2016 წლის 08 ივლისს საქართველოს სოფლის მეურნეობის მეცნიერებათა აკადემიის საკონფერენციო დარბაზში გაიმართა გამოჩენილი ქართველი მეცნიერის და პედაგოგის, პროფესორ ვასილ პეტრიაშვილის წიგნის “ღვინის დაყენება” პრეზენტაცია. 

წიგნი დაიწერა და გამოიცა 1895 წელს, ხოლო განმეორებით გამოიცა 2016 წელს გამომცემლობა "მერიდიანის" მიერ (გამომცემელი კახა რუსიძე, რედაქტორი ბონდო კალანდაძე), იგი სახელმძღვანელოა სტუდენტებისა და პროფესიული კოლეჯების მოსწავლეთათვის, პრაქტიკოსებისა და მეწარმეებისათვის, განსაკუთრებით ოჯახური მეღვინეობის მეწარმეთათვის.

პრეზენტაციას ესწრებოდნენ სსმმ აკადემიის წევრები, საქართველოს ტექნიკური უნივერსიტეტის რექტორი, აკად. არჩილ ფრანგიშვილი, ამავე უნივერსიტეტის ფაკულტეტის დეკანი პროფ. გ. ქვარცხავა და სხვა თანამშრომელები, გამოჩენილი ქართველი მეცნიერი-ქიმიკოსები, ვეტერანი მეღვინეები, საპატრიარქოს წარმომადგენლები და მოწვეული სტუმრები.

პრეზენტაცია შესავალი სიტყვით გახსნა საქართველოს სოფლის მეურნეობის მეცნიერებათა აკადემიის პრეზიდენტმა, აკად. გურამ ალექსიძემ.

პროფესორ ვასილ პეტრიაშვილის ცხოვრებასა და მოღვაწეობაზე და წიგნის "ღვინის დაყენება" მეცნიერულ ღირებულებებზე მოხსენებით გამოვიდა აკად. ნოდარ ჩხარტიშვილი;
წიგნის "ღვინის დაყენება" ღირებულებებზე და მის ავტორზე პროფ. ვ. პეტრიაშვილზე ისაუბრეს ახალი Gგამოცემის რედაქტორმა ბონდო კალანდაძემ, აკად. ზურაბ ცქიტიშვილმა, წიგნის ახალი გამოცემის იდეის ავტორმა ბატონმა მამუკა ბერიაშვილმა, საქართველოს ღვინის სააგენტოს ხელმძღვანელმა ბატონმა გიორგი სამანიშვილმა, აკად. ნ. ბაღათურიამ, პროფ. რ. გახოკიძემ და სხვებმა.

პრეზენტაციის მსვლელობისას გაიმართა ვ. პეტრიაშვილის წიგნის "ღვინის დაყენება" (ახალი გამოცემა) გამოფენა-გაყიდვა.

     2016 წლის 01 ივლისს საქართველოს სოფლის მეურნეობის მეცნიერებათა აკადემიის მეცხოველეობის, ვეტერინარიის და საკვებწარმოების სამეცნიერო განყოფილების (აკადემიკოს-მდივანი აკად. ჯ. გუგუშვილი), აკადემიის სამეცნიერო საბჭოს და საკონსულტაციო დარბაზის წევრების მიერ მოეწყო გასვლითი შეხვედრები ქ. მარნეულის შ.პ.ს. “ლაშარელას” (დირექტორი ზაზა ლაშხი), ფირმა “ლომთაგორას" (ხელმძღვანელი კახა ლაშხი), კუმისის მეფრინველეობის ფაბრიკის (დირექტორი გიორგი მაისურაძე) სპეციალისტებთან. სემინარის თემა: "მრპ სასაკლაოების და კუმისის მეფრინველეობის ფაბრიკის თანამედროვე ტექნოლოგიების დანერგვის მდგომარეობა და მეცხოველეობის საკვებად ერთწლიანი კულტურებისაგან საკვების მომზადების არსებული ტექნოლოგიები".

    ზემოთ აღნიშნული საწარმოების თანამშრომლებს, წარმატებული მენეჯმენტის და პროდუქტიული მაჩვენებლების სრულყოფისა და გაზრდის მიზნით, საქართველოს სოფლის მეურნეობის მეცნიერებათა აკადემიის აკადემიკოსების, პროფესორების და გამოცდილი სპეციალისტების მიერ გაეწიათ შესაბამისი კონსულტაციები და მიეცათ რეკომენდაციები.

    მხარეებმა გამოთქვეს სურვილი და შეთანხმდნენ იმაზე, რომ წარმოებაში თანამედროვე მეცნიერული მიღწევების დანერგვისათვის, მომავალშიც მოეწყოს მსგავსი ტიპის შეხვდრები.

