2022 წლის 21 დეკემბერს შედგა კომისიის სხდომა, რომელზეც მოხსენებით: „თუთის აბრეშუმხვევიას გენოფონდის განვითარება“ - გამოვიდა ნარგიზ ბარამიძე - სოფლის მეურნეობის სამეცნიერო-კვლევითი ცენტრის მეცხოველეობის და   საკვებწარმოების კვლევის დეპარტამენტის უფროსი სპეცილისტი, სოფლის მეურნეობის აკაედმიური. დოქტორი.

მომხსენებელმა ხაზი გაუსვა იმ გარემოებას, რომ 2015 წელს აგრარული უნივერსიტეტიდან ცენტრში გადმოტანილი იქნა თუთის აბრეშუმხვევიას გენოფონდი 65 ჯიშით. ადრე საკოლექციო ჯიშები იკვებებოდა ქუთაისის მეაბრეშუმეობის ზონალურ-საცდელ სადგურში, მაგრამ სადგურის გაუქმების შემდეგ საჭიროდ ჩაითვალა, რომ ქართული წარმოშობის ჯიშები არ დაკარგულიყო და გადმოტანილი იქნა თბილისში იმ პირობებში, როდესაც თუთის მცენარეები მთლიანად ამოძირკვული იყო და საკოლექსიო ჯიშებს თანამედროვე ქართულ ჯიშებთან ერთად იკვებებოდა ძირითადად პირადი ახსრებით შეძენილი თუთის ფოთლით. მან აღნიშნა, რომ 2018 წელს სოფლის მეურნეობის სამეცნიერო-კვლევითი ცენტრის წილკნის ბაზაზე აშენდა მეაბრეშუმეობის ლაბორატორია, სადაც ამჟამად მიმდინარეობს თუთის აბრეშუმ­ხვევიას გენოფონდის შენარჩუნება, მაგრამ, სამწუხაროდ, თუთის ფოთოლი არ არის საკმარისი, ხოლო სოფელში ნაყიდი თუთის ფოთლის აბრეშუმის ჭიის საკვებად გამოყენება საშიშია, რადგან მცენარეები იწამლება მავნებლების საწინააღმდეგო ხსნარებით, რამაც შეიძლება გენოფონდის არსებობას საფრთხე შეუქმნას.

მომხსენებლის ინფორმაციით, დღეს გენოფონდში დაცულია ხალხური სელექციით გამოყვანილი ჯიშები, ასევე მეცნიერული სელექციით მიღებული ჯიშები: თბილნიიშ-3, ქართლი, ივერია, თბილისური, დიღომის ოჯახი 8 ჯიშის რაოდენობით, მზიურის ოჯახი 8 ჯიშის რაოდენობით, მიმდინარეობს ახალი ჯიშების გამოყვანა და დარეგისტრირება „საქპატენტში“. მნიშვნელოვანია ვ.სტრუნიკოვისა და ა.ძნელაძის მიერ მიღებული გრენის ფაზაში ნიშანდებული ჯიში ტაო 2, რომელიც საკმაოდ ხანდაზმულია და მიმდინარეობს მუშაობა მის გაუმჯობესებაზე. გაგვაჩნია იაპონური, ჩინური, ინდური, თურქული, პოლონური, აზერბაიჯანული, უზბეკური ჯიშებიც, რომლებიც კარგად შეეგუენ ჩვენს კლიმატურ პირობებს. მნიშვნელოვანია ასევე 2017 წელს ახალგაზრდა მეცნიერის მეაბრეშუმე მ. ხუციშვილის მიერ იაპონიიდან ჩამოტანილი   კრიოკონსერვაციით მიღებული ყვითელპარკიანი ჯიში, რომელიც კარგად შეეგუა ჩვენს პირობებს და გამოიყენება ფერადპარკიანი უძველესი ხალხური სელექციით მიღებული ჯიშების სისხლის განახლებისათვის. მზიურებისა და დიღმურების ჯგუფის თანამედროვე   ქართული ჯიშებს ახასიათებთ     ბიოტექნოლოგიური მაჩვენებლები, რომლებიც მეაბრეშუმეობის საერთაშორისო კომისიის მიერ დაწესებული აბრეშუმის პარკის სტანდარტის მაჩვენებლებზე უკეთესია, მაგ. პარკის ძაფის სიგრძეა 2000 მ-ის ზევით, ხოლო აბრეშუმიანობა 24-25%. მზიურების ძაფისაგან დამზადებულმა ქსოვილმა “კრეპ-შიფონი” 1998 წელს ესპანეთში საერთაშორისო გამოფენაზე უმაღლესი ჯილდო „პლატინის ვარსკვლავი“ მიიღო, ხოლო 2018 წელს დარგის მეცნიერების მიერ მოპოვებული მასალების საფუძველზე ქართულ აბრეშუმს მიენიჭა არამატერიალური კულტურული მემკვიდრეობის ძეგლის სტატუსი. გენოფონდის შესანარჩუნებლად მეაბრეშუმეობის ლაბორატორიის ჯგუფი შრომობს როგორც მეაბრეშუმეობის, ასევე მეთუთეობის ხაზით, ყოველწლიურად მიმდინარეობს აბრეშუმის ჭიის გამოკვება და მომდევნო თაობის გრენის, ასევე თუთის თესლის დამზადება, თესვა, მყნობა, გადარგვა და სხვა უამრავი სამუშაოები აბრეშუმის ჭიის საკვები ბაზის გასაძლიერებლად.    თუთის აბრეშუმხვევიას აღნიშნული გენოფონდი ერთადერთია საქართველოში და მისი შენარჩუნება მნიშვნელოვანია მეაბრეშუმეობის აღორძინების საქმეში.

საკითხის განხილვაში მონაწილეობა მიიღეს აკადემიის ვიცე-პრეზიდენტმა გივი აკად. ჯაფარიძემ, აკადემიკოსებმა ანატოლი გიორგაძემ, ალექსანდრე დიდებულიძემ, ელგუჯა შაფაქიძემ, მინისტრის მრჩეველმა დოქტორმა ომარ კაჭარავამ, ფერმერმა, ახმეტის კოოპერატივ „აბრეშუმხვევიას“ ხელმძღვანელმა ნუნუ ნახუცრიშვილმა, პროფესორმა ცოტნე სამადაშვილმა, საქართველოს აგრარული უნივერსიტეტის აგრარული უნივერსიტეტის მეაბრეშუმეობის ლაბორატორიის ხელმძღვანელმა ირაკლი გუჯაბიძემ, „სინგენტას“ წარმომადგენელმა, დოქტორმა ზურაბ ლოლაძემ. მიღებული იქნა დადგენილება, რომელიც გადაეგზავნებააკადემიაში სპეციალურად შექმნილ სამუშაო ჯგუფს აკადემიის სახელით მთავრობაში წინადადებათა მისაწოდებლად.

