2023 წლის 12 აპრილს ჩატარდა საქართველოს სოფლის მეურნეობის მეცნიერებათა აკადემიის მეცხოველეობის და ვეტერინარიის მეცნიერებათა განყოფილების სხდომა, რომელზეც განხილული იქნა შემდეგი საკითხები:

1.საქართველოში გავრცელებული ბოცვრის ჯიშების პროდუქტიულობის შესახებ (იხ. ბმულზე).

მომხსენებელი: აკადემიკოსი ჯემალ გუგუშვილი.

2.შინაური ცხოველების მიერ გამოწვეული გარემოს დაბინძურების მდგომარეობის შესახებ (იხ. ბმულზე).

მომხსენებელი: სოფლის მეურნეობის დოქტორი ნაირა მამუკელაშვილი.

 მიმდინარე წლის 11 აპრილს საქართველოს სოფლის მეურნეობის მეცნიერებათა აკადემიას საქმიანი ვიზიტით ესტუმრნენ ფონდ „განვითარება და გარემო“-ს მთავარი კოორდინატორი ბატონი იოსებ ტყემალაძე, თავმჯდომარე, ბატონი თეიმურაზ ტყემალაძე და აღმასრულებელი დირექტორი ბატონი გოჩა კობერიძე.

სტუმრებს უმასპინძლეს აკადემიის პრეზიდენტის მოვალეობის შემსრულებელმა, აკადემიის ვიცე-პრეზიდენტმა, აკადემიკოსმა გივი ჯაფარიძემ, აკადემიის პრეზიდენტის მოადგილემ, აკადემიკოსმა ანატოლი გიორგაძემ, აკადემიის აკადემიური დეპარტამენტის უფროსმა, დოქტორმა მარინე ბარვენაშვილმა, აკადემიის პრეზიდიუმის მრჩეველმა, სამეცნიერო მიმართულებების კოორდინატორმა აკადემიკოსმა ნოდარ ჭითანავამ, აკადემიის გარემოს დაცვის, მცენარეთა გენეტიკური რესურსებისა და აგრობიომრავალფეროვნების საკოორდინაციო ცენტრის ხელმძღვანელი, აკადემიკოსმა გურამ ალექსიძემ, აკადემიის სწავლულმა მდივანმა, აკადემიკოსმა ლაშა დოლიძემ, და აკადემიის საერთაშორისო პროგრამების, საგრანტო პროექტების კონსულტანტმა, პროფესორმა თამაზ ბაციკაძემ.

მოწვეულ სტუმრებს შორის იყვნენ აკადემიის ახალგაზრდა მეცნიერთა და სპეციალისტთა საბჭოს თავმჯდომარე, დოქტორი გიორგი ქავთარაძე, თავმჯდომარის მოადგილე დოქტორი თინათინ ეპიტაშვილი, ბიოლოგიის დოქტორები: არჩილ სუპატაშვილი და მედეა ბურჯანაძე, სოფლის მეურნეობის დოქტორები: ნანა გოგინაშვილი და ზვიად ტიგინაშვილი, ეროვნული სატყეო სააგენტოს უფროსის მოადგილე ნათია იორდანიშვილი, სატყეო დარგის სპეციალისტები და სხვ.