     2016 წლის 10 ივნისს საქართველოს სოფლის მეურნეობის მეცნიერებათა აკადემიაში ჩატარდა მრგვალი მაგიდა, რომელიც მიეძღვნა აგრარული დარგის მაღალკვალიფიციური კადრების მომზადების არსებულ მდგომარეობასა და სამომავლო პერსპექტივებს.

     გარდა საქართველოს სოფლის მეურნეობის მეცნიერებათა აკადემიის წევრებისა მრგვალ მაგიდას ესწრებოდნენ მოწვეული სტუმრები_საქართველოს ტექნიკური უნივერსიტეტის აგრარული მეცნიერებებისა და ბიოსისტემების ინჟინერინგის ფაკულტეტის დეკანი, პროფესორი გ. ქვარცხავა, სტუ-ს პროფესორები ი. ყრუაშვილი და გ. გაგოშიძე (ისინი ამავე დროს არიან აკადემიის ეროვნული კოორდინატორები მიმართულებების მიხედვით), დ. გუბელაძე და ზ. ლობჟანიძე, საქართველოს აგრარული უნივერსიტეტიდან ფაკულტეტების დეკანები, პროფესორები ლ. მაკარიძე და ა. ჭკუასელი.

     აკადემიიდან ესწრებოდნენ ის აკადემიკოსები, რომლებიც დღეს დაკავებულები არიან პედაგოგიური მოღვაწეობით_ აკადემიკოსები გ. მარგველაშვილი, რ. მახარობლიძე, ჯ. კაციტაძე, ა. დიდებულიძე, ნ. ბაღათურია, ო. ქეშელაშვილი, ნ. ჩხარტიშვილი, ჯ. გუგუშვილი, აკადემიური დოქტორი ა. გიორგაძე.

     მრგვალი მაგიდა შესავალი სიტყვით გახსნა აკადემიის ვიცე_პრეზიდენტმა, აკადემიკოსმა გ. ჯაფარიძემ, რომელმაც ხაზი გაუსვა მრგვალი მაგიდის თემატიკის დიდი მნიშვნელობას. აგრარული განათლების დღევანდელი არსებული სიტუაციის შესახებ ისაუბრა აკადემიკოსმა ე. შაფაქიძემ, რომელმაც აღნიშნა, რომ დღეისათვის ქვეყანაში ფუნქციონირებს პროფესიული, საზოგადოებრივი და სახელმწიფო წილობრივი მონაწილეობით ჩამოყალიბებული კოლეჯები, სულ 71 სასწავლებელი. აღნიშნული დაწესებებულებიდან 40 % აგრარულ განათლებას იძლევა; ამავე დროს ფუნქციონირებს 96 უმაღლესი საგანმანათლებლო დაწესებულება_ უნივერსიტეტები და ინსტიტუტები. მათ შორის აგრარული მიმართულებით 6 სახელმწიფო უნივერსიტეტი, ერთი კერძო უნივერსიტეტი (საქართველოს აგრარული უნივერსიტეტი) და ერთი კერძო ინსტიტუტი (გორის სუხიშვილის სასწავლო ინსტიტუტი). კიდევ 8 კერძო ინსტიტუტში არის აგრარული მიმართულების საგანმანათლებლო პროგრამები. უნდა აღინიშნოს, რომ მიუხედავად ქვეყანაში არსებული დიდი რაოდენობის უმაღლესი საგანმანათლებლო დაწესებულებისა, აგროინჟინერინგის მიმართულებით ოთხი წელია სრული ვაკუუმია, არც ერთი სპეციალისტი არ მომზადებულა. ძალიან მცირეა ამ მიმართულებაში დოქტორანტები და საერთოდ არ არიან მაგისტრები.

     არასახარბიელო სურათია პროფესიული მომზადების მიმართულებითაც. აკადემიაში ჩატარებულ მრგვალ მაგიდაში (2015 წლის 03 ივლისი) მონაწილე რაიონების საინფორმაციო _ საკონსულტაციო ცენტრების წარმონადგენლები ერთხმად აღნიშნავენ აგროსაინჟინრო სპეციალისტების ძალზე დაბალ, არაპროფესიულ დონეს და ეს დღეს, როდესაც რეგიონები და რაიონები მომარაგებული არიან მსოფლიოს 13 ქვეყნის ტრაქტორებით და სასოფლო-სამეურნეო მანქანებით.