საქართველოს გარემოს დაცვისა და სოფლის მეურნეობის სამინისტროში ნიადაგების მსოფლიო დღე აღინიშნა

საქართველოს გარემოს დაცვისა და სოფლის მეურნეობის სამინისტროში 2022 წლის 5 დეკემბერს ნიადაგების მსოფლიო დღესთან დაკავშირებით ჩატარდა ღონისძიება. ღონისძიებას ესწრებოდნენ: გარემოს დაცვისა და სოფლის მეურნეობის მინისტრი ოთარ შამუგია, მინისტრის მოადგილეები: გიორგი ხანიშვილი, იური ნოზაძე, კახა კაკაბაძე, სოლომონ პავლიაშვილი, საქართველოს ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, საქართველოს მეცნიერებათა ეროვნული აკადემიის პრეზიდენტი გიორგი კვესიტაძე, ი. ჯავახიშვილის სახელმწიფო უნივერსიტეტის, აგრარული უნივერსიტეტის, საქართველოს ტექნიკური უნივერსიტეტის, ბათუმის შოთა რუსთაველის სახელობის უნივერსიტეტის, იაკობ გოგებაშვილის სახელობის თელავის სახელმწიფო უნივერსიტეტის, ა. წერეთლის სახელობის სახელმწიფო უნივერსიტეტის, სამცხე-ჯავახეთის სახელმწიფო უნივერსიტეტის, გარემოს ეროვნული სააგენტოს, სოფლის მეურნეობის სამეცნიერო-კვლევითი ცენტრის, საქართველოს ფერმერთა ასოციაციის (GFA), ბიოლოგიურ მეცნიერებათა ასოციაციის „ელკანა”, კავკასიის რეგიონული გარემოსდაცვითი ცენტრის (REC Caucasus), კავკასიის გარემოსდაცვითი არასამთავრობო ორგანიზაციის ქსელის (CENN) წარმომადგენლები. მოწვეულ სტუმრებს შორის იყვნენ საქართველოს სოფლის მეურნეობის მეცნიერებათა აკადემიის პრეზიდენტი გურამ ალექსიძე, პრეზიდენტის მოადგილე, სამეცნიერო განყოფილებების კოორდინატორი, აკადემიკოსი ანატოლი გიორგაძე და აკადემიის სამეცნიერო განყოფილებების სწავლული მდივანი, დოქტორი მარინე ბარვენაშვილი.

ღონისძიება გახსნა და დამსწრე საზოგადოებას მისასალმებელი სიტყვით მიმართა საქართველოს გარემოს დაცვისა და სოფლის მეურნეობის მინისტრმა ოთარ შამუგიამ. მისალმების შემდეგ ო. შამუგიამ ისაუბრა ნიადაგის მნიშვნელობასა და მისი დაცვის აუცილებლობაზე. აღინიშნა, რომ ნიადაგის რაციონალური მართვა პირდაპირ კავშირშია სასურსათო უსაფრთხოებასთან. ეს უკანასკნელი კი მსოფლიოს ნებისმიერი ქვეყნისათვის პირველი რიგის გადასაწყვეტ ამოცანებს შორისაა. ყურადღება გამახვილდა იმაზეც, რომ დღეს კლიმატის გლობალური ცვლილების ფონზე მწვავედ დგას ნიადაგის დეგრადაციის საკითხი. ამ მხრივ საჭიროა ახალგაზრდა, კვალიფიციური სპეციალისტების აღზრდა, რომლებიც თავის საქმიანობას წარმართავენ ნიადაგების დაცვისა და აღდგენის მიმართულებით.

ღონისძიების მონაწილეებს სიტყვით მიმართა საქართველოს ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა, რომელმაც ნიადაგის ნაყოფიერების შენარჩუნების გზით ქვეყნის ეკონომიკის გაძლიერების მნიშვნელობაზე ისაუბრა.

            საქართველოს ნიადაგების მრავალფეროვნების მნიშვნელობაზე ისაუბრა საქართველოს მეცნიერებათა ეროვნული აკადემიის პრეზიდენტმა გიორგი კვესიტაძემ, რომელმაც ამ მხრივ ჩვენი ქვეყნის უნიკალობას გაუსვა ხაზი.

            ღონისძიების ფარგლებში, აგრარული მიმართულების საჯარო, კერძო და არასამთავრობო სექტორში დასაქმებულ წარმატებულ ახალგაზრდა სპეციალისტებს, უმაღლესი საგანმანათლებლო დაწესებულების სტუდენტებს, სამეცნიერო და კვლევით სექტორში მოღვაწე მკვლევარებს ნიადაგმცოდნეობის ქართული სკოლის ერთ-ერთი ფუძემდებლის, აკადემიკოს თენგიზ (გიზო) ურუშაძის სახელობის საპატიო სიგელები გადაეცათ. 

        საქართველოს სოფლის მეურნეობის მეცნიერებათა აკადემიაში

მიმდინარე წლის 5 დეკემბერს, ნიადაგების მსოფლიო დღესთან დაკავშირებით, აკადემიის აგრონომიულ მეცნიერებათა განყოფილების ორგანიზებით ჩატარდა სამეცნიერო კონფერენცია თემაზე: „დავიცვათ ნიადაგი - ჩვენი მარჩენალი და ეროვნული სიმდიდრე“.

კონფერენციას ესწრებოდნენ აგრონომიულ მეცნიერებათა განყოფილების წევრები, განყოფილების აკადემიკოს-მდივანი, აკადემიკოსი გოგოლა მარგველაშვილი, აკადემიკოსი ზაურ ჩანქსელიანი, აკადემიის პრეზიდენტის მოადგილე, სამეცნიერო განყოფილებების კოორდინატორი, აკადემიკოსი ანატოლი გიორგაძე, აკადემიის აკადემიური დეპარტამენტის უფროსი, აკადემიის აკადემიკოს-მდივანი, აკადემიკოსი ელგუჯა შაფაქიძე, აკადემიის სამეცნიერო განყოფილებების სწავლული მდივნები: დოქტორი მარინე ბარვენაშვილი და აკადემიკოსი ლაშა დოლიძე, აკადემიის გარემოს დაცვისა და სატყეო საქმის მეცნიერებათა განყოფილების სტიპენდიატი, დოქტორი ზვიად ტიგინაშვილი, სსიპ - სოფლის მეურნეობის სამეცნიერო-კვლევითი ცენტრის ნიადაგის ნაყოფიერების კვლევის სამსახურის ლაბორატორიის უფროსი, დოქტორი გიორგი ღამბაშიძე და ამავე სამსახურის თანამშრომლები.