ბატონებმა იოსებ ტყემალაძემ და თეიმურაზ ტყემალაძემ დამსწრე საზოგადოებას გააცნეს აკადემიაში სტუმრობის მიზანი, რაც უკავშირდებოდა თბილისის ურბანული ტყის განაშენიანებასთან დაკავშირებული საკითხების დარგის სპეციალისტებისა და დაინტერესებულ პირთათვის გაცნობას. მათ ისაუბრეს იმ მძიმე მდგომარეობაზე, რაც უკანასკნელი ათწლეულების განმავლობაში აღენიშნებოდა ქალაქის ტყის ლანდშაფტს. განსაკუთრებული ყურადღება ნარიყალას ქედის, მთაწმინდის ქედის ფერდობებსა და მათ მახლობელ ტერიტორიებზე გაამახვილეს. შემდეგ სიტყვა გადასცეს ბატონ გოჩა კობერიძეს, რომელმაც წარმოდგენილ საკითხთან დაკავშირებით აუდიტორიას მიაწოდა ამომწურავი ინფორმაცია პრეზენტაციის - „მეტი ტყე“ სახით. მომხსენებელმა აღნიშნა, რომ ფონდი „განვითარება და გარემო“ პროექტს „თბილისის ურბანული ტყე“ ახორციელებს საერთაშორისო საქველმოქმედო ფონდ „ქართუს“ მხარდაჭერითა და სრული დაფინანსებით, რომელმაც აღნიშნულ პროექტში 22,0 მლნ ლარიანი ინვესტიცია ჩადო. პროექტი ხუთწლიანია (2020-2024 წ.წ.) და მოიცავს 677 ჰა ფართობის ტყის მასივით განაშენიანებას. თბილისის ურბანული ტყე მოიცავს ნარიყალის ქედის ჩრდილოეთ ფერდობს, მთაწმინდის ქედის ჩრდილოეთ და სამხრეთ ფერდობებს, კუს ტბის, თბილისის ეთნოგრაფიული მუზეუმის, ვაკის პარკის და ბულბულების ჭალის ტერიტორიებს. საწყის ეტაპზე მოხდა მწვანე ნარგავების შეფასება, საფრთხეების კლასიფიკაცია, დაიგეგმა ჩასატარებელი სამუშაოები-კვლევები, რომელიც ჩატარდა გეოლოგიის, ბიოლოგიის, ზოოლოგიის, ფიტო-სანიტარიის, ბოტანიკის, ჰიდროლოგიის, გარემოს დაცვის, ნიადაგის, ტყის, ლანდშაფტის, ურბანიზაციის, ტურიზმისა და ეკონომიკის მიმართულებით. მოგვიანებით მოიჭრა და განადგურდა დაავადებული, ხმელი და ზეხმელი ხეები, მოწესრიგდა ტერიტორია შემდგომი განაშენიანებისათვის, რისთვისაც შეირჩა სარგავი მცენარეები, მ. შ. ჰიმალაის კედარი, ქართული ნეკერჩხალი, ქვამუხა, იფანი, რცხილა და ა.შ. სულ დაირგო 120 000 ძირი ხე, თუმცა დარგვითი სამუშაოები კვლავაც გრძელდება. ტერიტორიაზე დაგეგმილია ხოხბის, კაკბისა და გნოლის რეინტროდუქცია, რაც საბოლოოდ ხელს შეუწყობს წლების წინ არსებული ბიოგეოცენოზის აღდგენას. აღსანიშნავია, რომ აღნიშნულ ტერიტორიაზე რეაბილიტირებულია 20 კმ-მდე სიგრძის სავალი ბილიკი, დამონტაჟებულია ძელსკამები, გადმოსახედები, ფრინველებზე დაკვირვების ქოხი, საპიკნიკეები. 

ბატონმა გოჩა კობერიძემ ხაზი გაუსვა იმას, რომ მსგავსი ტიპის სამუშაოების ჩატარება უახლოეს მომავალში დაგეგმილია ქალაქ ქუთაისში და ქალაქ რუსთავში.

პრეზენტაციის დასრულების შემდეგ აზრი გამოთქვეს აკადემიკოსებმა: ნოდარ ჭითანავამ, გურამ ალექსიძემ, რომლებიც მიესალმნენ ფონდის წამოწყებას დიდ ქალაქებში შეიქმნას ველურ ბუნებასთან მიახლოებული რეკრეაციული ზონები, სადაც ქალაქის მაცხოვრებლები და არამარტო ისინი, შეძლებენ დაისვენონ, მოწყდნენ ყოველდღიურ რუტინას და შეიგრძნონ ადამიანისა და ბუნების ერთიანობა. გარდა ამისა ხაზი გაუსვეს იმასაც რომ პროექტი თავისი მნიშვნელობით სცილდება ერთი კონკრეტული ქვეყნის მასშტაბებს და მან შეიძლება მოიცვას გაცილებით დიდი სივრცე. სიტყვით გამოვიდა ასევე ეროვნული სატყეო სააგენტოს უფროსის მოადგილე, ნათია იორდანიშვილი, რომელმაც დამსწრე საზოგადოებას ამცნო სააგენტოს წამოწყების ტყის დაცვის პოპულარიზაციის საქმეში ახალგაზრდა თაობის ჩართვის შესახებ.

შეხვედრა შეაჯამა აკადემიის პრეზიდენტის მოვალეობის შემსრულებელმა, აკადემიის ვიცე-პრეზიდენტმა, აკადემიკოსმა გივი ჯაფარიძემ, რომელმაც აღნიშნა, რომ საქველმოქმედო ფონდმა „ქართუმ“ ქვეყანაში არაერთი სასიკეთო წამოწყება დააფინანსა, რომელთა შორისაა პროექტი „თბილისის ურბანული ტყეც“. მოიწონა და დადებითად შეაფასა ის შრომატევადი და რთული სამუშაოები, რომელიც ფონდმა „განვითარება და გარემომ“ შეასრულა პროექტის განხორციელების პერიოდში. შემდეგ სტუმრებს გააცნო აკადემიაში მოქმედი გარემოს დაცვისა და სატყეო საქმის მეცნიერებათა განყოფილების საქმიანობა და გამოთქვა მზადყოფნა საჭიროების შემთხვევაში დარგის მეცნიერების მხრიდან დახმარების გაწევის და მეცნიერულად დასაბუთებული რეკომენდაციების გაცემის თაობაზე.  

