკადემიკოსი თენგიზ ყურაშვილი, აკადემიის პრეზიდენტის მოადგილე, სამეცნიერო განყოფილებების კოორდინატორი, აკადემიკოსი ანატოლი გიორგაძე, აკადემიის სამეცნიერო განყოფილებების სწავლული მდივნები: სოფლის მეურნეობის დოქტორი მარინე ბარვენაშვილი და აკადემიკოსი ლაშა დოლიძე, აკადემიის წამყვანი სპეციალისტები: ლარისა ჩაიკა და ქეთევან ჭიპაშვილი, ასევე მოწვეული სტუმრები: მეფუტკრეთა კავშირის პრეზიდენტი რამაზ თავართქილაძე, სოფლის მეურნეობის მეცნიერებათა დოქტორი, პროფესორი გოგი მაძღარაშვილი, აკადემიის ეროვნული კოორდინატორი, სოფლის მეურნეობის დოქტორი მაია ფეიქრიშვილი, სოფლის მეურნეობის დოქტორები: თენგიზ ფირცხალაიშვილი და ჯემალ სადაღიშვილი, ვეტერინარიის მეცნიერებათა დოქტორი, პროფესორი მაია კერესელიძე, ვეტერინარი ექიმები: ნინო ყიფიანი, ირაკლი თათრიშვილი და ალექსანდრე ყურაშვილი, დ. აღმაშენებლის უნივერსიტეტის პროფესორი ალექსი ნონიაძე, პრაქტიკოსი-მეფუტკრე გიორგი იონათამიშვილი. 

სემინარი გახსნა და დამსწრე საზოგადოებას მისასალმებელი სიტყვით მიმართა საქართველოს სოფლის მეურნეობის მეცნიერებათა აკადემიის მეცხოველეობის და ვეტერინარიის მეცნიერებათა განყოფილების აკადემიკოს-მდივანმა, აკადემიკოსმა ჯემალ გუგუშვილმა. მისალმების შემდეგ აკადემიკოსმა ჯ. გუგუშვილმა ისაუბრა ფუტკრის მნიშვნელობაზე ადამიანის ცხოვრებაში, მის მიერ მოცემული პროდუქტების სიკეთეზე და ზოგადად მასზე, როგორც სასარგებლო მწერზე, რომლის როლიც მცენარეთა მოსავლიანობის გაზრდაში შეუფასებელია. შემდგომ სიტყვა გადაეცა მეფუტკრეთა კავშირის პრეზიდენტს, ბატონ რამაზ თავართქილაძეს, რომელმაც მსმენელებს მიულოცა ფუტკრების საერთაშორისო დღე, გააცნო ქართული მეფუტკრეობის ამჟამინდელი მდგომარეობა და სამომავლო გეგმები. აღინიშნა, რომ დღეს აპიმონდიის (მეფუტკრეთა ასოციაციების მსოფლიო ფედერაცია) მსოფლიო წევრ ქვეყნებს შორის საქართველოც მოიხსენიება, რაც დარგისათვის წინ გადადგმული ნაბიჯია.

სემინარზე მოხსენებებით წარსდგნენ: სოფლის მეურნეობის მეცნიერებათა დოქტორი, პროფესორი გოგი მაძღარაშვილი, რომელმაც მოხსენება გააკეთა თემაზე: „ინოვაციური ტექნოლოგიების შექმნისა და მეფუტკრეობის პრაქტიკაში მათი გამოყენების მდგომარეობა“; ვეტერინარი ექიმის ნინო ყიფიანის მოხსენება ეხებოდა თემას: „თანამედროვე მიდგომები მეფუტკრეობაში - მკურნალობა და დეზინფექცია“; მეფუტკრე-პრაქტიკოსმა გიორგი იონათამიშვილმა მსმენელებს მოუთხრო საკუთარი საფუტკრის („იონას საფუტკრე“) და საქმიანობის შესახებ. თითოეული მოხსენება ეხებოდა თანამედროვე მიდგომებს მეფუტკრეობაში, პრობლემების გადაჭრის ახლებურ ხედვებს. ყოველივე აღნიშნულმა მსმენელების განსაკუთრებული ყურადღება და მოწონება დაიმსახურა. სამივე თემის ირგვლივ დაისვა უამრავი შეკითხვა და გაიმართა დისკუსია, რომელშიც აქტიური მონაწილეობა მიიღო სემინარის ყოველმა მონაწილემ.