კონფერენცია გახსნა და დამსწრე საზოგადოებას მისასალმებელი სიტყვით მიმართა აგრონომიულ მეცნიერებათა განყოფილების აკადემიკოს-მდივანმა, აკადემიკოსმა გოგოლა მარგველაშვილმა. მისასალმებელ სიტყვაში, ქალბატონმა გოგოლამ ისაუბრა ნიადაგების მსოფლიო დღის დაარსების წინაპირობაზე, ხაზი გაუსვა იმას, რომ აუცილებელია ჯანმრთელი ეკოსისტემების შენარჩუნება, ინკლუზიური კოლექტიური ქმედებების საფუძველზე ნიადაგების დაცვა და გაჯანსაღება. შემდეგ აკადემიკოსმა გ. მარგველაშვილმა მიმოიხილა მსოფლიო და საქართველოს ნიადაგების მდგომარეობა, კერძოდ მსმენელებს გააცნო მსოფლიოს მიწის ფონდის მდგომარეობა, ნიადაგების დეგრადაციის ხარისხი და ფართობი, ყურადღება გაამახვილა საქართველოში სასოფლო-სამეურნეო სავარგულების სტრუქტურასა და დაბალნაყოფიერი ნიადაგების გავრცელებაზე, ნათეს ფართობებზე და სხვ.  

           კონფერენციაზე მოხსენებებით ასევე გამოვიდნენ სოფლის მეურნეობის სამეცნიერო-კვლევითი ცენტრის ნიადაგის ნაყოფიერების კვლევის სამსახურის ლაბორატორიის უფროსი, დოქტორი გიორგი ღამბაშიძე და გარემოს დაცვისა და სატყეო საქმის მეცნიერებათა განყოფილების სტიპენდიატი, დოქტორი ზვიად ტიგინაშვილი. დოქტორ გიორგი ღამბაშიძის მოხსენების თემა გახლდათ „ნიადაგში ორგანული ნახშირბადის დაგროვებასა და მინერალიზაციაზე მოქმედი ფაქტორები“. მომხსენებელმა აღნიშნა, რომ ნიადაგები უზრუნველყოფენ ეკოსისტემურ სერვისებს, ნიადაგში არსებული ორგანული ნახშირბადი, ისევე როგორც მიწის პროდუქტიულობა და მიწის დაფარულობა, წარმოადგენს მიწის დეგრადაციის ინდიკატორს. გარდა აღნიშნულისა მომხსენებელმა ისაუბრა საქართველოს ნიადაგებში ორგანული ნახშირბადის მარაგებზე, სასოფლო-სამეურნეო დანიშნულების ნიადაგებში ორგანული ნახშირბადის დაგროვების პოტენციალზე, ორგანული ნახშირბადის მინერალიზაციის და მისი ნიადაგში ხანგრძლივი დაგროვების ხელშემწყობ ფაქტორებზე. რაც შეეხება დოქტორ ზვიად ტიგინაშვილის მოხსენების თემას, იგი ეხებოდა „აღმოსავლეთ ფიჭვნარების ნიადაგებში ჰუმუსისა და ნახშირბადის მარაგებს.“ მომხსენებელმა აღნიშნა, რომ კვლევები ჩატარდა სამცხე-ჯავახეთის (ბორჯომ-ხარაგაულის, ადიგენის) ტერიტორიაზე. კვლევის შედეგად დადგინდა, რომ აღმოსავლეთ საქართველოში, სადაც ფიჭვნარის საერთო ფართობი 66737 ჰა-ია, ნიადაგში ჰუმუსის საერთო მარგი 10,28x10⁶ ტონაა. მასში აკუმულირებულია 5,95x10⁶ ნახშირბადი, რაც ატმოსფეროდან აბსორბირებული 21,83x10⁶ ტ ნახშირბადის დიოქსიდის შესატყვისია.

            მოხსენებების დასრულების შემდეგ გაიმართა დისკუსია. მსმენელთა მხრიდან დაისვა არაერთი შეკითხვა, რომელზედაც მომხსენებლებმა ამომწურავი პასუხები გასცეს.

კონფერენციის მუშაობა შეაჯამა აგრონომიულ მეცნიერებათა განყოფილების აკადემიკოსმა-მდივანმა, აკადემიკოსმა გოგოლა მარგველაშვილმა. მან მადლობა გადაუხადა მომხსენებლებს და დამსწრე საზოგადოებას მობრძანებისათვის და სამეცნიერო კონფერენციის მუშაობაში აქტიური მონაწილეობის მიღებისათვის.

საქართველოს სოფლის მეურნეობის მეცნიერებათა აკადემიის

აგრონომიულ და სურსათის უვნებლობის და სასურსათო ტექნოლოგიის მეცნიერებათა განყოფილებების გაერთიანებული კრება

  2022 წლის 5 დეკემბერს ჩატარდა საქართველოს სოფლის მეურნეობის მეცნიერებათა აკადემიის აგრონომიული და სურსათის უვნებლობის და სასურსათო ტექნოლოგიის მეცნიერებათა განყოფილებების გაერთიანებული კრება შემდეგი დღის წესრიგით:

1. საქართველოს სოფლის მეურნეობის მეცნიერებათა აკადემიის აგრონომიულ მეცნიერებათა განყოფილების 2023 წლის სამუშაო პერსპექტიული გეგმის შესახებ.

მომხსენებლები: აკადემიის აგრონომიულ მეცნიერებათა განყოფილების აკადემიკოს-მდივანი, აკადემიკოსი გოგოლა მარგველაშვილი, სამეცნიერო განყოფილებების სწავლული მდივანი, დოქტორი მარინე ბარვენაშვილი.

2. ინფორმაცია, საქართველოს სოფლის მეურნეობის მეცნიერებათა აკადემიის აგრონომიულ მეცნიერებათა განყოფილებაში - სპეციალობით მებაღეობა, მევენახეობა, საქართველოს სოფლის მეურნეობის მეცნიერებათა აკადემიის ნამდვილი წევრის (აკადემიკოსის) ვაკანტური ადგილის დასაკავებლად გამოცხადებული კონკურსის შესახებ და კონკურსანტის, პროფ. ლევან უჯმაჯურიძის შრომითი და სამეცნიერო მიმართულებების შესახებ.