შეხვედრის ბოლოს, ორივე მხარემ: საქართველოს სოფლის მეურნეობის მეცნიერებათა აკადემიამ და ფონდმა „განვითარება და გარემომ“ გამოთქვა სურვილი ურთიერთთანამშრომლობის მემორანდუმის გაფორმების შესახებ.

საქართველოს სოფლის მეურნეობის მეცნიერებათა აკადემიის

პრეზიდენტის საარჩევნო კამპანიის

მაღალორგანიზებულად მომზადებისა და ჩატარების მიზნით შექმნილი

საექსპერტო-საკონკურსო კომისიის შესახებ ბრძანება იხილეთ ბმულზე. 

2023 წლის 5 აპრილს ჩატარდა საქართველოს სოფლის მეურნეობის   მეცნიერებათა აკადემიის

პრეზიდიუმის სხდომა, სადაც განხილული იქნა შემდეგი საკითხები:

  1. აკადემიკოს ჯემალ კაციტაძის ანგარიში 2022 წელს გაწეული სამეცნიერო მუშაობის შესახებ. (იხ. ბმულზე) 

2.  აკადემიის სამეცნიერო ჟურნალ "მოამბის" მიერ 2022 წელს გაწეული საქმიანობის შესახებ. (იხ. ბმულზე) 

მომხსენებლები:  აკადემიის სამეცნიერო  ჟურნალ  "მოამბის”მთავარი რედაქტორი,  აკადემიკოსი  გურამ  ალექსიძე; 

სამეცნიერო ჟურნალ  "მოამბის" პასუხისმგებელი  მდივანი,   აკადემიკოსი   ომარ  ქეშელაშვილი

მომხსენებლები: აკადემიის საინფორმაციო-სარეკლამო ბიულეტენის "აკადემიის მაცნეს" რედაქტორი, აკადემიის პრეზიდენტის მოვალეობის შემსრულებელი, აკადემიკოსი გივი ჯაფარიძე; საინფორმაციო-სარეკლამო ბიულეტენის "აკადემიის მაცნეს" რედაქტორის მოადგილე, აკადემიის პრეზიდენტის მოადგილე, აკადემიკოსი ანატოლი გიორგაძე, პასუხისმგებელი მდივანი აკადემიის აკადემიური დეპარტამენტის უფროსი, დოქტორი მარინე ბარვენაშვილი.

4. აკადემიის მიერ 2022 წელს გამოცემული რეკომენდაციების, აგროწესების, ინსტრუქციების, ბუკლეტების, ბროშურების და სხვა ბეჭდვითი და ელექტრონული სამეცნიერო-საინფორმაციო გამოცემების მდგომარეობისა და სამომავლო პერსპექტივების შესახებ.   (იხ. ბმულზე) 

მომხსენებლები: აკადემიის პრეზიდენტის მოვალეობის შემსრულებელი, აკადემიკოსი გივი ჯაფარიძე; აკადემიის აკადემიური დეპარტამენტის უფროსი, დოქტორი მარინე ბარვენაშვილი.

 2023 წლის 22 მარტს 

საქართველოს სოფლის მეურნეობის მეცნიერებათა აკადემიის აკადემიკოსს, 

ვეტერინარიის მეცნიერებათა დოქტორს, პროფესორ თენგიზ ყურაშვილს დაბადებიდან 75 და პედაგოგიური მოღვაწეობის 50 წელი შეუსრულდა. 

საქართველოს სოფლის მეურნეობის მეცნიერებათა აკადემია გულითადად ულოცავს, ბატონ თენგიზ ყურაშვილს, ამ ღირშესანიშნავ თარიღებს, უსურვებს ჯანმრთელობას, დიდხანს სიცოცხლეს, წარმატებულ სამეცნიერო, პედაგოგიურ და  საზოგადოებრივ საქმიანობას ჩვენი ქვეყნის საკეთილდღეოდ. 

