საქართველოს სოფლის მეურნეობის მეცნიერებათა აკადემია

აკადემიის მოკლე ისტორია

აკადემიის მოკლე ისტორია

GAAS Historyსაქართველოს სოფლის მეურნეობის მეცნიერებათა აკადემიის საზეიმო გახსნა. (1957 წლის 12 დეკემბერი). სხდომის მონაწილეთა ერთი ჯგუფი. პირველ რიგში მარცხნიდან მარჯვნივ: დ.პ.გედევანიშვილი, პრეზიდენტი მ.ნ. საბაშვილი, ი.ნ. ლომოური, ნ.მ. ხომიზურაშვილი, ლ.პ. კალანდაძე. მეორე რიგში: დ.ს თავხელიძე, აკადემიის ვიცე პრეზიდენტი ლ.ა. ყანჩაველი, შ.ფ. ჭანიშვილი, ი.ფ. სარიშვილი, ვიცე-პრეზიდენტი გ.ი. შხვაცბაია, ე.კ.ერქომაიშვილი

საქართველოს სოფლის მეურნეობის მეცნიერებათა აკადემიას თითქმის სამოცწლიანი ისტორია აქვს. იგი ჩამოყალიბდა 1957 წლის 12 დეკემბერს და მისი პირველი პრეზიდენტი იყო აკადემიკოსი მიხეილ ნიკოლოზის-ძე საბაშვილი (1900-1979 წწ). შემდგომში ქვეყნის აგრარულ მეცნიერებას 1971 წლამდე ხელმძღვანელობდა საქართველოს მეცნიერებათა აკადემიის სოფლის მეურნეობის განყოფილება. 1971 წელს საქართველოში ჩამოყალიბდა სრულიად საკავშირო სოფლის მეურნეობის მეცნიერებათა აკადემიის ამიერკავკასიის რეგიონალური განყოფილება, რომლის აკადემიკოს-მდივნად დაინიშნა აკადემიკოსი ივანე ხოხლოვი (1908-1983). 1983 წელს განყოფილების აკადემიკოს-მდივანი, ხოლო შემდეგ თავმჯდომარე გახდა აკად. ვალერიან მეტრეველი. საქართველოს მინისტრთა საბჭოს 1990 წლის 29 ოქტომბრის #615 დადგენილების საფუძველზე შეიქმნა საქართველოს სოფლის მეურნეობის მეცნიერებათა აკადემია და მის პრეზიდენტად აირჩიეს აკადემიკოსი ვალერიან მეტრეველი (1917-2004); 2004 წლიდან აკადემიის პრეზიდენტი იყო აკადემიკოსი ნაპოლეონ ქარქაშაძე; 2007 წლიდან 2012 წლის ჩათვლით აკადემიის პრეზიდენტი იყო აკადემიკოსი შოთა ჭალაგანიძე, ხოლო 2013 წლიდან საქართველოს სოფლის მეურნეობის მეცნიერებათა აკადემიის პრეზიდენტია აკადემიკოსი გურამ ალექსიძე.

1957 წელს აკადემია აერთიანებდა 14 ნამდვილ წევრსა და 8 წევრ-კორესპონდენტს.

აკადემიის ნამდვილ წევრებად არჩეულნი იქნენ ცნობილი მეცნიერები:

1. ბახტაძე ქსენია; 2. გედევანიშვილი დიმიტრი; 3. დარასელია მიხეილი;

4. დეკაპრელევიჩი ლეონარდო; 5. ერქომაიშვილი სერგო; 6. კალანდაძე ლეონიდე;

7. ყანჩაველი ლევანი; 8. ლომოური იულონი; 9. საბაშვილი მიხეილი;

10. სარიშვილი ივანე; 11. თავხელიძე დავითი; 12. ხომიზურაშვილი ნიკოლოზი;

13. ჭანიშვილი შალვა; 14. შხვაცაბაია გიორგი.

აკადემიის წევრ-კორესპონდენტებად არჩეულნი იქნენ ცნობილი მეცნიერები:

1. ბათიაშვილი ირაკლი; 2. გაგოშიძე მიხეილი; 3. ჯაში ივანე;

4. ქანთარია ვალერიანი; 5. კიზირია ანატოლი; 6. მენაღარაშვილი ათინოგენი;

7. რამიშვილი მაქსიმე; 8. რჩეულიშვილი მიხეილი.

...    თბილისი,1002, ივანე ჯავახიშვილის N51; ტელ.: (+995 32) 291 01 14; 296 03 00;  294 13 20;

ელ-ფოსტა : conference.gaas@yahoo.com; gaasgeorgia@gmail.com