მომხსენებელი: საქართველოს სოფლის მეურნეობის მეცნიერებათა აკადემიის აგრონომიულ მეცნიერებათა განყოფილების აკადემიკოს-მდივანი, აკადემიკოსი გოგოლა მარგველაშვილი  

3. საქართველოს სოფლის მეურნეობის მეცნიერებათა აკადემიის აგრონომიულ მეცნიერებათა განყოფილებაში საქართველოს სოფლის მეურნეობის მეცნიერებათა აკადემიის ნამდვილი წევრის (აკადემიკოსის) ვაკანტური ადგილის დასაკავებლად გამოცხადებულ კონკურსში სპეციალობით - მებაღეობა, მევენახეობა, მონაწილე კონკურსანტის, სოფლის მეურნეობის დოქტორის ლევან უჯმაჯურიძის ინფორმაცია მისი სამეცნიერო მოღვაწეობის შესახებ (პროფ. ლევან უჯმაჯურიძის პრეზენტაცია სამეცნიერო-კლევითი საქმიანობის შესახებ იხილეთ ბმულზე);

4. საქართველოს სოფლის მეურნეობის მეცნიერებათა აკადემიის აგრონომიულ მეცნიერებათა განყოფილებაში საქართველოს სოფლის მეურნეობის მეცნიერებათა აკადემიის ნამდვილი წევრის (აკადემიკოსის) ვაკანტური ადგილის დასაკავებლად გამოცხადებულ კონკურსში სპეციალობით - მებაღეობა, მევენახეობა, მონაწილე კონკურსანტისათვის აკადემიის აგრონომიულ და სურსათის უვნებლობის და სასურსათო ტექნოლოგიის მეცნიერებათა განყოფილებების მიერ აკადემიის საერთო კრებაზე რეკომენდაციის ან დაშვების მიცემის შესახებ (ფარული კენჭისყრა).   

5. მიმდინარე საკითხები. 

       საქართველოს სოფლის მეურნეობის მეცნიერებათა აკადემიის აგრონომიული და სურსათის უვნებლობისა და სასურსათო ტექნოლოგიის მეცნიერებათა განყოფილებების გაერთიანებული კრების თავმჯდომარე ბრძანდებოდა აკად. გ. გოგოლა მარგველაშვილი; კრებას სწრებოდნენ აკადემიის ვიცე-პრეზიდენტი, აკად. გივი ჯაფარიძე, აკადემიის პრეზიდენტის მოადგილე, სამეცნიერო განყოფილებების კოორდინატორი, აკად. ანატოლი გიორგაძე, აკადემიკოს-მდივანი, აკადემიური დეპარტამენტის უფროსი აკად. ელგუჯა შაფაქიძე, მეცნიერებათა განყოფილებების სწავლული მდივანი, დოქტ. მარინე ბარვენაშვილი და აგრონომიულ და სურსათის უვნებლობისა და სასურსათო ტექნოლოგიის მეცნიერებათა განყოფილებების წევრები: აკადემიის პრეზიდენტი აკადემიკოსი გ. ალექსიძე, აკადემიკოსები გ. მარგველაშვილი, ნ. ჩხარტიშვილი, ვ. კვალიაშვილი, ზ. ჩანქსელიანი, რ. ჯაბნიძე, ზ. ცქიტიშვილი, თ. რევიშვილი.

          პროფ. ლ. უჯმაჯურიძის პრეზენტაციის შემდეგ მომხსენებელს შეკითხვები დაუსვეს და კონკურსანტის შესახებ აზრი გამოთქვეს აკადემიკოსებმა გ. ჯაფარიძემ, ზ. ცქიტიშვილმა, ვ. კვალიაშვილმა, ზ. ჩანქსელიანმა, ნ. ჩხარტიშვილმა, რ. ჯაბნიძემ, თ. რევიშვილმა, ე. შაფაქიძემ, ა. გიორგაძემ, გ. მარგველაშვილმა.

                      განყოფილებების გაერთიანებულ კრებაზე აირჩიეს ხმის დამთვლელი კომისია შემდეგი შემადგენლობით: აკადემიკოსები ზ. ჩანქსელიანი, თ. რევიშვილი, ვ. კვალიაშილი.

                     ჩატარდა ფარული კენჭისყრა.   

          ფარული კენჭისყრის შედეგად საქართველოს სოფლის მეურნეობის მეცნიერებათა აკადემიის ნამდვილი წევრის (აკადემიკოსის) ვაკანტური ადგილის დასაკავებლად აგრონომიულ მეცნიერებათა განყოფილებაში გამოცხადებულ კონკურსში სპეციალობით - მებაღეობა, მევენახეობა, მონაწილე კონკურსანტს,- პროფ ლევან უჯმაჯურიძეს აკადემიის აგრონომიული და სურსათის უვნებლობის და სასურსათო ტექნოლოგიის მეცნიერებათა განყოფილებების წევრების მიერ ერთხმად მიეცა რეკომენდაცია აკადემიის საერთო კრებაზე კენჭისყრაში მონაწილეობისათვის.