     თემატიკასთან დაკავშირებით საინტერესო მოსაზრებები გამოთქვეს სტუ-ს აგრარული მეცნიერებებისა და ბიოსისტემების ინჟინერინგის ფაკულტეტის დეკანმა, პროფესორმა გ. ქვარცხავამ, პროფესორებმა ი. ყრუაშვილმა, დ. გუბელაძემ, ზ. ლობჟანიძემ და გ. გაგოშიძემ, საქართველოს აგრარული უნივერსიტეტიდან - დეკანებმა ლ. მაკარაძემ და ა. ჭკუასელმა, საქართველოს სოფლის მეურნეობის მეცნიერებათა აკადემიის აკადემიკოსებმა ჯ. კაციტაძემ, ა. დიდებულიძემ, გ. მარგველაშვილმა, ნ. ჩხარტიშილმა, ნ. ბაღათურიამ დასხვა.

     მრგვალ მაგიდაზე გამოითქვა წინადადებები, რომ:

1. მიზანშეწონილია აკადემიამ პერიოდულად განიხილოს საქართველოს ტექნიკური უნივერსიტეტის და სხვა უმაღლესი საგანმანათლებლო დაწესებულებების საგანმანათლებლო პროგრამები; შენიშვნები და წინადადებები მიაწოდოს განათლების აკრედიტაციისა ცენტრს.

2. ეთხოვოს საქართველოს განათლებისა და მეცნიერების სამინისტროს, რომ პროფესიული განათლების პროგრამების მონიტორინგში ჩართონ აკადემიის წევრები და აგრარული მიმართულების უმაღლესი სასწავლებლების წარმომდგენლები.

3. მიზანშეწონილია აკადემიის წევრები აქტიურად ჩაერთონ აგრარული მიმართულების სახელმძღვანელოების მომზადებაში, რისთვისაც წლის საუკეთესო ნაშრომების კონკურსში პრიორიტეტი მიენიჭოს ამ ტიპის სახელმძღვანელოებს.

4. საქართველოს ტექნიკური უნივერსიტეტის მაგალითის გათვალისწინებით იმ უმაღლესმა სასწავლებლებმა, ვისთანაც აკადემიას გაფორმებული აქვს თანამშრომლობის მემორანდუმები, საგანმანათლებლო პროგრამების პირველადი ატესტაცია გაიარონ აკადემიაში.

5. მიზანშეწონილია აკადემიის აკადემიური საბჭოს სხდომებზე პერიოდულად მოსმენილი იქნეს აკადემიის წევრების საქმიანობა პედაგოგიური მიმართულებით.

6. აღინიშნა, რომ ძირეულ გარდაქმნას ექვემდებარება აგრარული მიმართულებების უნივერსიტეტების სასწავლო პროგრამები აგრონომიულ, აგროსაინჟინრო, ტექნოლოგიურ და სხვა მიმართულებებში.

7. საქართველოს სოფლის მეურნეობის მეცნიერებათა აკადემიის ბაზაზე შეიქმნას აგრარული მიმართულების განათლებისა და მეცნიერების არსებული მდგომარეობის შემსწავლელი კომისია, რომელიც მოამზადებს ობიექტურ წინადადებებს სამთავრობო ორგანოებში წარსადგენად.

8. მრგვალი მაგიდის მონაწილეებმა უარყოფითი შეფასება მისცეს განათლების სფეროების კლასიფიკატორის პროექტს და თხოვნით მიმართავენ განათლებისა და მეცნიერების სამინისტროს სერიოზულად გააანალიზოს კლასიფიკატორის მიმართ გამოთქმული შენიშვნები.

     მრგვალი მაგიდა შესავალი სიტყვით გახსნა საქართველოს სოფლის მეურნეობის მეცნიერებათა აკადემიის პრეზიდენტმა, აკადემიკოსმა გურამ ალექსიძემ. მრგვალი მაგიდის მუშაობაში მონაწილეობა მიიღეს აკადემიის აკადემიური დეპარტამენტის უფროსმა, აკადემიკოსმა ელგუჯა შაფაქიძე, აკადემიის პრეზიდენტის მოადგილემ, დოქტორმა ანატოლი გიორგაძემ. აკადემიკოსებმა: ომარ ქეშელაშვილმა, ვაჟა კვალიაშვილმა, გოგოლა მარგველაშვილმა, ნოდარ ჩხარტიშვილმა, ნუგზარ ბაღათურიამ, ჯემალ გუგუშვილმა, აკადემიის წევრ–კორესპონდენტმა თამაზ თურმანიძემ, სამეცნიერო კვლევითი ცენტრის დირექტორის მოადგილემ ნოდარ ხატიაშვილმა, ბიორაციონალური კვლევითი ცენტრის დამფუძნებლებმა დირექტორებმა ნიკოლოზ ზაზაშვილმა, ნოდარ მინდიაშვილმა, მიხეილ ჭიჭაყუამ, მეცნიერებათა დოქტორმა თამარ კაჭარავამ.