საქართველოს სოფლის მეურნეობის მეცნიერებათა აკადემიაში

ჩატარდა აკადემიის ახალგაზრდა მეცნიერთა და სპეციალისტთა

საბჭოს მე-2 სხდომა

მიმდინარე წლის 30 მარტს საქართველოს სოფლის მეურნეობის მეცნიერებათა აკადემიაში ჩატარდა აკადემიის ახალგაზრდა მეცნიერთა და სპეციალისტთა საბჭოს მე-2 სხდომა. სხდომაზე მოსმენილი იყო შემდეგი მოხსენებებით: 1. „საერთაშორისო სტანდარტები მეცხოველეობაში და მათი დანერგვის გამოწვევები საქართველოში“. მომხსენებელი: დოქტორი თამარ ნოზაძე, აკადემიის ახალგაზრდა მეცნიერთა და სპეციალისტთა საბჭოს წევრი. 2. „საქართველოს წყლის რესურსების გამოყენების თანამედროვე მდგომარეობა და პერსპექტივები“. მომხსენებელი: დოქტორი შორენა კუპრეიშვილი, აკადემიის ახალგაზრდა მეცნიერთა და სპეციალისტთა საბჭოს წევრი.

აღნიშნულ მოხსენებებზე მოკლე ტექსტური ინფორმაცია შეგიძლიათ იხილოთ თანდართულ ბმულზე.

        2023 წლის 23 მარტს მოწვეული იქნა საქართველოს სოფლის მეურნეობის მეცნიერებათა აკადემიის საერთო კრება. კრების მუშაობაში მონაწილეობდნენ აკადემიკოსები: ალექსიძე გურამი, ასათიანი რევაზი, ბაღათურია ნუგზარი, გიორგაძე ანატოლი, გუგუშვილი ჯემალი, დიდებულიძე ალექსანდრე, დოლიძე ლაშა, კაციტაძე ჯემალი, კვალიაშვილი ვაჟა, კვესიტაძე ედიშერი, კოპალიანი როლანდი, კოღუაშვილი პაატა, მარგველაშვილი გოგოლა, მახარობლიძე რევაზი, პაპუნიძე გურამი, რევიშვილი თემური, ტყემალაძე გურამი, უჯმაჯურიძე ლევანი, ფუტკარაძე ზაური, ყურაშვილი თენგიზი, ჩანქსელიანი ზაური, ჩხარტიშვილი ნოდარი, ცქიტიშვილი ზურაბი, ჭითანავა ნოდარი, ჯაფარიძე გივი; აკადემიის სტიპენდიატები: ბენაშვილი მამუკა, დუღაშვილი დარეჯანი, კაციტაძე ეკატერინა, ტიგინაშვილი ზვიადი, ქავთარაძე გიორგი, ქუთელია გიორგი; მოწვეული სტუმრები: დოქტორი ბარვენაშვილი მარინე, იურიდიული სამსახურის უფროსი ქარქაშაძე თენგიზი, აკადემიური დეპარტამენტის წამყვანი სპეციალისტი ჩაიკა ლარისა, აკადემიის კადრების ინსპექტორი მიგრიაული ეკატერინე.

       აკადემიის საერთო კრებას თავმჯდომარეობდა  აკადემიის პრეზიდენტი, აკადემიკოსი გურამ ალექსიძე,კრების მდივანი იყო პრეზიდენტი მოადგილე, აკადემიკოსი ანატოლი გიორგაძე. კრების თავმჯდომარემ დამსწრე საზოგადოებას მისალმების შემდეგ გააცნო დღის წესრიგი, რომელიც მოიცავდა შემდეგ საკითხებს:            1. საქართველოს სოფლის მეურნეობის მეცნიერებათა   აკადემიის პრეზიდენტის  რწმუნებათა ვადის გასვლასთან დაკავშირებით, აკადემიის პრეზიდენტის მოვალეობის შემსრულებლის შესახებ. მომხსენებელი: აკადემიის პრეზიდენტი, აკადემიკოსი გურამ ალექსიძე; 2. საქართველოს სოფლის მეურნეობის მეცნიერებათა აკადემიის პრეზიდენტის, აკადემიკოს გურამ ალექსიძის ანგარიში 2018-2023 წლებში აკადემიის მიერ გაწეული   საქმიანობის შესახებ; 3. საქართველოს სოფლის მეურნეობის მეცნიერებათა აკადემიის პრეზიდენტის, აკადემიის ვიცე-პრეზიდენტის, აკადემიის აკადემიკოს-მდივნის, აკადემიის პრეზიდიუმის სხვა წევრების, აკადემიის სამეცნიერო საბჭოს თავმჯდომარის, აკადემიის სამეცნიერო განყოფილებების აკადემიკოს-მდივნების, აკადემიის ნამდვილი წევრების (აკადემიკოსების), აკადემიის საპატიო და უცხოელი წევრების და აკადემიის სტიპენდიატების არჩევნების დებულების პროექტის შესახებ. მომხსენებელი: საქართველოს სოფლის მეურნეობის მეცნიერებათა აკადემიის    