     2022 წლის 29 ნოემბერს შედგა კომისიის სხდომა, რომელზეც მოხსენებით: „მარცვლეული კულტურების  ნულოვანი დამუშავების ტექნოლოგიით წარმოების ეკოლოგიური და ენერგეტიკული უპირატესობები“ გამოვიდა სოფლის მეურნეობის სამეცნიერო-კვლევითი ცენტრის მთავარი სპეციალისტი, კავკასიის უნივერსიტეტის პროფესორი, ტექნიკის მეცნიერებათა დოქტორი ოთარ ქარჩავა. მომხსენებლის მიერ    დასაბუთებული იქნა მარცვლეული კულტურების  ნულოვანი დამუშავების (No-Till) ტექნოლოგიით წარმოების ეკოლოგიური და ენერგეტიკული   პრიორიტეტები ინტენსიურ ტექნოლოგიასთან შედარებით ხორბლის, სიმინდის და   მზესუმზირის წარმოების მაგალითზე მათი ბიოენერგეტიკული შეფასების საფუძველზე. აღნიშნული ტექნოლოგია წლების განმავლობაში ვრცელდება ხორბლის (დედოფლისწყაროს მუნიციპალიტეტში), სიმინდისა (მარნეულის მუნიციპალიტეტში) და მზესუმზირის (კასპის მუნიციპალიტეტში) სადემონსტრაციო ნაკვეთებზე, შედგენილი იქნა მათი ტექნოლოგიური ადაპტერები, არსებული მეთოდიკის საფუძველზე გაანგარიშებულია ამ კულტურების წარმოებისას ენერგეტიკული და ეკონომიკური დანახარჯები და ჩატარებულია მათი შედარებითი ანალიზი. მიღებული შედეგები აჩვენებს, რომ No-Till ტექნოლოგიის გამოყენებისას ამ კულტურების მოსავლიანობის მატებამ შეადგინა 10-12% ხორბლისთვის, 12-15% სიმინდისთვის და 15-18% მზესუმზირისთვის, მნიშვნელოვნად შემცირდა მოცემული კულტურების წარმოებაზე საწვავის, შრომისა და ფულადი სახსრების დანახარჯები. გამოვლინდა ნულოვანი ტექნოლოგიით წარმოების შემდეგი გარემოსდაცვითი ეფწქტები: საწვავის ხარჯის შემცირებიდან გამომდინარე მნიშვნელოვნად შემცირდა ნავთობპროდუქტების გამონაბოლქვი აირების მიერ გარემოს დაზიანების ხარისხი, ასევე ნიადაგის დატკეპნის ინტენსივობა. ამის გარდა ნულოვანი დამუშავების კომბინირებული აგრეგატით შესრულებული რამდენიმე ოპერაციის გაერთიანებამ, რომელშიც ბოლო ოპერაციას წარმოადგენდა ნათესის მოტკეპნა, განაპირობა ქარისმიერი ეროზიული მოვლენების შეზღუდვა. ნულოვანი დამუშავების აგრეგატით რამდენიმე ტექნოლოგიური ოპერაციის ერთდროულად შესრულებამ ასევე შეამოკლა მცენარეთა მოყვანის სავეგეტაციო ვადა, რაც განსაკუთრებით მნიშვნელოვანია სამთო პირობებში მარცვლეული კულტურების წარმოებისთვის, ვინაიდან მაღალ მთაში ვეგეტაციის პერიოდი მოკლეა.

         მოხსენების შემდეგ გამართულ დისკუსიაში მონაწილეობა მიიღეს აკადემიკოსმა ე.შაფაქიძემ, დოქტორმა გ.ცოფურაშვილმა, ო.ნადირაშვილმა, პროფესორმა ო.თედორაძემ, დოქტორმა გ.ქუთელიამ, პროფესორმა ა.ნონიაძემ, ფერმერმა გ.ბულიამ, აკადემიკოსმა ა.დიდებულიძემ, რომლებმაც დადებითად შეაფასეს ჩატარებული კვლევა და ხაზი გაუსვეს წარმოდგენილი მასალის აქტუალურობას. დაადგინეს:

1.მოწონებული იქნეს მოხსენება და აღინიშნოს წარმოდგენილი ტექნოლოგიის პრაქტიკაში გავრცელების მიზანშეწონილება;

2.აღინიშნოს, რომ მომხსენებლის უშუალო მონაწილეობით დასაბუთებულია მარცვლეული კულტურების   ნულოვანი დამუშავების (No-Till) ტექნოლოგიით წარმოების ეკოლოგიური და ენერგეტიკული   პრიორიტეტები ინტენსიურ ტექნოლოგიასთან შედარებით ხორბლის, სიმინდის და   მზესუმზირის წარმოების მაგალითზე მათი ბიოენერგეტიკული შეფასების საფუძველზე;

3.ჩატარებული ენერგეტიკული და ეკონომიკური ანალიზის შედეგები აჩვენებს, რომ No-Till ტექნოლოგიის გამოყენებისას აღნიშნული კულტურების მოსავლიანობის მატებამ შეადგინა დაახლოებით 10-12% ხორბლისთვის, 12-15% სიმინდისთვის და 15-18% მზესუმზირისთვის, 35 – 40% - ით შემცირდა ზემოთ მოცემული კულტურების წარმოებაზე საწვავის, შრომისა და ფულადი სახსრების დანახარჯები.

4.გამოვლინდა ტექნოლოგიის გარემოსდაცვითი პრიორიტეტები, კერძოდ კი   მნიშვნელოვნად შემცირდა ნავთობპროდუქტების გამონაბოლქვი აირების მიერ გარემოს დაზიანების ხარისხი, ნიადაგის დატკეპნის ინტენსივობა, ქარისმიერი და წყლისმიერი ეროზიული მოვლენები.

          2022 წლის 5 დეკემბერს

საქართველოს სოფლის მეურნეობის მეცნიერებათა აკადემიის წევრ კორეპონდენტს,

სოფლის მეურნეობის მეცნიერებათა დოქტორს, როოფესორ ოთარ ლიპარტელიანს დაბადებიდან 90 და

პედაგოგიური მოღვაწეობის 65 წელი შეუსრულდება.

საქართველოს სოფლის მეურნეობის მეცნიერებათა აკადემია გულითადად ულოცავს

აკადემიის წევრ-კორესპონდენტს, საუკეთესო მეცნიერს აგრონომიულ დარგში (2013 წ)

ბატონ ოთარ ლიპარტელიანს ამ ღირშესანიშნავ თარიღებს, უსურვებს ჯანმრთელობას,

დიდხანს სიცოცხლეს, ნაყოფიერ შემოქმედებით, სამეცნიერო,პედაგოგიურ და

საზოგადოებრივ საქმიანობას ჩვენი ქვეყნის საკეთილდღეოდ.

       2022 წლის 30 ნოემბერს ჩატარდა საქართველოს სოფლის მეურნეობის მეცნიერებათა აკადემიის პრეზიდენტის ა.წ. 7 ნოემბრის №96 ბრძანებით, საქართველოს სოფლის მეურნეობის მეცნიერებათა აკადემიის აგრონომიულ მეცნიერებათა განყოფილების ვაკანტურ ადგილზე ნამდვილი წევრის (აკადემიკოსის) ასარჩევად აკადემიის მიერ გამოცხადებული კონკურსის სპეციალობაში მებაღეობა-მვენახეობა. მაღალორგანიზებულად მომზადებისა და ჩატარების მიზნით შექმნილი საექსპერტო-საკონკურსო კომისიის სხდომა.

             საქართველოს სოფლის მეურნეობის მეცნიერებათა აკადემიის მიერ აკადემიის ნამდვილი წევრის (აკადემიკოსის)

ასარჩევად ვაკანტურ ადგილებზე ზემოაღნიშნულ გამოცხადებულ კონკურსში მონაწილეობის მისაღებად განცხადება შემოტანილი აქვს სოფლის მეურნეობის დოქტორს ლევან უჯმაჯურიძეს. 

              (დოქტ. ლევან უჯმაჯურიძის   CV იხილეთ ბმულზე).