     ძირითადი მომხსენებელი: თენგიზ ჯალიაშვილი - ბიოლოგიურ მეცნიერებათა დოქტორი, ბიორაციონალური ტექნოლოგიების სამეცნიერო–კვლევითი ცენტრის მთავარი მეცნიერ თანამშრომელი. თანამომხსენებლები:: გურამ გეჯაძე - სოფლის მეურნეობის ეკონომისტ-ორგანიზატორი, შპს მაკრო-პრიმის დამფუძნებელი, დირექტორი; ალექსანდრე ნოდია, ინფორმაციული ტექნოლოგიების მაგისტრი/ექსპერტი ინფორმაციული ტექნოლოგიების საკონსულტაციო კომპანია ინფინიტუსის დამფუძნებელი; IT-ექსპერტი გიორგი ზაზაშვილი.

მრგვალი მაგიდა "IFOAM-ის ორგანული სტანდარტები, აკადემია და PGS". ძირითადი მომხსენებელი ბიოლოგიურ მეცნიერებათა დოქტორი თენგიზ ჯალიაშვილი.

     გაიმართა დისკუსია, რომელზეც წამოჭრა საკითები: რითაა უკეთესი IFOAM-ის ორგანული სტანდარტები კოდექს ალიმენტარიუსისაზე; რითაა ღირშესანიშნავი ორგანულ პროდუქტების წარმოება-სერთიფიცირება IFOAM-ის PGშ-ით; ვინ და სად უკეთესია დაარსოს IFOAM-ის ორგანული აკადემია; როგორ გამოვიყენოთ 2014 წლის 1 აგვისტოდან ძალაში შესული N198 დადგენილება: "ბიოპროდუქტების შესახებ" ევროპასთან თავისუფალი ვაჭრობის ფარგლებში ევროპელების მზარდი მოთხოვნის დასაკმაყოფილებად ორგანულ პროდუქტებზე და სხვა.

     მრგვალი მაგიდის მუშაობა შეაჯამა აკადემიის პრეზიდენტმა, აკადემიკოსმა გურამ ალექსიძემ. მან გამოთქვა მოსაზრება, რომ მომზადებული იქნება შესაბამისი წინადადებები მთავრობაში წარსადგენად ბიოორგანული მეურნეობების გასავითარებლად სპეციალური სასწავლო პროგრამების სწავლებისათვის ხელშემწყობი ღონისძიებების შემუშავების შესახებ, აგრეთვე შესაძლებელია აკადემიამ იფიქროს ორგანული აკადემიის ხელმძღვანელობაზეც, რომელიც შესაძლებელია ჩამოყალიბდეს ი. წინამძღვრიშვილის აგრარული კოლეჯის ბაზაზე.

     2016 წლის 23-27 მაისს ქ. ანტალიაში ჩატარდა ევრაზიის ბიომრავალფეროვნების საერთაშორისო სიმპოზიუმი, სადაც მონაწილეობდა 16 ქვეყნის ასამდე მეცნიერი და მკვლევარი. მათ შორის ამერიკის შეერთებული შტატების, კანადის, ეთიოპიის და პარაგვაის წარმომადგენლები. დარბაზში, სადაც 150-მდე მონაწილე შეიკრიბა, სიმპოზიუმის მონაწილეებს მიესალმნენ, თურქეთის პამუკალეს უნივერსიტეტის რექტორი პროფესორი ხუსეინ აგჯა, ქ. ანტალიის მუნიციპალიტეტის ვიცე-მერი პროფესორი მუსტაფა თურანი, ბელარუსიის აგრარული უნივერსიტეტის პრორექტორი ლევ ზავოდნიკი, ბათუმის სახელმწიფო უნივერისტეტის პროფესორი, საქართველოს სოფლის მეურნეობის მეცნიერებათა აკადემიის აკადემიკოსი რეზო ჯაბნიძე, აზერბაიჯანის მარდაგიანის კვლევითი ინსტიტუტის დირექტორი, აკადემიკოსი ტოფიკ მამმადოვი, ინდოეთის შივაჯის ბიომრავალფეროვნების უნივერსიტეტის პროფესორი შანდრაკანტ სალუნკჰე, ამერიკის მასაჩუსეტის უნივერსიტეტის დეკანი, პროფესორი ვადე შერბრუკი.