პრეზიდენტის მოადგილე, აკადემიკოსი ანატოლი გიორგაძე; 4. ინფორმაცია საქართველოს სოფლის მეურნეობის მეცნიერებათა აკადემიის პრეზიდენტის ვაკანტური ადგილის დასაკავებლად კონკურსის გამოცხადების შესახებ. მომხსენებელი: საქართველოს სოფლის მეურნეობის მეცნიერებათა აკადემიის ვიცე-პრეზიდენტი, აკადემიკოსი გივი ჯაფარიძე; 5. საქართველოს სოფლის მეურნეობის მეცნიერებათა აკადემიის პრეზიდენტის საარჩევნო კამპანიის მაღალორგანიზებულად მომზადებისა და ჩატარების მიზნით საექსპერტო-საკონკურსო კომისიის არჩევის შესახებ.

მომხსენებელი: საქართველოს სოფლის მეურნეობის მეცნიერებათა აკადემიის  ვიცე-პრეზიდენტი, აკადემიკოსი გივი ჯაფარიძე; 6. საქართველოს სოფლის მეურნეობის მეცნიერებათა   აკადემიის პრეზიდიუმის წევრებისა და აკადემიის სამეცნიერო განყოფილებების აკადემიკოს-მდივნების უფლებამოსილების შესახებ. მომხსენებელი: საქართველოს სოფლის მეურნეობის მეცნიერებათა აკადემიის ვიცე-პრეზიდენტი, აკადემიკოსი გივი ჯაფარიძე; 7. სსიპ საქართველოს სოფლის მეურნეობის მეცნიერებათა აკადემიის წესდებაში ნაწილობრივი ცვლილებების შეტანის შესახებ. მომხსენებლები: საქართველოს სოფლის მეურნეობის მეცნიერებათა აკადემიის ვიცე-პრეზიდენტი, აკადემიკოსი გივი ჯაფარიძე; საქართველოს სოფლის მეურნეობის მეცნიერებათა აკადემიის პრეზიდენტის მოადგილე, აკადემიკოსი ანატოლი გიორგაძე; საქართველოს სოფლის მეურნეობის მეცნიერებათა აკადემიის იურიდიული სამსახურის უფროსი თენგიზ ქარქაშაძე; 8. მიმდინარე საკითხები.

         დამტკიცდა აკადემიის საერთო კრების მუშაობაში მონაწილეთა სია, დღის წესრიგი და მუშაობის რეგლამენტი. 

       კრებაზე მოსმენილი იქნა საქართველოს სოფლის მეურნეობის მეცნიერებათა აკადემიის პრეზიდენტის, აკადემიკოს გურამ ალექსიძის მოხსენება „საქართველოს სოფლის მეურნეობის მეცნიერებათა აკადემიის მიერ 2018-2023 წლებში გაწეული საქმიანობის შესახებ (მოხსენება შეგიძლიათ იხილოთ ბმულზე).

