საქართველოს სოფლის მეურნეობის მეცნიერებათა აკადემიის პრეზიდენტის მოხსენება აკადემიის საერთო კრებაზე

(18 მარტი, 2022 წელი)

2022 წლის 18 მარტს საქართველოს სოფლის მეურნეობის მეცნიერებათა აკადემიაში გაიმართა აკადემიის საერთო კრება, სადაც მოხსენებით გამოვიდა აკადემიის პრეზიდენტი, აკად. გურამ ალექსიძე.

აკადემიის პრეზიდენტის მოხსენების თემა: „საქართველოს სოფლის მეურნეობის მეცნიერებათა აკადემიაში 2021 წელს ჩატარებული სამეცნიერო საქმიანობისა და 2022 წელს აკადემიის სამომავლო მიზნებისა და ამოცანების შესახებ“.

                    (საქართველოს სოფლის მეურნეობის მეცნიერებათა აკადემიის პრეზიდენტის მოხსენების ტექსტი იხილეთ ბმულებზე  #.1,   #.2,   #.3,  #.4,   #.5 )

(აკადემიკოსების როლანდ კოპალიანის და ზაურ ფუტკარაძის მილოცვები იხილეთ ბმულზე)

             2022 წლის 9 მარტს საქართველოს სოფლის მეურნეობის მეცნიერებათა აკადემიის ორგანიზებით და აკადემიის სტიპენდიატების მონაწილეობით მოეწყო გამსვლელი სამეცნიერო ექსპედიცია კუმისის მეფრინველეობის ფაბრიკაში.

        ექსპედიციას ხელმძღვანელობდა: აკადემიის სამეცნიერო საბჭოს თავმჯდომარის მოადგილე, მეცხოველეობის და ვეტერინარიის მეცნიერების განყოფილების აკადემიკოს-მდივანი  ელგუჯა გუგუშვილი.

        მონაწილეობდნენ: აკადემიკოსები: ე. გუგუშვილი, რ. ასათიანი, პროფ.მ.კერესელიძე, პროფ.ა.ყურაშვილი, აკადემიის სტიპენდიატები: მ. ბენაშვილი, ე. კაციტაძე, ზ. ტიგინაშვილი. კუმისის ფაბრიკის დირექტორი გ.მაისურაძე, წარმოების უფროსი დ.ქვაჭრელიშვილი, სამეთვალყურეო საბჭოს თავმჯდომარე თ. ედიშერაშვილი და ფაბრიკის მთავარი ვეტერინარი ლ.ოქრიაშვილი.

       ფაბრიკის საქმიანობაზე,  არსებულ მდგომარეობასა და პერსპექტივებზე ვრცლად ისაუბრა ფაბრიკის დირექტორმა გოგიტა მაისურაძემ. კერძოდ მან აღნიშნა, რომ ფაბრიკა ბაზარზე 2005 წლიდან არის წარმოდგენილი. ფაბრიკის სლოგანია ,,კუმისი ერთ ნაჭუჭში ჩატეული ბედნიერება“.   თანამედროვე დონეზე აღჭურვილი საწარმოს საქმიანობაა ქათმის კვერცხის წარმოება. 12 ჰექტარზე განლაგებული ფაბრიკა მდებარეობს გარდაბნის რაიონის, სოფელ კუმისში, რომელიც თბილისიდან სამხრეთ-აღმოსავლეთით 17 კილომეტრითაა დაშორებული.. საწარმოში ფუნქციონირებს15 საფრინველე მ.შ.  12 საწარმოო ფრინველისათვის და ასევე 3 საწიწილე-გამოსაზრდელი წიწილებისათვის. წიწილის გამოზრდა მიმდინარეობს 15 კვირა. კვერცხის დადება იწყება 20 კვირის ასაკიდან.   საფრინველეში ფრინველი ატარებს 60 კვირას. .

       ფაბრიკის თანამედროვე სტანდარტები ავტომატურ რეჟიმში უზრუნველყოფს ფრინველის კვებას და წყლით მომარაგებას. ასევე ავტომატურია საფრინველეში კლიმატის კონტროლი  (ჰაერის ტემპერატურა, ტენიანობა, ჰაერის მოძრაობის სისწრაფე )   და კვერცხის აკრეფა. დანადგარები, სადაც იმყოფება ფრინველი შეესაბამება თანამედროვე სტანდარტების   მოთხოვნებს. უმაღლესი ხარისხის მარცვლეულისა და მაღალი სტანდარტების გამოყენება და წარმოების მუდმივი კონტროლი საშუალებას აძლევს ფაბრიკას უმაღლესი ხარისხის პროდუქცია - ქათმის 0, I და   II კატეგორიის კვერცხი აწარმოოს. კუმიისის მეფრინველეობის ფაბრიკამ რამოდენიმეჯერ გაიარა საქართველოს სოფლის მეურნეობის სამინისტროს სსიპ სურსათის ეროვნული სააგენტოს შემოწმება და დადასტურდა წარმოები მაღალი დონე.  