     საერთაშორისო სიმპოზიუზე მუშაობა წარიმართა სამ სექციაში, მათ შორის ერთი სუბროპიკულ მემცენარეობაში - რომლის თავმჯდომარედ არჩეული იყო აკადემიკოსი რეზო ჯაბნიძე, თანათავმჯდომარეებად კი ინდოეთის შივაჯის ბიომრავალფეროვნების უნივერსიტეტის პროფესორი შანდრაკანტ სალუნკჰე, ნახჩევანის ბიორესურსების ინსტიტუტის დირექტორი, აკადემიკოსი ტარიელ ტალიბოვი. სექციაზე მოსმენილი იქნა 35 მოხსენება.

     აკადემიკოს რეზო ჯაბნიძის მოხსენებამ: „იაპონიიდან ინტროდუცირებული მანდარინის ადრემწიფებადი ჯიშების ადაპტაციისა და აკლიმატიზაციის თავისებურებანი აჭარაში“, სიმპოზიუმის მონაწილეთა დიდი ინტერესი გამოიწვია. აღსანიშნავია, რომ საუკეთესო მოხსენებისათვის მას, პამუკალეს უნივერსიტეტის რექტორმა გადასცა სერთიფიკატი და ფასიანი საჩუქარი.

1. სსმმ აკადემიის აკდემიკოსი რეზო ჯაბნაძე                 

2. თურქეთის პამუკალეს უნივერსიტეტის რექტორი პროფესორი ხუსეინ აგჯა და აკადემიკოსი რეზო ჯაბნიძე

                           და აკად. რ.ჯაბნიძე

  თანამშრომლობის მემორანდუმზე ხელს აწერენ აკად. გურამ ალექსიძე და პროფ. მერაბ ხალვაში.   2016 წლის 13 მაისს ქ. ბათუმში ხელი მოეწერა მემორანდუმს თანამშრომლობის შესახებ საქართველოს სოფლის მეურნეობის მეცნიერებათა აკადემიასა და ბათუმის შოთა რუსთაველის სახელმწიფო უნივერსიტეტს შორის.

     მემორანდუმს ხელი მოაწერეს საქართველოს სოფლის მეურნეობის მეცნიერებათა აკადემიის პრეზიდენტმა, აკად. გურამ ალექსიძემ და ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელმა, ასოც. პროფესორმა მერაბ ხალვაშმა.

     მემორანდუმზე ხელის მოწერას დაესწრენ რექტორის მოადგილე ქალბატონი ნათელა წიკლაშვილი და უნივერსიტეტის აკადემიური საბჭოს წევრები, სსმმ აკადემიის წევრები აჭარიდან - აკად. გურამ პაპუნიძე და აკად. რეზო ჯაბნიძე, აგრეთვე სტუმრები თბილისიდან -პროფ. თ. კაჭარავა და სხვები, გაზეთ "აჭარის" კორესპონდენტი რევაზ მსხილაძე.

   აკად. გურამ ალექსიძის შეხვედრა ბათუმის შოთა რუსთაველის სახელმწიფო უნივერსიტეტის აკადემიური საბჭოს წევრებთან.    მემორანდუმი ითვალისწინებს ორგანიზაციებს შორის მეცნიერებისა და განათლების სფეროში საერთო ინტერესების გათვალისწინებით ურთიერთკავშირების განვითარებას.

      საქართველოს სოფლის მეურნეობის მეცნიერებათა აკადემიასა და ბათუმის შ.რუსთაველის სახელმწიფო უნივერსიტეტს შორის თანამშრომლობის მემორანდუმზე ხელის მოწერის შემდეგ.მემორანდუმის თანახმად მხარეები განახორციელებენ და უზრუნველყოფენ მეცნიერების და პროფესორ-მასწავლებლთა ურთიერთდახმარებას აგრარული სფეროს აქტუალური პრობლემების გადაწყვეტაში, სპეციალისტთა კვალიფიკაციის ამაღლებაში, ტრეინინგების და სემინარების ჩატარებას ახალგაზრდა მეცნიერებთან, გამოცდილების გაზიარებას აგრარული მიმართულებების თანამედროვე მეთოდების, სამეცნიერო მიღწევებისა და ინოვაციური ტექნოლოგიების სფეროში, ერთობლივი სამეცნიერო სიმპოზიუმების და კონფერენციების ორგანიზებას და ჩატარებას, მხარეების ერთობლივ მონაწილეობას აგრარული მიმართულების პროექტებსა და პროგრამებში და სხვა.