სემინარის მუშაობა შეაჯამა მეცხოველეობის და ვეტერინარიის მეცნიერებათა   განყოფილების აკადემიკოს-მდივანმა, აკადემიკოსმა ჯემალ გუგუშვილმა. მან მადლობა გადაუხადა მომხსენებლებსა და დამსწრე საზოგადოებას მობრძანებისა და სემინარის მუშაობაში მონაწილეობის მიღებისათვის. აღნიშნა, რომ განყოფილების ორგანიზებით ფუტკრების საერთაშორისო დღისადმი მიძღვნილი სემინარი სხვა დროსაც ჩატარებულა, თუმცა წლევანდელი სემინარი განსაკუთრებული იყო, რადგან სემინარის მონაწილეებს საშუალება მიეცათ ერთდროულად მოესმინათ, როგორც მეფუტკრე - მეცნიერებისათვის, ასევე პრაქტიკოს-მეფუტკრისათვის, რაც საუკეთესოდ წარმოაჩენს ამ ორი სეგმენტის თანამშრომლობის მნიშვნელობას დარგის შემდგომი განვითარებისათვის.

საქართველოს სოფლის მეურნეობის მეცნიერებათა აკადემიის

მეცხოველეობის და ვეტერინარიის მეცნიერებათა განყოფილება

2022 წლის 20 მაისს ჩატარდა სამეცნიერო განყოფილების სხდომა შემდეგი დღის წესრიგით:

1. მეფუტკრეობაში თანამედროვე ტენდენციების, როგორც ქართული მთის სოფლის განვითარების ხელშემწყობი ფაქტორის შესახებ;

 მომხსენებელი: სოფლის მეურნეობის დოქტორი მაია ფეიქრიშვილი

(დოქტ. მ. ფეიქრიშვილის მოხსენება იხილეთ ბმულზე).

2. მიმდინარე საკითხები.

დავუბრუნოთ სოფელს სამართალსუბიექტის სტატუსი

საქართველოს სოფლის მეურნეობის მეცნიერებათა აკადემია აგრძელებს საინტერესო სტატიების ციკლს და გთავაზობთ აკად. პაატა კოღუაშვილის და ექსპერტის დავით ზარდიაშვილის სტატიას, რომელშიც  დღევანდელი სოფლის მდგომარეობას და მის სამომავლო პერსპექტივებს შეეხება.

სტატიაში აღნიშნულია, რომ სასოფლო თემმა, აუცილებლად უნდა დაიბრუნოს უპირობო და წარუვალი ისევ სათემო  სარგებლობის  მიწა – საძოვარი, სათიბი, წყლის ფონდის მიწა, ტყის ფონდის მიწა (და არამარტო!) იურიდიულად უნდა დაუბრუნდეს თემს მუდმივ და უსასყიდლო მფლობელობასა და სარგებლობაში; ეს მიწა არა სახელ­მწიფო, არამედ მუნიციპალური საკუთრებისა უნდა იყოს და თემის, რომელიც მისი ერთადერთი ლეგიტიმური მფლობელი და მოსარგებლეა, დაუკითხავად შეუძლებე­ლი უნდა გახდეს ამ მიწის, ე.ი. სოფლის სამკვიდროს, სამართლიანი და ეფექტიანი მართვა – მისი განკარგვა, რაციონალური გამოყენება, სასოფლო-სამურნეო წარმოების თუ მიწის, როგორც ძირითადი საწარმოო საშუალების გამოყენებით სოფლის ტერი­ტორიაზე სხვა ეკონომიკური საქმიანობის სწორედ ორგანიზება, საბოლოო ანგარი­შით – სასოფლო სამკვიდროს დაცვა და სოფლის გადარჩენის შემდეგ მის განვითარე­ბაზე ზრუნვა.