          ფაბრიკა საპატიოდ დაჯილდოვდა ევროპის ხარისხის ორგანიზაციის 117-ე გენერალური ასამბლეის ეგიდით გამართულ ცერემონიაზე ხარისხის ნიშნის სერთიფიკატით და მისი პროდუქცია შეტანილ იქნა “The Best Qulity of Georgia”-ს კატალოგში, როგორც ეკოლოგიურად სუფთა და ხარისხიანი პროდუქტი. კომპანია 2016 წლიდან ფლობს ISO 22 000 კატეგორიის სერტიფიკატს , რომელიც ადასტურებს მენეჯმენტის გამართულ მუშაობას და წარმოებული კვების პროდუქტების უსაფრთხოების ნორმების მკაცრად დაცულობას.

         ფაბრიკა პროდუქციის რეალიზაციას ახდენს , კუთვნილი ავტომობილებით. ფაბრიკას აქვს სადისტრიბუციო ქსელი მთელი ქვეყნის მასშტაბით (აჭარა, იმერეთი, გურია, სამეგრელო, სამცხე-ჯავახეთი, ქვემო ქართლი და შიდა ქართლი), რაც პროდუქციის სწრაფ და შეუფერხებელ მიწოდებას უზრუნველყოფს.

           წარმოების უფროსმა დავით ქვაჭრელიშვილმა აღნიშნა, რომ ფაბრიკამ მიმდინარე წელს წარმოებაში გაუშვა ახალი პროდუქტი ,,კუმისის ფერმერის“ სახელწოდებით. ის განსხვავებული შეფუთვით და დიზაინით გამოდის. ეს არის განსაკუთრებულ კვებაზე და პირობებში მოქცეული ფრინველის კვერცხი, რომელიც ფაქტობრივად, ისეთივე კვებითი ღირებულებების მატარებელია, როგორიცაა სოფლის კვერცხი. ფრინველს განსვავებული საკვები მიეწოდება, რაშიც სპეციალური ცილოვანი დანამატებია. ფრინველის კვების რაციონში შედის სიმინდი, ხორბალი და ქერი. რაციონიდან ამოღებულია ყველა ქიმიური დანამატები, რაც კვერცხის შემადგენლობას განსაკუთრებულს ხდის, გამოიყენება მხოლოდ ბუნებრივი წყალი, რომელიც იფილტრება მხოლოდ ბუნებრივი წარმოშობის ფილტრებით. ფრინველი იმყოფება თავისუფალ გარემოში.  კვერცხი თავისი არსით და ტექნოლოგიით უნიკალურია.  მომხმარებელმა ეს პროდუქტი კარგად მიიღო და მოთხოვნებიდან გამომდინარე ფაბრიკა მისი წარმოების ზრდას გეგმავს. ამჟამად 1 ცალი კვერცხის გასაყიდი ფასი 0,42 ლარია.

       ფაბრიკის საქმიანობაში კვერცხის მაღალი ხარისხი ყველაზე მნიშვნელოვანია, ამიტომ მომხმარებელს სთავაზობს მუდამ ახალ, ეკოლოგიურად სუფთა და ჯანსაღ პროდუქტს. მისი უნიკალურობა დადასტურებულია სხვადსხვა ტიპის დასკვნებითა და ლაბორატორიული კვლევებით.

          ფაბრიკის მთავარმა ვეტერინარმა ლალი ოქრიაშვილმა ისაუბრა  ქათმის დაავადებებზე, მათ გამომწვევ მიზეზებზე, პროფილაქტიკურ ღონისძიებებსა და კვერცხის დადებით მნიშვნელობაზე. აღნიშნა, რომ კვერცხი ძალიან სასარგებლო პროდუქტია, იგი შეიცავს ორგანიზმისათვის აუცილებელ სასარგებლო ნივთიერებებს: პროტეინებს, B1,B2,D,E,K,PP ვიტამინებს , მინერალურ ნივთიერებებს, არეგულირებს ფოსფორის დონეს ორგანიზმში, მდიდარია გლუკოზით, ამაგრებს ძვლებსა და კბილებს, ორგანიზმს იცავს ონკოლოგიური დაავადებებისაგან,   აუმჯობესებს მეხსიერებას და მხედველობას. დადგენილია, რომ კვერცხის რეგულარულად მიღება ანელებს გონების დაბერების პროცესს. რეკომენდებულია ყველა ასაკის ადამიანისათვის. ქათმის ვარგისიანობის განსაზღვრა შესაძლებელია მისი გარეგნული ნიშნების მიხედვით , კარგ კვერცხმდებელ დედლის ბიბილოს აქვს ვარდისფერი. მუცელი რბილი და მასიური. ზომის და ფორმის მიხედვით არჩევენ: მრგვალი, წაწვეტებული, პატარა, საშუალო და მსხვილი ზომის კვერცხებს.