     აკადემიის საერთო კრებაზე კრების მონაწილეთა მეტი ინფორმირებულობის მიზნით დოკუმენტურად წარმოდგენილი იქნა აკადემიის მიერ 2018-2023 წლებში გაწეული მუშაობის ამსახველი საინფორმაციო მასალები (საქართველოს სოფლის მეურნეობის მეცნიერებათა აკადემიის პრეზიდენტის ყოველწლიური ანგარიშები აკადემიის მიერ გაწეული მუშაობის შესახებ; საქართველოს სოფლის მეურნეობის მეცნიერებათა აკადემიის საერთაშორისო-სამეცნიერო, რეფერირებადი ჟურნალი „მოამბე“; ყოველკვარტალური საინფორმაციო ბიულეტენი „აკადემიის მაცნე“; საქართველოს სოფლის მეურნეობის მეცნიერებათა აკადემიის წევრების მიერ 2018-2023 წლებში გამოცემული რეკომენდაციები (88 რეკომენდაცია; ადგილობრივი და საერთაშორისო კონფერენციის შრომათა კრებულები (21 შრომათა კრებული); აკადემიის წევრების მიერ გამოცემული მონოგრაფიები, წიგნები და სახელმძღვანელოები (სულ 90); ადგილობრივ და საზღვარგარეთის სამეცნიერო-კვლევით ორგანიზაციებთან გაფორმებული მემორანდუმები: CACAARI (ცენტრალური აზიისა და კავკასიის ქვეყნების სამეცნიერო კვლევითი ორგანიზაციების ასოციაცია), CGIAR (სასოფლო-სამეურნეო კვლევების საერთაშორისო საკონსულტაციო ჯგუფი), FAO (გაეროს სურსათისა და სოფლის მეურნეობის ორგანიზაცია), ICARDA (მშრალი ტერიტორიების სოფლის მეურნეობის კვლევების საერთაშორისო ცენტრი), CIMMYT (ხორბლისა და სიმინდის სელექციის საერთაშორისო ცენტრი), Bioversiti Interneishenel (საერთაშორისო ბიომრავალფეროვნების ცენტრი). აგრეთვე აკადემიის მიერ გაფორმებული ურთიერთთანამშრომლობის მემორანდუმები პოლონეთის, უკრაინის, ბელარუსიის, აზერბაიჯანის, მოლდოვის, ყაზახეთის, ჩინეთის და სამხრეთ კორეის საგანმანათლებლო და სამეცნიერო-კვლევით ორგანიზაციებთან, აგრეთვე საქართველოს გარემოს დაცვისა და სოფლის მეურნეობის სამინისტროსთან, აჭარის ა/რ სოფლის მეურნეობის სამინისტროსთან, ბათუმის, ქუთაისის, ახალციხის, თელავის, გორის სახელმწიფო და კერძო უნივერსიტეტებთან. აკადემია წლებია წარმატებით თანამშრომლობს ზემოთ აღნიშნული ორგანიზაციების მეცნიერ-მკვლევარებთან.

     აკადემიის საერთო კრების მონაწილეთა მიერ განსაკუთრებით აღინიშნა ევროპის სოფლის მეურნეობის, სურსათისა და ბუნებათსარგებლობის აკადემიების კავშირთან (UEAA) აკადემიის თანამშრომლობის შესახებ, რომლის წევრიც აკადემია გახდა აკადემიკოს გურამ ალექსიძის პრეზიდენტობის დროს.

     აკადემიის საერთო კრების გადაწყვეტილებით საქართველოს სოფლის მეურნეობის მეცნიერებათა აკადემიისა და მისი პრეზიდენტის მიერ 2018-2023 წლებში გაწეული საქმიანობა შეფასდა დადებითად და წარმატებულად და აკადემიკოს გურამ ალექსიძეს აკადემიის პრეზიდენტობის პერიოდში გაწეული ნაყოფიერი და წარმატებული საქმიანობისათვის გამოეცხადა მადლობა.

         კრებამ მიიღო გადაწყვეტილება საქართველოს სოფლის მეურნეობის მეცნიერებათა აკადემიის პრეზიდენტის არჩევამდე (საარჩევნო კამპანიის დასრულებამდე) აკადემიის პრეზიდენტის მოვალეობის შემსრულებლად აკადემიის ვიცე-პრეზიდენტის აკადემიკოს გივი ჯაფარიძის დამტკიცების შესახებ (ბრძანება შეგიძლიათ იხილოთ ბმულზე).

       განხილული იქნა აკადემიის საერთო კრების დღის წესრიგით გათვალისწინებული ყველა საკითხი.

       დასასრულს კრების თავმჯდომარემ მადლობა გადაუხადა აკადემიის წევრებს და დამსწრე საზოგადოებას აკადემიის საერთო კრების მუშაობაში აქტიური მონაწილეობისათვის.

  მიმდინარე წლის 21 მარტს საქართველოს სოფლის მეურნეობის მეცნიერებათა აკადემიის სხდომათა დარბაზში აკადემიის გარემოს დაცვისა და სატყეო საქმის მეცნიერებათა განყოფილების ორგანიზებით გაიმართა ტყის საერთაშორისო დღისადმი მიძღვნილი სემინარი.

სემინარს ესწრებოდნენ გარემოს დაცვისა და სატყეო საქმის მეცნიერებათა განყოფილების წევრები: აკადემიკოსი ლაშა დოლიძე, აკადემიის სტიპენდიატები:                             სატყეო საქმის დოქტორი გიორგი ქავთარაძე, სოფლის მეურნეობის დოქტორი ზვიად ტიგინაშვილი; აკადემიის წამყვანი სპეციალისტები: ქეთევან ჭიპაშვილი და მარიკა მოსაშვილი; მოწვეული სტუმრები: სოფლის მეურნეობის სამეცნიერო - კვლევითი ცენტრის აგროსატყეო კულტურების კვლევის სამსახურის უფროსი, სოფლის მეურნეობის დოქტორი ნანა გოგინაშვილი; აგრარული უნივერსიტეტის პროფესორები, ბიოლოგიის დოქტორები: არჩილ სუპატაშვილი და მედეა ბურჯანაძე; ა(ა)იპ საქართველოს საპატრიარქოს წმინდა ტბელ აბუსერისძის სახელობის სასწავლო უნივერსიტეტის პროფესორი, სსიპ აჭრის სატყეო სააგენტოს ტყის მავნებელ დაავადებათა წინააღმდეგ ბრძოლის სამსახურის უფროსი, დოქტორი რეზო ვასაძე.

