საქართველოს სოფლის მეურნეობის მეცნიერებათა აკადემია
საქართველოს სოფლის მეურნეობის მეცნიერებათა აკადემია საქართველოს სოფლის მეურნეობის მეცნიერებათა აკადემია

საქართველოს სოფლის მეურნეობის მეცნიერებათა აკადემია

სამოც წელზე მეტი მეცნიერების და პროგრესის სამსახურში

საქართველოს სოფლის მეურნეობის მეცნიერებათა აკადემია

ინოვაცია, სიახლე, განვითარება...

სამეცნიერო განყოფილებები

სამეცნიერო-პრაქტიკული კონფერენცია შიდა ქართლში

   Shida qartliსამეცნიერო-პრაქტიკული კონფერენციის გახსნა, აკად. ი. ვასაძე და პროფ. ვ. სუხიშვილი.  2014 წლის 14 ნოემბერს გორის სუხიშვილის სასწავლო უნივერსიტეტის სააქტო დარბაზში საქართველოს სოფლის მეურნეობის მეცნიერებათა აკადემიის წლიური სამუშაო გეგმის შესაბამისად და ინიციატივით ჩატარდა გამსვლელი სამეცნიერო-პრაქტიკული კონფერენცია თემაზე: “მეხილეობის და მებოსტნეობის თანამედროვე მდგომარეობა და განვითარების პერსპექტივები შიდა ქართლში”. კონფერენციის მუშაობაში მონაწილეობა მიიღეს საქართველოს სოფლის მეურნეობის მეცნიერებათა აკადემიის აკადემიკოსებმა გ. მარგველაშვილმა, ი. ვასაძემ. ვ. კვალიაშვილმა, გ. ბადრიშვილმა, ზ. ჩანქსელიანმა, აკადემიის წევრ-კორესპონდენტებმა ე. შაფაქიძემ და თ. თურმანიძემ, სსმმ აკადემიის სწავლულმა მდივანმა აკადემიურმა დოქტორმა ა. გიორგაძემ, აკადემიის ეროვნულმა კოორდინატორებმა მებოსტნეობის დარგში პროფ. ვ. სუხიშვილმა და აკადემიურმა დოქტორმა ნ. კაკაბაძემ, საქართველოს სოფლის მეურნეობის სამინისტროს და სამეცნიერო-კვლევითი ცენტრის სპეციალისტებმა, შიდა ქართლის და გორის საკრებულოს წარმომადგენლებმა, შიდა ქართლის საინფორმაციო-საკონსულტაციო ცენტრის სპეციალისტებმა, გორის სუხიშვილის სასწავლო უნივერსიტეტის პედაგოგებმა და სტუდენტებმა, შიდა ქართლის მეხილეობის და მებოსტნეობის მიმართულებების ფერმერებმა და სპეციალისტებმა.

     კონფერენცია გახსნა სსმმ აკადემიის ეროვნულმა კოორდინატორმა მეხილეობის დარგში აკად. იუზა ვასაძემ.

      სსმმ აკადემიის პრეზიდენტის და აკადემიური საბჭოს სახელით კონფერენციას მიესალმა აკადემიის აკადემიური დეპარტამენტის უფროსი, აკადემიის წევრ-კორესპონდენტი ე. შაფაქიძე.

shida qartli1სამეცნიერო-პრაქტიკული კონფერენციის სხდომათა დარბაზი.კონფერენციაზე მოხსენებებით გამოვიდნენ: მეხილეობის მიმართულებით - აკად. ი. ვასაძე –“მეხილეობის თანამედროვე მდგომარეობა და განვითარების პერსპექტივები შიდა ქართლში”, აკად. გ. ბადრიშვილი – “მეხილეობის დარგის სამეცნიერო დარგის პერსპექტივები შიდა ქართლში”, აკად. ვ. კვალიაშვილი –“ადგილობრივი წარმოშობის ხეხილის ჯიშების შესწავლა, სელექცია და ინტროდუქცია”, აკადემიის წევრ-კორესპონდენტი თ. თურმანიძე – “ეკოლოგიური პირობების გავლენა ხეხილოვან კულტურათა ზრდა-განვითარებასა და მოსავალზე”; მებოსტნეობის მიმართულებით – აკადემიის ეროვნული კოორდინატორი, გორის სუხიშვილის სასწავლო უნივერსიტეტის რექტორი, პროფ. ვ. სუხიშვილი –“მებოსტნეობის თანამედროვე მდგომარეობა შიდა ქართლში” და ეროვნული კოორდინატორი, სოფლ. მეურნ. სამინისტროს სამეცნიერო-კვლევითი ცენტრის დეპარტამენტის უფროსი, აკადემიური დოქტორი ნ. კაკაბაძე – მებოსტნეობის განვითარების პერსპექტივები შიდა ქართლში”.