       ექსპედიციის მონაწილეებმა დაათვალიერეს ფაბრიკაში არსებული უახლესი დანადგარები, გაეცნენ კვერცხის წარმოების   ინოვაციურ ტექნოლოგიებს, რომელიც სრულიად ავტომატიზებულია. ფაბრიკა იზიარებს უცხოეთის ქვეყნებში დანერგილ უახლოეს სტანდარტებს. აღნიშნულ საკითხებთან დაკავშირებით განმარტებებს იძლეოდა   სამეთვალყურეო საბჭოს თავმჯდომარე თამაზ ედიშერაშვილი.

       დისკუსიაში მონაწილეობდნენ: აკადემიკოსები:   რ.ასათიანი, პროფ. ა. ყურაშვილი, სტიპენდიატები: ე.კაციტაძე, ზ.ტიგინაშვილი და სხვები.

       შეხვედრის დასასრულს აკადემიკოსმა რევაზ ასათიანმა აღნიშნა რომ , კვლავ უნდა გაგრძელდეს საქმიანი ურთიერთობა საქართველოს სოფლის მეურნეობის მეცნიერებათა აკადემიასა და კუმისის მეფრინველეობის ფაბრიკას შორის. აკადემიის სტიპენდიატებმა მადლობა გადაუხადეს ფაბრიკის  თანამშრომლებს საინტერესო ინფორმაციისათვის, მათ მიერ გაწეული მეტად მნიშვნელოვანი საქმიანობისათვის და უსურვეს წარმატებები შემდგომ საქმიანობაში.

                  ძვირფასო აკადემიკოსო ი. გადზალო, მოგესალმებით საქართველოდან.

     გისურვებთ თქვენ, თქვენს ოჯახს და აკადემიის ყველა წევრს ჯანმრთელობას და კეთილდღეობას

    უკრაინისთვის ამ ძალიან რთულ დღეებში.

გარწმუნებთ, რომ საქართველოს სოფლის მეურნეობის მეცნიერებათა აკადემია მხარს გიჭერთ თქვენ და

გისურვებთ მოთმინებას დამოუკიდებლობისთვის ბრძოლაში ამ ძალიან რთულ გზაზე. ოკუპანტი არასოდეს იქნება გამარჯვებული.

                              ღრმა პატივისცემით

                              პრეზიდენტი

                              გურამ ალექსიძე

Dear Academician I. Gadzalo,

Greetings from Georgia. I wish you, your family and all Academy`s good health and prosperity in this very difficult days for Ukraine.

I would assure you that the whole Georgian Academy of Agricultural Sciences supports you and wishes endurance on this very difficult path struggle for independence. The occupant never will be a winner.

Sincerely,

President, Guram Aleksidze

            2022 წლის 22 თებერვალს საქართველოს სოფლის მეურნეობის მეცნიერებათა აკადემიის სამეცნიერო საბჭოს ორგანიზებით მოეწყო

გასვლითი-სამეცნიერო ექსპედიცია კომპანია ,, იფქლი- დიღომი“-ში.

           ღონისძიებას ხელმძღვანელობდა აკადემიის სამეცნიერო საბჭოს თავმჯდომარის მოადგილე, მეცხოველეობის და ვეტერინარიის სამეცნიერო განყოფილების აკადემიკოს-მდივანი ელგუჯა გუგუშვილი.

           ღონისძიებაში მონაწილეობდნენ აკადემიკოსები: ელგუჯა გუგუშვილი, რევაზ ასათიანი, ზაურ ჩანქსელიანი, საქართველოს პურის ასოციაციის პრეზიდენტი პროფ. მალხაზ დოლიძე, პროფ მაია კერესელიძე და სხვები.                                     