სემინარი გახსნა საქართველოს სოფლის მეურნეობის მეცნიერებათა აკადემიის სამეცნიერო განყოფილებების სწავლულმა მდივანმა, აკადემიკოსმა ლაშა დოლიძემ, რომელმაც მოკლე მისალმების შემდეგ დამსწრე საზოგადოებას შეახსენა ტყის საერთაშორისო დღის დაარსების წინაპირობა. აღინიშნა, რომ ტყის საერთაშორისო დღე გაეროს გენერალური ასამბლეის 23 - ე კონგრესზე დაარსდა. გაეროს ყველა წევრი-ქვეყანა და მათ შორის საქართველოც ამ დღეს ახორციელებს სპეციალურ ღონისძიებებს, რომლის მიზანიც არის ტყის ეკოსისტემების მრავალფეროვნების შენარჩუნება. შემდეგ აკადემიკოსმა ლ. დოლიძემ სიტყვა გადაცა ა(ა)იპ საქართველოს საპატრიარქოს წმინდა ტბელ აბუსერისძის სახელობის სასწავლო უნივერსიტეტის პროფესორს, სსიპ აჭრის სატყეო სააგენტოს ტყის მავნებელ დაავადებათა წინააღმდეგ ბრძოლის სამსახურის უფროსს, დოქტორ რეზო ვასაძეს, რომელმაც წარმოადგინა მოხსენება თემაზე: „აჭარა თურქეთის მერქნიანი მცენარეების ფიტოსანიტარული მდგომარეობა“. 

დოქტორმა რეზო ვასაძემ ისაუბრა აჭარის ავტონომიური რესპუბლიკის და თურქეთის რესპუბლიკის საზღვრისპირა (ართვინის, შავშეთი) ტყის ტერიტორიებზე. აღნიშნა, რომ ამ ტერიტორიებზე წარმოდგენილია სხვადასხვა ხნოვანების, სიხშირისა და წარმადობის ტყეები, რომელიც განლაგებულია სხვადასხვა ექსპოზიციის საშუალო, მაღალი და მკვეთრი დაქანების ფერდობებზე, ზღვის დონიდან სახვადასხვა სიმაღლეზე. ტყისშემქმნელი ზოგიერთი სახეობის სანიტარული მდგომარეობა, ზოგიერთ ადგილებში მავნებელ დაავადებების ზემოქმედებით რთულ მდგომარეობაშია. ამ მხრივ განსაკუთრებით გამოირჩევა წიწვოვნებიდან ნაძვი და ფოთლოვნებიდან ჩვეულებრივი საჭმელი წაბლი. კორომებში გავრცელებულ მავნებელ - დაავადებების აღმოფხვრის მიზნით, აჭარის სატყეო სააგენტოსა და ართვინის სატყეო მეურნეობის სამხარეო სამმართველოს შორის, გაფორმებული მემორანდუმის ფარგლებში, ხშირად ხდება შეხვედრები, ტყეების დათვალიერება, ლაბორატორიულ პირობებში სხვადასხვა მიმართულებით მავნებელ-დაავადებების გამოკვლევა, იდენტიფიკაცია, ინფორმაციის გაცვლა, ენტომოფაგი მწერების გამოყვანა და ა. შ.

დოქტორ რეზო ვასაძის მოხსენებამ დიდი ინტერესი გამოიწვია მსმენელთა მხრიდან. დაისვა არაერთი შეკითხვა, რომელზეც მომხსენებელმა ამომწურავი პასუხები გასცა.

სემინარი შეაჯამა აკადემიის სამეცნიერო განყოფილებების სწავლულმა მდივანმა, აკადემიკოსმა ლაშა დოლიძემ. მან მადლობა გადაუხადა მომხსენებელს საინტერესო მოხსენებისათვის, დამსწრე საზოგადოებას კი მობრძანებისა და სემინარის მუშაობაში აქტიური ჩართულობისათვის. აღნიშნა, რომ მსგავსი შეხვედრები ხელს უწყობს საქართველოს ტყეებთან დაკავშირებული პრობლემების განხილვას და მათი გადაჭრისათვის რაციონალური გზების მოძიებას.