     გამოითქვა სურვილი, რომ ბათუმის შოთა რუსთაველის სახელმწიფო უნივერსიტეტმა აქტიური მონაწილეობა მიიღოს აკადემიის მიერ ორგანიზებულ საერთაშორისო სამეცნიერი კონფერენციის მუშაობაში 2016 წლის 28-30 სექტემბერს.

     2016 წლის 13 მაისს საქართველოს სოფლის მეურნეობის მეცნიერებათა აკადემიის, ბიორაციონალური ტექნოლოგიების სამეცნიერო-კვლევითი ცენტრისა და ვინიცის ეროვნული აგრარული უნივერსიტეტის მიერ ერთობლივად ორგანიზებული იქნა მრგვალი მაგიდა თემაზე: "Bბიორაციონალური ტექნოლოგიების სამეცნიერო-კვლევითი ცენტრის საქართველოს სოფლის მეურნეობის მეცნიერებათა აკადემიასა და საზღვარგარეთის ცენტრებთან საქმიანობის პრეზენტაცია".

ვრცლად...

     2016 წლის 26-28 აპრილს უკრაინის ქ. ვინიცის ეროვნულმა აგრარულმა უნივერსიტეტმა უმასპინძლა საერთაშორისო სამეცნიერო კონფერენციას თემაზე - “მეცხოველეობის პროდუქტების ხარისხის, უვნებლობის, წარმოებისა და გადამუშავების თანამედროვე პრობლემები.” საქართველოს სოფლის მეურნეობის მეცნიერებათა აკადემიას აღნიშნულ აკადემიასთან რამოდენიმე წელია გაფორმებული აქვს თანამშრომლობის მემორანდუმი. ხშირია ქართველი და უკრაინელი მეცნიერების ერთობლივი მონაწილეობა საერთაშორისო სამეცნიერო ფორუმებში. ამჯერად აღნიშნულ კონფერენციის მუშაობაში უკრაინული მხარის მიწვევით მონაწილეობდა და პლენარულ სხდომაზე მოხსენებით გამოვიდა აკადემიის პრეზიდენტის მოადგილე, სამეცნიერო განყოფილებების კოორდინატორი, დოქტორი ანატოლი გიორგაძე.

დოქტ. ა. გიორგაძე საერთაშორისო სამეცნიერო კონფერენციაზე (უკრაინა, ქ. ვინიცა)

     კონფერენციის მუშაობაში მონაწილეობდნენ მეცნიერები ბელარუსიიდან, მოლდოვადან, ყაზახეთიდან, ტაჯიკეთიდან, პოლონეთიდან, საქართველოდან, უკრაინის სხვადსხვა აგრარული უნივერსიტეტებიდან, სამეცნიერო-კვლევითი ინსტიტუტებიდან, ასევე კონფერენციის მუშაობაში მონაწილეობდნენ უკრაინის ეროვნული აგრარული აკადემიის წევრები, სამთავრობო სტრუქტურების წარმომადგენლები. სულ მოსმენილი იქნა 82 მოხსენება.

   მარცხნიდან - კათედრის გამგე პროფ. ვ. კუჩერიავი, ვინიცის ეროვნული აგრარული უნივერსიტეტის პრეზიდენტი, აკადემიკოსი გ. კალეტნიკი, დოქტ. ა. გიორგაძე, უნივერსიტეტის რექტორი პროფ. ვ. მაზური.  აღნიშნული ვიზიტის ფარგლებში საქართველოს სოფლის მეურნეობის მეცნიერებათა აკადემიის პრეზიდენტის მოადგილე, დოქტორი ანატოლი გიორგაძე შეხვდა ვინიცის ეროვნული აგრარული უნივერსიტეტის პრეზიდენტს, აკადემიკოს გრიგორი კალეტნიკს, უნივერსიტეტის რექტორს ვიქტორ მაზურს, პრორექტორს სამეცნიერო ნაწილში ალექსანდრე იარემჩუკს. შეხვედრაზე განხილული იქნა შემდგომი თანამშრომლობის საკითხები. მიმდინარე წლის 13 მაისს საქართველოს სოფლის მეურნეობის მეცნიერებათა აკადემიას ესტუმრებიან უკრაინელი კოლეგები ვინიცის ეროვნული აგრარული უნივერსიტეტიდან და განხილული იქნება მემორანდუმის ფარგლებში ერთობლივი საქმიანობის შედეგები. 