       კომპანია   ,,იქფლი-დიღომი“-ის   საქმიანობისა და არსებული მდგომარეობის შესახებ ვრცლად ისაუბრეს კომპანიის დირექტორმა    ნისან იოსებაშვილმა და ინჟინერ-ტექნოლოგმა მუხრან ბედიანიძემ. კერძოდ მათ აღნიშნეს, რომ კომპანია ,,იფქლი-დიღომის“ ისტორია 1993 წლიდან იწყება, როდესაც ბიზნეს წარმოება საქართველოში არც, ისე მარტივად იყო. დღესდღეობით ,,იფქლი-დიღომი“ 75-მდე სახეობის პურფუნთუშეულს აწარმოებს კომპანიის განახლებულ და ევროპული ტიპის საწარმოში. სადისტრიბუციო ხაზით თბილისის თითქმის ყველა მაღაზია, რუსთავი, მცხეთა გორი და ქუთაისი მარაგდება. 2016 წლიდან კომპანია სრულყოფილი ცხობის მეთოდით პურეულს ბუნებრივი საფუარის გამოყენებით აცხობს. კომპანია განახლებულია ევროპული უახლესი დანადგარებით. დანერგილია ცხობის თანამედროვე ტექნოლოგიები,  რომელიც სრულად ავტომატიზირებულია, რაც იმას ნიშნავს, რომ დანადგარში ფქვილის ჩაყრის მომენტიდან პურის გამოცხობამდე პროდუქტს ადამიანის ხელი არ ეხება. ,,იფქლი-დიღომი“ დღეს ერთადერთი კომპანიაა ქართულ ბაზარზე, რომელიც პურის მასიურ წარმოებაში პურს უკონტაქტო მეთოდით აცხობს. კომპანიის წარმოების ერთ-ერთი საუკეთესო პროდუქტი რუხი პურია, მის დასამზადებლად გამოიყენება ცეხვილი ფქვილი, სხვა ხარისხის ფქვილებისაგან განსხვავებით ამ შემთხვევაში მარცვალი მსხვილად არის დაბეგვილი და მისგან გამომცხვარი პური შედარებით კალორიულია და სასარგებლო ნივთიერებებს მეტი რაოდენობით შეიცავს. შენარჩუნებულია ხორბლის საუკეთესო თვისებები, ვიტამინები და მინერალები.   ,,გოლდენ ბრენდის“ მიერ ჩატარებულ გამოკითხვებში კომპანია ,,იფქლი-დიღომი“ დარგის ლიდერად დასახელდა. დამოუკიდებელი ექსპერტების და მომხმარებლების შეფასების კრიტერიუმებს ბრენდის ცნობადობა და ხარისხი წარმოადგენდა.

     კომპანია არაერთხელ დაჯილდოვდა პურფუნთუშეულში განსაკუთრებული მიღწევებისათვის, თითეული მიღებული ჯილდო, დიდი მოტივაციაა მომსახურე პერსონალისათვის, რათა უფრო მეტად გაიზარდოს კომპანია და რაც შეიძლება მეტ ადამიანს მიეცეს საშუალება გახდეს ,,იფქლი-დიღომის“ პროდუქტის მომხმარებელი.

            დისკუსიაში მონაწილეობა მიიღეს აკადემიკოსებმა: ე. გუგუშვილმა, რ.ასათიანმა, და პროფ მ. დოლიძემ.

            შეხვედრის დასასრულს აკადემიკოსმა ელგუჯა გუგუშვილმა აღნიშნა რომ , კვლავ უნდა გაგრძელდეს ურთიერთობა საქართველოს სოფლის მეურნეობის მეცნიერებათა აკადემიასა და კომპანია ,,იფქლი-დიღომს“ შორის. მადლობა გადაუხადა დირექტორს ბატონ ნისან იოსებაშვილს და კომპანიის თანამშრომლებს საინტერესო ინფორმაციისათვის, მათ მიერ გაწეული მეტად მნიშვნელოვანი საქმიანობისათვის და უსურვა წარმატებები შემდგომ საქმიანობაში.

ქვეყანაში არსებული   Covid-19-ის პანდემიასთან დაკავშირებული სიტუაციის გამო,

საქართველოს სოფლის მეურნეობის მეცნიერებათა აკადემიაში

სამეცნიერო განყოფილებების სხდომებზე განსახილველი მოხსენებების ელ. ვერსიას ფართო აუდიტორიისათვის გასაცნობად წარმოგიდგენთ

აკადემიის  ვებ-გვერდზე.

2022 წლის 17 თებერვალი (აგრონომიულ მეცნიერებათა განყოფილება)

1. ინფორმაცია აკადემიკოს ზაურ ჩანქსელიანის მიერ 2021 წელს ჩატარებული სამეცნიერო მუშაობის შესახებ (ინფორმაცია იხილეთ ბმულზე ).

2.  ინფორმაცია აკადემიკოს ვალერიან ცანავას მიერ 2021 წელს ჩატარებული სამეცნიერო მუშაობის შესახებ (ინფორმაცია იხილეთ ბმულზე).

           2022 წლის 18 თებერვალი (მეცხოველეობისა და ვეტერინარიის მეცნიერებათა განყოფილება)

 1. ინფორმაცია აკადემიკოს თენგიზ ყურაშვილის  მიერ 2021 წელს გაწეული სამეცნიერო მუშობის შესახებ (ინფორმაცია იხილეთ ბმულზე).