 საექსპერტო-საკონკურსო კომისიამ დაადგინა: სოფლის მეურნეობის დოქტორის ლევან უჯმაჯურიძის მიერ წარმოდგენილი დოკუმენტაცია, სამეცნიერო-შრომითი საქმიანობა და კვალიფიკაცია სრულად შეესაბამება საქართველოს სოფლის მეურნეობის მეცნიერებათა აკადემიის მიერ საქართველოს სოფლის მეურნეობის მეცნიერებათა აკადემიის ნამდვილი წევრის (აკადემიკოსის) ვაკანტური ადგილის დასაკავებლად გამოცხადებული კონკურსის მოთხოვნებს აგრონომიულ მეცნიერებათა განყოფილებაში, სპეციალობით - მებაღეობა - მევენახეობა და მისი საკითხი განსახილველად აკადემიის აკადემიკოსად ასარჩევად რეკომენდაციის გაწევის მიზანშეწონილობის შესახებ გადაეცეს საქართველოს სოფლის მეურნეობის მეცნიერებათა აკადემიის პრეზიდენტის 2022 წლის 25 ნოემბრის ბრძანებით (№104) შექმნილ გაერთიანებულ აგრონომიულ მეცნიერებათა და სურსათის უვნებლობისა და სასურსათო ტექნოლოგიის მეცნიერებათა განყოფილებებს.

საქართველოს გარემოს დაცვისა და სოფლის მეურნეობის მინისტრი სტუმრად აკადემიაში

           2022 წლის 24 ნოემბერს საქართველოს სოფლის მეურნეობის მეცნიერებათა აკადემიაში საქმიანი ვიზიტით იმყოფებოდნენ საქართველოს გარემოს დაცვისა და სოფლის მეურნეობის მინისტრი, ბატონი ოთარ შამუგია, მინისტრის პირველი მოადგილე, ბატონი გიორგი ხანიშვილი, მინისტრის მოადგილე, აკადემიკოსი სოლომონ პავლიაშვილი, მინისტრის მრჩეველი, დოქტორი ომარ კაჭარავა, წამყვანი სპეციალისტი, პროფესორი ომარ თედორაძე.

     შეხვედრა შესავალი სიტყვით გახსნა აკადემიის პრეზიდენტმა, აკადემიკოსმა გურამ ალექსიძემ, რომელმაც სტუმრებს მოკლედ გააცნო აკადემიის სტრუქტურა, მისი წევრების სამეცნიერო-კვლევითი მიმართულებების თემატიკა, აკადემიის უახლესი საქმიანობა და სამომავლო პერსპექტივები. აკადემიის პრეზიდენტმა ისაუბრა აკადემიის სამეცნიერო კავშირებზე როგორც ევროკავშირის, ისე აზიის ქვეყნების სამეცნიერო ორგანიზაციებთან, აღნიშნა, რომ 2014 წლიდან აკადემია ევროპის სოფლის მეურნეობის, სურსათისა და ბუნებათსარგებლობის აკადემიების კავშირის (UEAA) წევრია და აქტიურად მონაწილეობს მის საქმიანობაში. ევროპის აკადემიების კავშირის ეგიდით საქართველოს სოფლის მეურნეობის მეცნიერებათა აკადემიაში 2017, 2019 და 2022 წელს გაიმართა საერთაშორისო სამეცნიერო კონფერენციები, რომელთა თემები იყო ხორბლის წარმოება, მევენახეობა-მეღვინეობა და სოფლის მეურნეობის მექანიზაცია ევროპაში და სამომავლო პერსპექტივები.

     აკადემიკოსმა გურამ ალექსიძემ ისაუბრა აგრეთვე გარემოს დაცვისა და სოფლის მეურნეობის სამინისტროსა და საქართველოს სოფლის მეურნეობის მეცნიერებათა აკადემიას შორის თანამშრომლობის მემორანდუმზე, რომელსაც ხელი მოეწერა ჯერ კიდევ 2016 წელს და მიზანშეწონილია, რომ მემორანდუმის განახლებულ ვარიანტს ხელი მოეწეროსახლო მომავალში, სადაც ფართოდ იქნება წარმოდგენილი თანამშრომლობა ისეთ საკითხებზე, როგორიცაა მელიორაცია, მეცხოველეობა, მეაბრეშუმეობა, სოფლის მეურნეობის მექანიზაცია, სასურსათო უსაფრთხოება და სხვა.

   ` შეხვედრაზე აკადემიკოსმა გ. ალექსიძემ ხაზი გაუსვა იმ დოკუმენტის მნიშვნელობას, რომელიც   დამუშავებულია აკადემიაში და ითვალისწინებს 2022 – 2030 წლისათვის სოფლის მეურნეობის განვითარება - მოდერნიზაციის პროგრამას (სტრატეგიას).

     `მინისტრთან შეხვედრაზე საქმიანი წინადადებებით გამოვიდნენ და იმსჯელეს სამინისტროსთან თანამშრომლობის სამომავლო პერსპექტივებზე აკადემიკოსებმა ნოდარ ჭითანავამ, ზურაბ ცქიტიშვილმა, თენგიზ ყურაშვილმა, ეედიშერ კვესიტაძემ, გურამ პაპუნიძემ, აკადემიის ეროვნულმა კოორდინატორმა პროფესორმა ა.ნზორ მესხიშვილმა, აკადემიის ვიცე-პრეზიდენტმა, აკადემიკოსმა გივი ჯაფარიძემ.

            გამომსვლელებმა ანიშნეს, რომ მიზანშეწონილია აკადემიამ და სამინისტრომ ითანამშრომლონ ისეთ საკითხებში, როგორიცაა:

• საქართველოს სოფლის მეურნეობის მდგრადი განვითარების საფუძველზე დარგობრივი და რეგიონული (ზონალური) სპეციალიზაციის და კონცენტრაციის ძირითადი მიმართულებების განსაზღვრა;
• ორგანული (ეკოლოგიურად სუფთა) სოფლის მეურნეობის კომპლექსური განვითარების   სტრატეგიის განსაზღვრა ძირითადი დარგების მიხედვით;
• მეთესლეობის, (სელექციის), სარგავი მასალის წარმოებისა და სანაშენო საქმის განვითარების ძირითადი მიმართულებების განსაზღვრა;
• სამთო სოფლის მეურნეობის კომპლექსური განვითარების ძირითადი მიმართულებების განსაზღვრა;
• სატყეო მეურნეობის კომპლექსური განვითარების ძირითადი მიმართულებების განსაზღვრა;
• სასოფლო-სამეურნეო დანიშნულების მიწების რაციონალურად გამოყენების ძირითადი მიმართულებების განსაზღვრა;
• მიწის კოდექსისა და მიწის კადასტრის მოსამზადებლად და შესადგენად წინადადებების შემუშავება;
• მცენარეთა დაცვის ინტეგრირებული სისტემის დამუშავება;