ახალი დასაწყისი მეცნიერებასა და ბიზნესს შორის სექტორთაშორისი თანამშრომლობის შესაძლებლობებისთვის

(შემაჯამებელი შეხვედრა)

2023 წლის 17 მარტს შერატონ გრანდ თბილისი მეტეხი პალასში გაიმართა ევროკავშირის საჯარო სამსახურების დაძმობილების პროექტის ,,ინტერსექტორული თანამშრომლობის შესაძლებლობების მხარდაჭერა კვლევასა და ინდუსტრიას შორის“ ფარგლებში განხორციელებული პროექტის “ახალი დასაწყისი მეცნიერებასა და ბიზნესს შორის სექტორთაშორისი თანამშრომლობის შესაძლებლობებისთვის” შემაჯამებელი სხდომა. მოწვეულ სტუმრებს შორის იყვნენ საწარმოების, კვლევითი ინსტიტუტების, უნივერსიტეტების, საქართველოს მეცნიერებათა ეროვნული აკადემიის, სამინისტროების, საელჩოების, დაფინანსების სააგენტოების, სამოქალაქო საზოგადოების ორგანიზაციების, საერთაშორისო პროექტების, დონორი ორგანიზაციების წარმომადგენლები. საქართველოს სოფლის მეურნეობის მეცნიერებათა აკადემიიდან შეხვედრას ესწრებოდნენ აკადემიის პრეზიდენტის მოადგილე, აკადემიკოსი ანატოლი გიორგაძე და აკადემიის სწავლული მდივანი, დოქტორი მარინე ბარვენაშვილი. ბენეფიციარები გახლდათ საქართველოს განათლებისა და მეცნიერების სამინისტრო და შოთა რუსთაველის საქართველოს ეროვნული სამეცნიერო ფონდი. მონაწილეთა შორის ასევე იყვნენ ევროკავშირის დაძმობილების (Twinning) გუნდის წევრები, მ. შ. ვოლფგანგ პოლტი (პროექტის ხელმძღვანელი), იოანეუმ კვლევა, (ავსტრია) კირსტენ კინზლერი (პროექტის უმცროსი ხელმძღვანელი), DLR პროექტის მართვის სააგენტო (გერმანია), ინესე გავარანე (მუდმივი საერთაშორისო მრჩეველი, ლატვია) და სხვ.

სხდომაზე მისასალმებელი სიტყვით გამოვიდნენ: საქართველოს განათლებისა და მეცნიერების, გერმანიის ფედერაციული რესპუბლიკის საელჩოს, საქართველოში ლატვიის რესპუბლიკის საელჩოს მისიის მაღალჩინოსნები, ასევე შოთა რუსთაველის საქართველოს ეროვნული სამეცნიერო ფონდის გენერალური დირექტორი ერეკლე ასტახიშვილი დაევროკავშირის დაძმობილების პროექტის ხელმძღვანელი ვოლფგანგ პოლტი. მისალმების შემდეგ სხდომის მუშაობა გაგრძელდა შესაბამის პანელებში, სადაც სადისკუსიო თემებს შორის განხილული იქნა: "მეცნიერული დიპლომატიის მომავალი"; „სმარტ საქართველო: RTDI ეკოსისტემის განვითარება“; „მეცნიერული პრიორიტეტების განხორციელება: საუკეთესო პრაქტიკა და შემდეგი ნაბიჯები“; ”სამეცნიერო კომუნიკაცია ჩვენი ცხოვრების გასაუმჯობესებლად”; „მოქალაქე მეცნიერება მეცნიერების კომუნიკაციის ხელშეწყობისთვის;“ „ჰორიზონტი ევროპა კვლევისა და ინოვაციებისთვის“; „გამოყენებითი კვლევის პროგრამა: R&T&I შედეგების თარგმნა ეკონომიკაში. ინოვაციის ვაუჩერი”; "ინტერნაციონალიზაციის სტრატეგია: გზა მეცნიერული ბრწყინვალებისკენ"; "როგორ ვამოქმედოთ ევროპის მწვანე გარიგება?"; „საქართველოს R&I სისტემის ეფექტურობის გაუმჯობესება: მიღწევის ამჟამინდელი მდგომარეობა“; "საქართველო, ინოვაციების აკვანი - დაბრუნდა გზაზე"; "ქსელი: ხალხის დასაკავშირებლად და კომუნიკაციის ხელშეწყობა."