2.  ინფორმაცია აკადემიკოს გურამ ტყემალაძის მიერ 2021 წელს გაწეული სამეცნიერო მუშობის შესახებ (ინფორმაცია იხილეთ ბმულზე).

        2022 წლის 21 თებერვალი (აგროსაინჟინრო მეცნიერებათა განყოფილება)

1. აკადემიკოს ალექსანდრე დიდებულიძის ანგარიში 2021 წელს გაწეული სამეცნიერო საქმიანობის შესახებ. (ინფორმაცია იხილეთ ბმულზე).

 2. ინფორმაცია საქართველოში სოფლად მდგრადი განვითარების სივრცით-ტერიტორიული ასპექტების შესახებ.

  მომხსენებელი: აკადემიკოსი ალექსანდრე დიდებულიძე   (ინფორმაცია იხილეთ  ბმულზე  ).

2022 წლის 22 თებერვალი ( გარემოს დაცვისა და სატყეო საქმის მეცნიერებათა განყოფილება)

1. აკადემიკოს ლაშა დოლიძის ანგარიში 2021 წელს გაწეული სამეცნიერო საქმიანობის შესახებ.(ინფორმაცია იხილეთ ბმულზე).

2. საქართველოს სატყეო მეურნეობის მდგრადი განვითარების და მართვის მექანიზმის ოპტიმიზაციის შესახებ.

მომხსენებელი: აკადემიკოსი ლაშა დოლიძე. (ინფორმაცია იხილეთ   ბმულზე).

2022 წლის 23 თებერვალი ( სურსათის უვნებლობისა და სასურსათო ტექნოლოგიის მეცნიერებათა განყოფილება)

1.ინფორმაცია აკადემიკოს გურამ პაპუნიძის მიერ 2021 წელს ჩატარებული სამეცნიერო მუშაობის შესახებ . (ინფორმაცია იხ. ბმულზე)

2. აჭარა-გურიის რეგიონში მევენახეობა-მეღვინეობის აღორძინების გრძელვადიანი პროგრამის შესახებ.

         მომხსენებელი: აკადემიკოსი გურამ პაპუნიძე.     (ინფორმაცია იხ.   ბმულზე)

2022 წლის 24 თებერვალი ( ეკონომიკის მეცნიერებათა განყოფილება)

1. ინფორმაცია აკადემიკოს ნოდარ ჭითანავას მიერ 2021 წელს გაწეული სამეცნიერო საქმიანობის შესახებ.  ( ინფორმაცია იხ.  ბმულზე )

2. სოფლის მეურნეობის განვითარების ოთხი მაკრო პრიორიტეტის შესახებ.

მომხსენებელი: აკადემიკოსი რევაზ ასათიანი .  (  ინფორმაცია იხ.    ბმულზე)

2022 წლის 25 თებერვალი (აკადემიის პრეზიდიუმი)

1. აკადემიის სამეცნიერო საბჭოს თავმჯდომარის ანგარიში 2021 წელს გაწეული მუშაობისა და 2022 წლის პერსპექტიული სამუშაო გეგმის შესახებ.

მომხსენებელი: აკადემიის სამეცნიერო საბჭოს თავმჯდომარე, აკადემიკოსი ნაპოლეონ ქარქაშაძე; თავჯდომარის მოადგილე აკადემიკოსი ჯემალ გუგუშვილი. (ინფორმაცია იხ. ბმულზე.)

 2. საქართველოს სოფლის მეურნეობის მეცნიერებათა აკადემიის აჭარის ავტონომიური რესპუბლიკის სამეცნიერო-საკოორდინაციო ცენტრის მიერ 2021 წელს გაწეული მუშაობისა და 2022 წლის პერსპექტიული სამუშაო გეგმის შესახებ.

მომხსენებელი: საქართველოს სოფლის მეურნეობის მეცნიერებათა აკადემიის აჭარის ავტონომიური რესპუბლიკის სამეცნიერო-საკოორდინაციო ცენტრის დირექტორი, აკადემიკოსი ზაურ ფუტკარაძე . 

3.ინფორმაცია აკადემიკოს გურამ ტყემალაძის მიერ 2021 წელს გაწეული სამეცნიერო მუშობის შესახებ.

           2015  წელს  გაერთანებული  ერების  ორგანიზაციის  გენერალურმა  ასამბლეამ  მიიღო  რეზოლუცია, რომლის  თანახმადაც  11 თებერვალი  მეცნიერ ქალთა  საერთაშორისო  დღედ  გამოცხადდა.    ამ დღეს  გაერო     მსოფლიო სახელმწიფოებს,  ორგანიზაციებსა  და  ადამიანებს  მოუწოდებს  მეცნიერებასა  და განათლებაში   ხელი შეუწყონ  ქალების   თანასწორ   განვითარებას. 