     2016 წლის 27 აპრილს გაიმართა აკადემიის აკდემიური საბჭოს სხდომა შემდეგი დღის წესრიგით:

1. ინფორმაციები გლობალური ფორუმის III თათბირის შესახებ (სამხრეთ აფრიკა, იოჰანესბურგი) და საერთაშორისო კონფერენცია პარკოსანი კულტურების შესახებ (მაროკო, მარაკეში). მომხსენებელი - აკადემიის პრეზიდენტი, აკადემიკოსი გურამ ალექსიძე;

2. საქართველოს ტექნიკური უნივერსიტეტის აგრარული მეცნიერებებისა და ბიოსისტემების ინჟინერინგის ფაკულტეტის 2015 წლის სამეცნიერო-პედაგოგიური მუშაობისა და 2016 წლის პერსპექტიული სამუშაო გეგმის შესახებ. მომხსენებელი: საქართველოს ტექნიკური უნივერსიტეტის აგრარული მეცნიერებების და ბიოსისტემების ინჟინერინგის ფაკულტეტის დეკანი, პროფესორი გიგა ქვარცხავა;

3. საქართველოს ტექნიკური უნივერსიტეტის კვების მრეწველობის ინსტიტუტის 2015 წლის სამეცნიერო-კვლევითი მუშაობისა და 2016 წლის პერსპექტიული სამუშაო გეგმის შესახებ; მომხსენებელი - ტექნიკური უნივერსიტეტის კვების მრეწველობის ინსტიტუტის დირექტორი, აკადემიკოსი ნუგზარ ბაღათურია;

4. აკადემიის მიერ პარტნიორ ორგანიზაციებთან გაფორმებული მემორანდუმების შესრულების მიმდინარეობის შესახებ. მომხსენებლები - აკადემიის ვიცე პრეზიდენტი, აკადემიკოსი გივი ჯაფარიძე; აკადემიის აკადემიური დეპარტამენტის უფროსი, აკადემიკოსი ელგუჯა შაფაქიძე;

5. აკადემიის მუდმივმოქმედი გამოფენის საორგანიზაციო საკითხების შესახებ. მომხსენებლები -აკადემიის ვიცე პრეზიდენტი, აკადემიკოსი გივი ჯაფარიძე; აკადემიის აკადემიური დეპარტამენტის უფროსი, აკადემიკოსი ელგუჯა შაფაქიძე; აკადემიის პრეზიდენტის მოადგილე, დოქტორი ანატოლი გიორგაძე;

6. მიმდინარე საკითხები.

     დღის წესრიგის პირველ საკითხზე ვრცელი ინფორმაცია გააკეთა აკად. გურამ ალექსიძემ, რომელმაც ისაუბრა მსოფლიო გლობალური ფორუმის მნიშვნელობაზე და ფორუმზე მიღებული გადაწყვეტილებების მსოფლიო აგრარულ პოლიტიკის განხორციელების გავლენებზე. აღნიშნულ ფორუმზე საქართველოს მონაწილეობა კიდევ ერთი იმის დასტურია, თუ რა როლი აკისრიათ ქართველ აგრარიკოს მეცნიერებს მსოფლიო აგრარული პოლიტიკის წარმართვაში. ასევე ძალზე მნიშვნელოვანი კონფერენცია ჩატარდა მაროკოში, სადაც მონაწილეობდნენ მსოფლიოს ყველა ის მეცნიერიები, რომლებიც პარკოსანი კულტურების შესწავლით და კვლევით არიან დასაქმებულები. აქაც საქართველოდან მონაწილეობდნენ აკად. გ. ალექსიძე და "ელკანას" გენერალური დირექტორი მაკა ჯორჯაძე.

     დღის წესრიგის მეორე საკითხზე მოხსენება გააკეთა საქართველოს ტექნიკური უნივერსიტეტის აგრარული მეცნიერებებისა და ბიოსისტემების ინჟინერინგის ფაკულტეტის დეკანმა, პროფ. გ. ქვარცხავამ. მოხსენება საინტერესო იყო იმ კუთხით, რომ აკადემიასა და ტექნიკურ უნივერსიტეტს შორის გაფორმებულია თანამშრომლობის მემორანდუმი და მოხსენებაც სწორედ მემორანდუმის ვალდებულებების მიმდინარეობის და შესრულების საკითხებს ეხებოდა.

     საინტერესო იყო აკად. ნ. ბაღათურიას ანგარიში საქართველოს კვების მრეწველობის ინსტიტუტის 2015 წელს ჩატარებული კვლევითი საქმიანობის შესახებ. აღინიშნა ინსტიტუტის როგორც წარმატებები კვლევით საქმიანობაში, ისე მთელი რიგი პრობლემები, რომლებიც დროულად გამოსწორებას მოითხოვენ.