shida qartli2 სამეცნიერო-პრაქტიკული კონფერენციის მონაწილეთა ერთი ჯგუფი. ძირითადი მოხსენებების შემდეგ კონფერენციის მნიშვნელობასა და შიდა ქართლში მეხილეობისა და მებოსტნეობის განვითარებასა და დარგების პრობლემების გადაჭრის საკითხებზე ისაუბრეს სსმმ აკადემიის აკად. გ. მარგველაშვილმა, სსმმ აკადემიის აკად. ზ. ჩაქსელიანმა, საქართველოს სოფლის მეურნეობის სამინისტროს კოორდინატორმა ნ. ხოხაშვილმა, შიდა ქართლის საინფორმაციო-საკონსულტაციო ცენტრის სპეციალისტმა ჯ. დოდაშვილმა, გორის საკრებულოს წევრმა ხ. ხათაშვილმა, შიდა ქართლის მუნიციპალიტეტის აგრარული კომიტეტის თავმჯდომარემ მ. მელანიშვილმა, ფერმერმა გოგი ბარბაქაძემ, გორის სუხიშვილის უნივერსიტეტის პროფესორებმა დ. გოგინაშვილმა და დ. პავლიაშვილმა, სოფლის მეურნეობის სამინისტროს სამეცნიერო-კვლევითი ცენტრის ბიოწარმოების სამსახურის უფროსმა გ. წერეთელმა.

მოხსენებების, გამოთქმული შენიშვნებისა და წინადადებების გათვალისწინებით კოფერენციამ მიიღო შესაბამისი რეკომენდაციები, სადაც მითითებულია მეხილეობის და მებოსტნეობის მიმართულებით სამეცნიერო-კვლევითი საქმიანობის გაუმჯობესების ღონისძიებები და ამ მიმართულებით სსმმ აკადემიის და სოფლის მეურნეობის სამინისტროს როლის და ფუნქციების გაძლიერება; რეკომენდაციებში ასახულია მეხილეობისა და მებოსტნეობის მიმართულებით კანონშემოქმედებითი საქმიანობის გაუმჯობესების აუცილებლობა, აგრეთვე ნიადაგის ნაყოფიერების გაზრდის ღონისძიებების მნიშვნელობა, სელექციური მუშაობის გაუმჯობესება, მცენარეთა მავნებლებისა და დაავადებებისაგან დაცვის საკითხების სრულყოფა და ამ მიმართულებით მკაცრი საკანონმდებელო საქმიანობის წარმართვა, აგროქიმიური სამსახურის აღდგენა, მექანიზაციის და ირიგაციის საკითხების სრულყოფა და გაუმჯობესება და სხვა. კონფერეციაზე აღინიშნა აგრეთვე ამ ტიპის სამეცნიერო-პრაქტიკული კონფერენციების ჩატარების აუცილებლობა საქართველოს სხვა რეგიონებშიც (სოფლის მეურნეობის სხვა დარგებისათვის) და ამ მიზნით საქართველოს სოფლის მეურნეობის მეცნიერებათა აკადემიის წამყვანი როლის გაძლიერება.

ძებნა საიტზე

სიახლეები

განცხადება

23 ივლისი 2019
აგვისტო 2019
ორშსამოთხხუთპარშაბკვი
1234
567891011
12131415161718
19202122232425
262728293031

...    თბილისი,1002, ივანე ჯავახიშვილის N51; ტელ.: (+995 32) 291 01 14; 296 03 00;  294 13 20;

ელ-ფოსტა : conference.gaas@yahoo.com; gaasgeorgia@gmail.com