(აკადემიკოს პ. კოღუაშვილის და მუნიციპალური სამართლის ესქპერტის

დ. ზარდიაშვილის სტატია იხილეთ ბმულზე).

საქართველოს სოფლის მეურნეობის მეცნიერებათა აკადემიის დარგობრივი ეროვნული კოორდინატორები აქტიურად

არიან ჩართული აკადემიის საქმიანობაში და მნიშვნელოვან წინადადებებში, რეკომენდაციებში, სტატიებსა და

სხვა სამეცნიერო-პრაქტიკულ ღონისძიებებში გამოთქვამენ თავიანთ მოსაზრებებს.

გთავაზობთ აკადემიის მიწათსარგებლობის მიმართულების ეროვნული კოორდინატორის, ეკონომიურ

მეცნიერებათა დოქტორის, პროფესორის, სერთიფიცირებული ექსპერტის უძრავი ქონების-მიწის საკითხებში,

ანზორ მესხიშვილის სტატიას „ღია წერილი მათ ვინც მიწების გაყიდვის მომხრეებია“.

            დღეს, როდესაც დედამიწაზე მოსახლეობის ზრდის შედეგად საკვების შემცირების პრობლემა სულ უფრო მწვავდება

             და სასურსათო უსაფრთხოების საკითხები განსაკუთრებულ ყურადღებას იმსახურებს, მეტად მნიშვნელოვანია სასოფლო-                           

            სამეურნეო მიწის მოვლისა და შენარჩუნების საკითხები. ამ კუთხით კი საინტერესოა პროფ. ა. მეხიშვილის სტატია, რომელსაც     ჩვენს მკითხველს ვთავაზობთ.

(პროფ. ა. მესხიშვილის სტატია „ღია წერილი მათ ვინც მიწების გაყიდვის მომხრეებია“ იხილეთ ბმულზე).

საქართველოს სოფლის მეურნეობის მეცნიერებათა აკადემიის

 პრეზიდიუმის 2022 წლის 29 აპრილის სხდომის

       თბილისი                  დღის წესრიგი             დასაწყისი 12 საათზე

1. აკადემიის სამეცნიერო ჟურნალ "მოამბის" 2021 წლის საქმიანობის შესახებ.

მომხსენებლები: აკადემიის სამეცნიერო ჟურნალ "მოამბის” მთავარი რედაქტორი, აკადემიის პრეზიდენტი, აკადემიკოსი გურამ ალექსიძე; სამეცნიერო ჟურნალ "მოამბის" პასუხისმგებელი მდივანი, აკადემიკოსი ომარ ქეშელაშვილი.

(ინფორმაცია აკადემიის სამეცნიერო ჟურნალ "მოამბის" 2021 წლის საქმიანობის შესახებ-იხილეთ ბმულზე).

2. აკადემიის საინფორმაციო-სარეკლამო ბიულეტენის "აკადემიის მაცნეს" 2021 წლის საქმიანობის შესახებ.

მომხსენებლები: აკადემიის საინფორმაციო-სარეკლამო ბიულეტენის "აკადემიის მაცნეს" რედაქტორი, აკადემიის ვიცე-პრეზიდენტი, აკადემიკოსი გივი ჯაფარიძე; გაზეთ "მაცნეს" რედაქტორის მოადგილე, აკადემიის პრეზიდენტის მოადგილე, აკადემიკოსი ანატოლი გიორგაძე.

(ინფორმაცია აკადემიის საინფორმაციო-სარეკლამო ბიულეტენის "აკადემიის მაცნეს" შესახებ იხილეთ ბმულზე).

3. აკადემიის მიერ 2021 წელს გამოცემული რეკომენდაციების, აგროწესების, ინსტრუქციების, ბუკლეტების, ბროშურების და სხვა ბეჭდვითი და ელექტრონული სამეცნიერო-საინფორმაციო გამოცემების მდგომარეობისა და სამომავლო გეგმების შესახებ

მომხსენებლები: აკადემიის ვიცე-პრეზიდენტი,  აკადემიკოსი  გივი ჯაფარიძე;  აკადემიის აკადემიკოს-მდივანი, აკადემიის აკადემიური დეპარტამენტის უფროსი, 

აკადემიკოსი ელგუჯა შაფაქიძე.