     აკად. ე. შაფაქიძემ საბჭოს გააცნო იმ საქმიანობის შესახებ, რომელიც მიმდინარეობს აკადემიის პარტნიორ ორგანიზაციებთან, ვისთანაც გაფორმებულია თანაშრომლობის მემორანდუმები. აღინიშნა, რომ მემორანდუმები გაფორმებულია და აკადემია თანამშრომლობს საქართველოს აგრარული მიმართულების 7 საგანმანათლებლო დაწესებულებასთან, საქართველოს და აჭარის სოფლის მეურნეობის სამინისტროებთან, ჩინეთის, სამხრეთ კორეის, უკრაინის და ბელარუსიის სოფლის მეურნეობების მეცნიერებათა აკადემიებთან, პოლონეთის, უკრაინის, ყაზახეთის და საქართველოს აგრარული მიმართულების სამეცნიერო-კვლევით დაწესებულებებთან, ტელევიზიის კომპანიასთან "საფერავი ტვ", ჟურნალ "ახალ აგრარულ საქართველოსთან" და სხვა. სულ გაფორმებულია 21 მემორანდუმი თანამშრომლობის შესახებ.

     საბჭოზე აღინიშნა აგრეთვე (აკად. ე. შაფაქიძე) აკადემიის მუდმივმოქმედი გამოფენის საქმიანობის შესახებ, მისი ახალი ექსპონანტებით შევსების და აკადემიის ვიდეო მატიანეს შექმნისათვის მიმდინარე სამუშაოების შესახებ.

     საბჭოს სხდომაზე აკად. ო. ქეშელაშვილმა ისაუბრა აკადემიის საგამომცემლო საქმიანობის გაუმჯობესების გზების და ამ მიმართულებით ახალი ინიციატივების შესახებ.

     2016 წლის 18-20 აპრილს, ქ. მარაკეშში (მაროკო) ჩატარდა საერთაშორისო კონფერენცია რომელიც მიეძღვნა საკვებად გამოსაყენებელი პარკოსანი კულტურების შესწავლას. კონფერენციის ორგანიზატორები იყვნენ მშრალი რეგიონების სოფლის მეურნეობის განვითარების საერთაშორისო ცენტრი და მოროკოს სოფლის მეურნეობისა და მეთევზეობის სამინისტრო.

     კონფერენციის მუშაობაში მონაწილეობა მიიღო მსოფლიოს სხვადასხვა ქვეყნის 300-მდე სპეციალისტმა, რომლებიც მუშაობენ აღნიშნულ კულტურებზე. ქართული აგრარული მეცნიერება კონფერენციაზე წარადგინა საქართველოს სოფლის მეურნეობის მეცნიერებათა აკადემიის პრეზიდენტმა, აკად. გ. ალექსიძემ.

      კონფერენციის მუშაობის პერიოდში მოხსენებებით გამოვიდნენ მსოფლიოში ცნობილი მეცნიერები - პროფ. რატან ლაი - აშშ ოჰაიოს სახელმწიფო უნივერსიტეტის პროფესორი; ICARDA-ს გენერალური მდივანი პროფ. მაჰმუდ სოლხი, მაროკოს სოფლის მეურნეობის მინისტრი დოქტ. ნაბელ ჩაოექი, FAO-ს, IFAD-ის, ICGISAT-ის, ICARDA-ს, ამერიკის, კანადის, ახალი ზელანდიის, ინდოეთის, ესპანეთის, ეთიოპიის, საფრანგეთის, მაროკოს, ავსტრალიის და სხვათა წარმომადგენლები.

აკად. გურამ ალექსიძე საერთაშორისო კონფერენციის მონაწილეებთან ერთად (მაროკო).

 აკად. გურამ ალექსიძემ კონფერენციაზე წარადგინა პოსტერი, სადაც განხილული იყო საქრთველოში არსებული პარკოსანი კულტურების გენეტიკური რესურსები, აგრეთვე ამ კულტურების მავნებელ-დავადებები და მათ წინააღმდეგ ბრძოლის ღონისძიებები. აკად. გ. ალექსიძეს კონფერენციის პერიოდში ჰქონდა შეხვედრები მსოფლიოს გამოჩენილ მეცნიერებთან, ზოგიერთმა მათგანმა სურვილი გამოთქვა მონაწილეობა მიიღოს საერთაშორისო-სამეცნიერო კონფერენციაში, რომელიც გაიმართება საქართველოს სოფლის მეურნეობის მეცნიერებათა აკადემიაში 2016 წლის 28-30 სექტემბერს.

     კონფერენციის ბოლო დღეს მიღებული იქნა დეკლარაცია, რომელიც ასახავს პარკოსანი კულტურების შესწავლის თანამედროვე მდგომარეობას და მსოფლიოს ქვეყნებში მათი გამოყენების პერსპექტივებს.