გაერო იმედოვნებს,  რომ  მეცნიერებაში სქესთა  შორის განსხვავება აღმოიფხვრება და იგი ქალებისათვის მეტად  ხელმისაწვდომი  გახდება.    

საქართველოს  სოფლის  მეურნეობის  მეცნიერებათა  აკადემია    ულოცავს  ამ  ღირშესანიშნავ  დღეს ქართველ  მეცნიერ  ქალბატონებს და უსურვებს  შემდგომ  წარმატებებს  სამეცნიერო-კვლევით  საქმიანობაში,  განსაკუთრებით  აგრარული  მიმართულებით  და  იმ  წინააღმდეგობების  დაძლევას,  რაც დღეისათვის კოვიდ-19  პანდემიის  გამო  არის  გამოწვეული.  

საქართველოს სოფლის მეურნეობის მეცნიერებათა აკადემიის

ეკონომიკის სამეცნიერო განყოფილება

2022 წლის 31 იანვარს ონლაინ რეჟიმში ჩატარდა საქართველოს სოფლის მეურნეობის

მეცნიერებათა აკადემიის ეკონომიკის სამეცნიერო განყოფილების სხდომა

დღის   წესრიგი:              

1. საქართველოს სოფლის მეურნეობის მეცნიერებათა აკადემიის ეკონომიკის სამეცნიერო განყოფილების მიერ 2021 წელს გაწეული სამეცნიერო საქმიანობის შესახებ.

მომხსენებლები: აკადემიის ეკონომიკის სამეცნიერო განყოფილების აკადემიკოს-მდივანი, აკადემიკოსი ომარ ქეშელაშვილი; სამეცნიერო განყოფილებების სწავლული მდივანი აკადემიკოსი ლაშა დოლიძე.

( ეკონომიკის სამეცნიერო განყოფილების ანგარიში იხილეთ ბმულზე).

2. აკადემიკოს ომარ ქეშელაშვილის ანგარიში 2021 წელს ჩატარებული სამეცნიერო საქმიანობის შესახებ.

(აკად. ომარ ქეშელაშვილის ანგარიში იხილეთ ბმულზე).

3. მიმდინარე საკითხები.

სურსათის უვნებლობის და სასურსათო ტექნოლოგიის

       სამეცნიერო განყოფილება

2022 წლის 27 იანვარს ონლაინ რეჟიმში ჩატარდა საქართველოს სოფლის მეურნეობის მეცნიერებათა აკადემიის

სურსათის უვნებლობის და სასურსათო ტექნოლოგიის

სამეცნიერო განყოფილების სხდომა

დღის წესრიგი:          

1. საქართველოს სოფლის მეურნეობის მეცნიერებათა აკადემიის სურსათის უვნებლობის და სასურსათო ტექნოლოგიის სამეცნიერო განყოფილების  მიერ 2021 წელს გაწეული სამეცნიერო საქმიანობის შესახებ.

მომხსენებლები: აკადემიის სურსათის უვნებლობის და სასურსათო ტექნოლოგიის სამეცნიერო განყოფილების აკადემიკოს-მდივანი, აკადემიკოსი ზურაბ ცქიტიშვილი; სამეცნიერო განყოფილებების სწავლული მდივანი დოქტორი მარინე ბარვენაშვილი.

(სურსათის უვნებლობის და სასურსათო ტექნოლოგიის სამეცნიერო განყოფილების ანგარიში იხილეთ ბმულზე).

2. აკადემიკოს ზურაბ ცქიტიშვილის ანგარიში 2021 წელს ჩატარებული სამეცნიერო საქმიანობის შესახებ.

(აკად. ზურაბ ცქიტიშვილის ანგარიში იხილეთ ბმულზე).

3. მიმდინარე საკითხები.

გარემოს დაცვისა და სატყეო საქმის სამეცნიერო განყოფილება

2022 წლის   26 იანვარს ონლაინ რეჟიმში ჩატარდა საქართველოს სოფლის მეურნეობის მეცნიერებათა აკადემიის

გარემოს დაცვისა და სატყეო საქმის სამეცნიერო განყოფილების სხდომა

დღის წესრიგი:          

1.საქართველოს სოფლის მეურნეობის მეცნიერებათა აკადემიის გარემოს დაცვისა და სატყეო საქმის სამეცნიერო განყოფილების 2022 წლის პერსპექტიული სამუშაო გეგმის შესახებ.

მომხსენებლები: აკადემიის გარემოს დაცვისა და სატყეო საქმის სამეცნიერო განყოფილების აკადემიკოს-მდივანი, აკადემიკოსი რევაზ ჩაგელიშვილი; სამეცნიერო განყოფილებების სწავლული მდივანი აკადემიკოსი ლაშა დოლიძე.