მექანიზაციის საშუალებების რაციონალური გამოყენების ორგანიზაციული ფორმების შერჩევა - გამოყენება;

• სოფლის მეურნეობის მდგრადი განვითარების სტრატეგიის შესაბამისად კვალიფიციური კადრების მომზადების სისტემის შექმნის შესახებ რეკომენდაციების მომზადება;
• თანამშრომლობის გაძლიერება სურსათის, ცხოველთა საკვების უვნებლობის, ვეტერინარიისა და მცენარეთა დაცვის სფეროების რისკის ანალიზის ფარგლებში
  • ვეტერინარული მომსახურების გაუმჯობესების ღონისძიებათა შემუშავება;
  • მეაბრეშუმეობის რეაბილიტაციის და განვითარების ეტაპობრივი ღონისძიებათა შემუშავება;
  • მარცვლეული მეურნეობის მდგრადი და უსაფრთხო განვითარების სახელმწიფო მიზნობრივი   პროგრამის შემუშავება;
  • ქვეყნის ტერიტორიაზე არსებული სამეცნიერო (სასწავლო) სტრუქტურების აგრარულ პრობლემებზე თემატიკის დაგეგმვაში (განსაზღვრაში) მონაწილეობა;
  • ქვეყნის ტერიტორიაზე არსებული აგრარულ პრობლემებზე მომუშავე საერთაშორისო ორგანიზაციებთან თანამშრომლობის გაფართოების რაციონალური ფორმების განსაზღვრა-გამოყენება;
  • აკადემიის მიერ აგროწესების, რეკომენდაციების, სასწავლო, სახელმძღვანელო და ნორმატიული ხასიათის ლიტერატურის მომზადება;
  • გლობალიზაციის გაღრმავების პროცესში ეკონომიკის განვითარების პროგნოზირებისა და სტრატეგიული დაგეგმვის მზარდი როლის გაძლიერების გათვალისწინებით, საქართველოს სოფლისა და მრავალდარგოვანი სოფლის მეურნეობის განვითარების კოორდინაციის ფორმების   (პროგნოზირება, სტრატეგიული დაგეგმვა) შემუშავებისათვის რეკომენდაციების მომზადება;
  • ევროკავშირთან ურთიერთობის გაღრმავების საფუძველზე სოფლისა და სოფლის მეურნეობის განვითარების პრობლემების კომპლექსურად გადაწყვეტისათვის ინფორმაციული ბაზის (მასმედია, პროფილური ღონისძიებები, სოციალური პრობლემები, ინოვაციური პროექტების მონიტორინგი და სხვა) განმტკიცებისა და მათი თანმიმდევრულად განხორციელების რეკომენდაციების შემუშავება;
  • ქვეყანაში აგროსამრეწველო ინტეგრაციის გაღრმავების, სასოფლო-სამეურნეო ნედლეულის წარმოების სპეციალიზაციის შესაბამისად გადამამუშავებელი საწარმოების გადაადგილების გენერალური სქემის, არსებული საწარმოების მოდერნიზაციის, ტექნოპარკების განვითარების, ახალი ტექნოლოგიების დანერგვის და დაჩქარების ღონისძიებათა შესახებ რეკომენდაციების მომზადება.

            საქართველოს გარემოს დაცვისა და სოფლის მეურნეობის მინისტრმა, ბატონმა ოთარ შამუგიამ თავის გამოსვლაში ხაზი გაუსვა სამინისტროსა და აკადემიას შორის თანამშრომლობის სამომავლო პერსპექტივებს, ისაუბრა სამინისტროს საქმიანობის დღევანდელ ძირითად მიმართულებებზე და სამომავლო საქმიანობაზე, საქართველოში სოფლისა და სოფლის მეურნეობის განვითარების ძირითად მიმართულებებზე და ამ საკითხებში აკადემიის წევრების აქტიურ მონაწილეობაზე. მან მოიწონა ურთიერთთანამშრომლობის მემორანდუმის გაფორმება აკადემიასთან ახალი ვადით და იმედი გამოთქვა, რომ აკადემია აქტიურ მონაწილეობას მიიღებს იმ საკითხებში, რომელიც საქართველოში სოფლის მეურნეობის შემდგომ აღმავლობასა და განვითარებას შეეხება და აკადემიის აგრარული მიმართულების გამოჩენილი მეცნიერები გარკვეულ წვლილს შეიტანენ ზემოთ აღნიშნულ საკითხებში და სამინისტროს საქმიანობაში.

  მიმდინარე წლის 20 ნოემბერს ფერმერის დღის ფარგლებში საქართველოს გარემოს დაცვისა და სოფლის მეურნეობის სამინისტროს ორგანიზებით, ევროკავშირთან (EU), გაეროს სურსათისა და სოფლის მეურნეობის ორგანიზაციასთან (FAO), აშშ-ის საერთაშორისო განვითარების სააგენტოს (USAID) სოფლის მეურნეობის პროგრამასთან და საქართველოს ფერმერთა ასოციაციასთან პარტნიორობით სასტუმრო „რუმსში“ გაიმართა წლის ფერმერის დაჯილდოების საღამო. საღამოს ესწრებოდნენ გარემოს დაცვისა და სოფლის მეურნეობის მინისტრი, ბატონი ოთარ შამუგია, მინისტრის მოადგილეები, ბატონები: გიორგი ხანიშვილი და სოლომონ პავლიაშვილი, აშშ-ის ელჩი ქალბატონი კელი დეგნანი, მთავრობის, პარლამენტის და დიპლომატიური კორპუსის, საერთაშორისო დონორი ორგანიზაციების და დარგობრივი ასოციაციების წარმომადგენლები, უცხოელი სტუმრები, ფერმერები. მოწვეულ სტუმართა შორის იყვნენ საქართველოს სოფლის მეურნეობის მეცნირებათა აკადემიის პრეზიდენტის მოადგილე, აკადემიკოსი ანატოლი გიორგაძე, აკადემიის სამეცნიერო განყოფილებების სწავლული მდივნები: აკადემიკოსი ლაშა დოლიძე და დოქტორი მარინე ბარვენაშვილი.