(ინფორმაცია აკადემიის ბეჭდვითი  და  ელექტრონული  სამეცნიერო-საინფორმაციო  გამოცემების მდგომარეობის შესახებ იხილეთ ბმულზე).

4. ინფორმაცია საერთაშორისო სამეცნიერო კონფერენციის „სოფლის მეურნეობის მექანიზაცია და ტექნოლოგიები ევროპაში და პერსპექტივები“ მზადების შესახებ.

მომხსენებელი: აკადემიკოსი რევაზ მახარობლიძე.

(აკად. რ. მახარობლიძის მოხსენების ტექსტი იხილეთ ბმულზე).

5.   ინფორმაცია საქართველოში ნიადაგის დამუშავების ტექნოლოგიის „NO – TILL“-ის სისტემის გამოყენების შესახებ.

მომხსენებელი: აკადემიკოსი ნოდარ ჭითანავა.

(აკად. ნ. ჭითანავას მოხსენება იხილეთ ბმულზე).

6. საქართველოში პურპროდუქტების წარმოების მდგომარეობის და მისი გაუმჯობესების ღონისძიებების შესახებ.

მომხსენებელი: საქართველოს ტექნიკური უნივერსიტეტის აგროინჟინერიის დეპარტამენტის უფროსი, ტექნიკის მეცნიერებათა დოქტორი, პოფესორი მალხაზ დოლიძე.

(პროფ. მ. დოლიძის მოხსენების ტექსტი იხილეთ ბმულზე).

7. საქართველოს სოფლის მეურნეობის მეცნიერებათა აკადემიის პრაზიდიუმთან არსებული ახალგაზრდა მეცნიერთა საბჭოს დეებულების, შემადგენლობისა და თავმჯდომარის მოვალეობის შემსრულებლის დამტკიცების შესახებ.

მომხსენებელი: აკადემიის ვიცე-პრეზიდენტი, აკად. გ. ჯაფარიძე.

(პრაზიდიუმთან არსებული ახალგაზრდა მეცნიერთა საბჭოს დეებულება იხილეთ ბმულზე).

8. მიმდინარე საკითხები.

         საქართველოს სოფლის მეურნეობის მეცნიერებათა აკადემია აგრძელებს სტატიების ციკლს ხორბლის წარმოშობის, ჯიშების და მათი მოვლა მოყვანის შესახებ და აღნიშნავს ამ კულტურის განსაკუთრებულ ადგილს მსოფლიოს და მათ შორის საქართველოს სოფლის მეურნეობაში. ეს განსაკუთრებით მნიშვნელოვანია დღეს მსოფლიოში პანდემიისა და ქვეყნებს შორის საომარი მოქმედებების პიობებში, როდესაც სასურსათო უსაფრთხოებას უდიდესი მნიშვნელობა ენიჭება მთელი კაცობრიობისათვის.

ისტორიამ დაგვიდასტურა, რომ საქართველოს დამოუკიდებლობაში ხორბლის კულტურას განსაკუთრებული ადგილი ეჭირა. ქართველი ხალხი ქმნიდა ადგილობრივი პირობებისადმი  შეგუებულ ფორმებს რაც გარანტირებული მოსავლის მიღების საშუალება იყო. სწორედ ამიტომ საქართველოს მოსახლეობამ შექმნა ხორბლის ისეთი ბიომრავალფეროვნება, რომელიც უნიკალურია მთელ მსოფლიოში. ქართული ენდემური სახეობები ხასიათდება უნიკალური თვისებებით, რის გამოც ითვლებიან საუკეთესო გენეტიკურ წყაროდ მსოფლიო სელექციაში.