(გარემოს დაცვისა და სატყეო საქმის სამეცნიერო განყოფილების ანგარიში იხილეთ ბმულზე)./

2.აკადემიკოს რევაზ ჩაგელიშვილის ანგარიში 2021 წელს ჩატარებული სამეცნიერო საქმიანობის შესახებ.

(აკად. რევაზ ჩაგელიშვილის ანგარიში იხილეთ ბმულზე).

3. მიმდინარე საკითხები

აგროინჟინერიის სამეცნიერო განყოფილება

2022 წლის 25 იანვარს ონლაინ რეჟიმში ჩატარდა საქართველოს სოფლის მეურნეობის მეცნიერებათა აკადემიის   

აგროინჟინერიის სამეცნიერო განყოფილების  სხდომა

დღის წესრიგი:   

     1.საქართველოს სოფლის მეურნეობის მეცნიერებათა აკადემიის აგროინჟინერიის სამეცნიერო განყოფილების 2021 წელს გაწეული სამეცნიერო საქმიანობის შესახებ.

მომხსენებლები: აკადემიის აგროინჟინერიის სამეცნიერო განყოფილების აკადემიკოს-მდივანი, აკადემიკოსი რევაზ მახარობლიძე; სამეცნიერო განყოფილებების სწავლული მდივანი დოქტორი მარინე ბარვენაშვილი.

(აგროინჟინერიის სამეცნიერო განყოფილების ანგარიში იხილეთ ბმულზე).

    2.აკადემიკოს რევაზ მახარობლიძის ანგარიში 2021 წელს ჩატარებული სამეცნიერო საქმიანობის შესახებ;

(აკად. რევაზ მახარობლიძის ანგარიში იხილეთ ბმულზე).

   3. მიმდინარე საკითხები.

მეცხოველეობის და ვეტერინარიის სამეცნიერო განყოფილება

2022 წლის 24 იანვარს ონლაინ რეჟიმში ჩატარდა საქართველოს სოფლის მეურნეობის მეცნიერებათა აკადემიის მეცხოველეობისა და

ვეტერინარიის სამეცნიერო განყოფილების სხდომა

დ ღ ი ს   წ ე ს რ ი გ ი:   

1.საქართველოს სოფლის მეურნეობის მეცნიერებათა აკადემიის მეცხოველეობის და ვეტერინარიის სამეცნიერო განყოფილების 2021 წელს გაწეული სამეცნიერო საქმიანობის შესახებ.

მომხსენებლები: აკადემიის მეცხოველეობის და ვეტერინარიის სამეცნიერო განყოფილების აკადემიკოს-მდივანი, აკადემიკოსი ჯემალ გუგუშვილი; სამეცნიერო განყოფილებების სწავლული მდივანი დოქტორი მარინე ბარვენაშვილი.

( მეცხოველეობის და ვეტერინარიის სამეცნიერო განყოფილების 2021 წლის ანგარიში იხილეთ ბმულზე).

2.აკადემიკოს ჯემალ გუგუშვილის ანგარიში 2021 წელს ჩატარებული სამეცნიერო საქმიანობის შესახებ.

(აკადემიკოს ჯემალ გუგუშვილის პირადი ანგარიში იხილეთ ბმულზე).

3.   მიმდინარე საკითხები.

აგრონომიის სამეცნიერო განყოფილება

2022 წლის 21 იანვარს ონლაინ რეჟიმში ჩატარდა საქართველოს სოფლის მეურნეობის მეცნიერებათა აკადემიის

აგრონომიის სამეცნიერო განყოფილების სხდომია

         დღის წესრიგი:              

1.საქართველოს სოფლის მეურნეობის მეცნიერებათა აკადემიის აგრონომიის სამეცნიერო განყოფილების 2021 წელს გაწეული სამეცნიერო საქმიანობის შესახებ.

მომხსენებლები: აკადემიის აგრონომიის სამეცნიერო განყოფილების აკადემიკოს-მდივანი, აკადემიკოსი გოგოლა მარგველაშვილი; სამეცნიერო განყოფილებების სწავლული მდივანი დოქტორი მარინე ბარვენაშვილი

(აგრონომიის სამეცნიერო განყოფილების ანგარიში იხილეთ ბმულზე).

2.აკადემიკოს გოგოლა მარგველაშვილის პირადი ანგარიში 2021 წელს ჩატარებული სამეცნიერო საქმიანობის შესახებ.

(აკად, გ. მარგველაშვილის პირადი ანგარიში იხილეთ ბმულზე).