საღამო გახსნა და სტუმრებს მისასალმებელი სიტყვით მიმართა საქართველოს ფერმერთა ასოციაციის თავმჯდომარემ, ქალბატონმა ნინო ზამბახიძემ. შემდეგ მან სიტყვა გადასცა საქართველოს გარემოს დაცვისა და სოფლის მეურნეობის მინისტრს, ბატონ ოთარ შამუგიას. ბატონმა ოთარმა დამსწრე საზოგადოებას მიულოცა ფერმერის დღე და აღნიშნა, რომ ფერმერები თავიანთი დაუღალავი შრომით ქმნიან დოვლათს, აძლიერებენ საკუთარ ოჯახებსა და ქვეყნის ეკონომიკას. წლების განმავლობაში, საქართველოს მთავრობა აქტიურად ეხმარება ფერმერებს პირველადი წარმოების, გადამუშავების, მარკეტინგული ღონისძიებების, პროდუქციის რეალიზაციის განხორციელების მიმართულებებით. ერთობლივი ძალისხმევით, სოფლის მეურნეობაში, ყოველწლიურად იზრდება სასოფლო-სამეურნეო პროდუქციის წარმოება, ექსპორტი. კონკურენტუნარიანი პროდუქციის წარმოების ზრდის ხელშეწყობისთვის, მთავრობა კვლავაც გააგრძელებს ფერმერების მხარდაჭერას.

ფერმერის დღისადმი მიძღვნილ საღამოზე ასევე სიტყვით გამოვიდნენ აშშ-ის ელჩი ქალბატონი კელი დეგნანი და ფერმერთა ასოციაციის თავმჯდომარე, ქალბატონი ნინო ზამბახიძე. მათ ისაუბრეს ფერმერთა საქმიანობაზე, მათ წვლილზე ქვეყნის ეკონომიკური გაძლიერების თვალსაზრისით, ასევე გარკვეულ პრობლემებზე და საკუთარ ხედვებზე მათ აღმოფხვრასთან დაკავშირებით.

მილოცვებისა და მისასალმებელ სიტყვების შემდეგ გაიმართა წლის საუკეთესო ფერმერთა დაჯილდოება. წარმოდგენილი იყო 12 ნომინაცია (წლის ახალგაზრდა ფერმერი, წლის ქალი ფერმერი, წლის კაცი ფერმერი, წლის ინოვაციაზე ორიენტირებული ფერმერი, წლის ექსპორტზე ორიენტირებული ფერმერი, წლის უწყვეტ განათლებაზე ორიენტირებული ფერმერი, წლის აღმოჩენა ფერმერი, წლის რეგიონს დაბრუნებული ფერმერი, წლის ეკომეურნეობაზე ორიენტირებული ფერმერი, წლის ტრადიციული პროდუქტის მწარმოებელი ფერმერი, გმირობის ნაყოფი).თითო ნომინაციაზე წარდგენილი 3 ნომინანტიდან (ჯამში 12 ნომინაციაზე 36 ფერმერი) გამარჯვებული შემთხვევითობის პრინციპით გამოვლინდა. გამარჯვებულებს, სპეციალურ ჯილდოსთან ერთად, დიპლომები გადაეცათ.

საღამოს მუსიკალურად აფორმებდა სიმფონიური ორკესტრი ნიკოლოზ რაჭველის დირიჟორობით.

ფერმერთა დღისადმი მიძღვნილი საღამოს დასასრულს გაიმართა ფერმერთა პროდუქციის დეგუსტაცია.

აკადემიის სამეცნიერო საბჭო საქართველოში ჩაის მრეწველობის

პერსპექტივებზე მსჯელობს

         2022 წლის 21 ნოემბერს საქართველოს სოფლის მეურნეობის მეცნიერებათა აკადემიაში ჩატრდა სამეცნიერო საბჭოს სხდომა (სხდომის თავმჯდომარე - საბჭოს თავმჯდომარის მოადგილე აკად.ჯ.გუგუშვილი)   შემდეგი დღის წესრიგით:

1.საქართველოს  მეჩაიეობის  დარგის  პრობლემების შემსწავლელი სამუშაო ჯგუფის  რეკომენდაციებიდან   გამომდინარე, ჩაის სექტორში გასატარებელ    ღონისძიებათა შესახებ.                                

მომხსენებელი: თენგიზ სვანიძე - საქართველოს ჩაის მწარმოებელთა  ასოციაციის   თავმჯდომარე (მოხსენება იხილეთ ბმულზე) 

 2. ქართული ელიტარული ჩაის პროდუქციის წარმოების ძირითადი მიმართულებების და პერსპექტივების შესახებ.     მომხსენებელი: გურამ იობიშვილი - ა(ა)იპ სოფლის განვითარების     სააგენტოს გურიის რეგიონული სამსახურის მთავარი სპეციალისტი  საქართველოს საინჟინრო აკადემიის აკადემიკოსი (მოხსენება იხილეთ ბმულზე).  

    საბჭოს სხდომის დღის წესრიგით გათვალისწინებულ საკითხების განხილვაში მხარი დაუჭირეს ანასეულში ჩატარებული მეჩაიეთა სამეცნიერო კონფერენციის გადაწყვეტილებებს. აქტიური მონაწილეობა მიიღეს აკადემიკოსებმა: ჯემალ კაციტაძემ, ალექსანდრე დიდებულიძემ, დოქტორმა გოჩა ცოფურაშვილმა, საქართველოს პარლამენტის აგრარულ საკითხთა კომიტეტის აპარატის უფროსმა დოქტორმა ივერი ახალბედაშვილმა, სსიპ სოფლის მეურნეობის სამეცნიერო-კვლევითი ცენტრის დირექტორმა ლევან უჯმაჯურიძემ, სოფლის მეურნეობის სამეცნიერო კვლევითი ცენტრის ანასეულის ჩაისა და სუბტროპიკული კულტურების კვლევის სამსახურის უფროსმა, დოქტორმა იოსებ ბასილიამ და სხვებმა.

მოხსენების ავტორების და კამათში გამომსვლელი მეცნიერების მიერ ხაზგასმით აღინიშნა  საქართველოში ჩაის მრეწველობის აღდგენა - განვითარების დღევანდელი მდგომარეობა და სამომავლო პერსპექტივები, ხელის შემშლელი პირობები, რომელიც შემდგომში ჩამოყალიბდება სამეცნიერო საბჭოს დადგენილების პროექტად და იგი რეაგირებისათვის გადაეგზავნება საქართველოს პარლამენტის აგრარულ საკითხთა კომიტეტის მეჩაიეობის   დარგის   პრობლემების შემსწავლელ   სამუშაო ჯგუფს რეაგირებისათვის.

სამეცნიერო საბჭოს სხდომა შეაჯამა აკადემიის სამეცნიერო საბჭოს თავმჯდომარის მოადგილემ, აკად. ჯ. გუგუშვილმა.