       ქართველი ხალხის ისტორიული გამოცდილება ხორბლის წარმოებაზე ერთ-ერთი უძველესია მსოფლიოში. მე-19 საუკუნის ბოლოს საქართველოს, ჯერ კიდევ,  გაჰქონდა ხორბალი საზღვარგარეთ. ქართველმა ხალხმა ბუნებრივ გენეტიკურ ლაბორატორიაში გამოარჩია და “ოქროს ზოდები” უანდერძა თანამედროვე მსოფლიოს.

გასული საუკუნის 40-იანი წლებიდან დაიწყო ხორბლის ფართობების შემცირება იმ მოტივით, თითქოს ხორბალი ნაკლებ შემოსავლიანია. საბჭოთა ხელისუფლებამ საქართველო გადაიყვანა ძირითადად ოთხ ძირითად შემოსავლიან კულტურაზე: ვაზი, ჩაი, ხილი და ციტრუსი. ხორბლის გავრცელების ზონა შემცირდა და მხოლოდ კახეთში, ქართლში და მესხეთ-ჯავახეთის მცირე ნაწილში დარჩა.  ამან კი გამოიწვია დარგთა შეთანაწყობის რღვევა, რაც სამწუხაროდ დღესაც გრძელდება.

        ხორბლის მოსავლიანობა საქართველოში ბოლო პერიოდში არათანაბარი, მაგრამ მეტ-ნაკლებად ზრდადი ტენდენციით ხასიათდებოდა და 2015-2016 წლებში დაფიქსირდა ბოლო ათწლეულის ყველაზე მაღალი მაჩვენებელი - ერთ ჰექტარზე 2,6 ტონის ოდენობით. ამის მიუხედავად, ხორბლის საჰექტარო მოსავლიანობა ქვეყანაში უფრო დაბალია ვიდრე დანარჩენ მსოფლიოში — გაეროს სურსათისა და სოფლის მეურნეობის ორგანიზაციის (FAO) მონაცემებზე დაყრდნობით, 2011 წლიდან მოყოლებული ხორბლის საშუალო მოსავლიანობა მსოფლიოში სტაბილურად აღემატება 3 ტ/ჰა-ზე.

     აღნიშნული საკითხებისა და  თავისებურებების  გათვალისწინება დასავლეთ საქართველოს რეგიონებში შესაძლებელს გახდის    ხორბლის  კულტურის წარმოებაში დაბრუნებას, მოცდენილი  ფართობების ათვისებას  და ქვეყნის მარცვლეულით   მომარაგების სტაბილურობას.

            ზემოთ აღნიშნულ პრობლემებს და დასავლეთ საქართველოში, რომელიც        ხორბლის კულტურის წარმოშობის ძირითადი კერაა საქართველოში, კერძოდ, კოლხეთის დაბლობი და რაჭა-ლეჩხუმი,  ხორბლის წარმოების პერსპექტივებს ეხება საქართველოს სოფლის მეურნეობის მეცნიერებათა აკადემიის მინდვრის კულტურების მიმართულების ეროვნული კოორდონატორის პროფ. ც. სამადაშვილის სტატია (პროფ. ც. სამადაშვილის სტატიას გთავაზობთ ბმულზე

საქართველოს სოფლის მეურნეობის მეცნიერებათა აკადემიის  აგრონომიულ მეცნიერებათა განყოფილება

2022 წლის 21 აპრილის ჩატარდა სამეცნიერო განყოფილების სხდომა შემდეგი

დღის წესრიგით:

ინფორმაცია საქართველოს ტექნიკური უნივერსიტეტის კვების მრეწველობის ინსტიტუტის მიერ 2021 წელს ჩატარებული სამეცნიერო-კვლევითი

მუშაობის  შედეგებისა და 2022 წლის ამოცანების შესახებ. 

მომხსენებელი: კვების  მრეწველობის ინსტიტუტის  დირექტორი, 

აკადემიკოსი ნუგზარ ბაღათურია (კვების  მრეწველობის   ინსტიტუტის   ანგარიში   იხილეთ   ბმულზე 1,  2,  3,  4  ).

 მიმდინარე საკითხები