3. მიმდინარე საკითხები

       2022 წლის 21 იანვარს საქართველოს სოფლის მეურნეობის მეცნიერებათა აკადემიაში გაიმართა სამუშაო შეხვედრა, რომელიც შეეხებოდა ევროპის სოფლის მეურნეობის, სურათისა და ბუნებათსარგებლობის მეცნიერებათა აკადემიების კავშირის (UEAA) მიერ სამეცნიერო კონკურსის გამოცხადების საკითხებს. შეხვედრას ესწრებოდნენ: აკადემიის პრეზიდენტი, აკადემიკოსი გურამ ალექსიძე, აკადემიის ვიცე-პრეზიდენტი, აკადემიკოსი გივი ჯაფარიძე, აკადემიის აკადემიკოს-მდივანი, აკადემიკოსი ელგუჯა შაფაქიძე, აკადემიის პრეზიდენტის მოადგილე, აკადემიკოსი ანატოლი გიორგაძე, აგრონომიის სამეცნიერო განყოფილების აკადემიკოს-მდივანი, აკადემიკოსი გოგოლა მარგველაშვილი, აგროინჟინერიის სამეცნიერო განყოფილების აკადემიკოს-მდივანი, აკადემიკოსი რევაზ მახარობლიძე, მეცხოველეობის და ვეტერინარიის სამეცნიერო განყოფილების აკადემიკოს-მდივანი, აკადემიკოსი ჯემალ გუგუშვილი, გარემოს დაცვისა და სატყეო საქმის სამეცნიერო განყოფილების აკადემიკოს-მდივნის მოადგილე, აკადემიკოსი გიორგი გაგოშიძე, აკადემიის სწავლული მდივნები აკადემიკოსი ლაშა დოლიძე და დოქტორი მარინე ბარვენაშვილი.    

     აღსანიშნავია, რომ საქართველოს სოფლის მეურნეობის მეცნიერებათა აკადემია აღნიშნული კავშირის (UEAA) წევრია 2015 წლიდან. 2018 წელს აკადემიის პრეზიდენტი აკადემიკოსი გურამ ალექსიძე სამეთვალყურეო საბჭოს მიერ არჩეული იქნა კავშირის ვიცე-პრეზიდენტად, ხოლო 2020 წელს პრეზიდენტად ორი წლის ვადით.

       აკადემიის პრეზიდენტმა, აკადემიკოსმა გურამ ალექსიძემ სხდომას გააცნო ევროპის სოფლის მეურნეობის, სურათისა და ბუნებათსარგებლობის მეცნიერებათა აკადემიების კავშირის (UEAA) სამეცნიერო კონკურსის პირობები. მან აღნიშნა, რომ       2022 წელს U E A A, პირველად აცხადებს სამეცნიერო კონკურსს "UEAA-ს საუკეთესო აბსტრაქტები". წლის ბოლოს, UEAA-ს მმართველი კომიტეტის მიერ შერჩეული და საერთაშორისო ჟიურის მიერ შეფასებული იქნება სამი საუკეთესო აბსტრაქტი, რომლებიც დაჯილდოვდება სამი პრიზით. გამარჯვებულები მიიღებენ ჯილდოს: "UEAA სამეცნიერო პრიზი საუკეთესო აბსტრაქტისათვის“.

     UEAA-ს საუკეთესო აბსტრაქტების კონკურსი იღებს მხოლოდ იმ აბსტრაქტებს, რომლებიც შერჩეული იქნება UEAA-ს წევრი აკადემიების მიერ მოცემული პერიოდისთვის (წელიწადში 9 აბსტრაქტი) და გაეგზავნება UEAA-ს პრეზიდენტს. UEAA-ს წევრმა აკადემიამ შეიძლება გააგზავნოს თვეში მხოლოდ ერთი რეფერატი.

           წარდგენილი აბსტრაქტები შესაძლებელია უკვე გამოქვეყნებული იყოს რეცენზირებად სამეცნიერო ჟურნალში ან ზეპირად იყოს მოხსენებული სამეცნიერო კონფერენციაზე ან აკადემიის სხდომაზე. უკვე გამოქვეყნებული ჟურნალის აბსტრაქტების ავტორებმა უნდა მიუთითონ ორიგინალური ნაშრომის გამოქვეყნების თარიღი, ჟურნალი, ინტერნეტის გვერდი და გაგზავნამდე უნდა შეამოწმონ, ხომ არ ირღვევა საავტორო უფლებები. ხოლო, აკადემიის სხდომებზე ზეპირი გამოსვლების თარიღი მითითებული უნდა იყოს აკადემიის აბსტრაქტში.

       რეზიუმე უნდა იყოს ინფორმაციული, გადმოსცემს კვლევის ან მიმოხილვის არსს და გასაგები უნდა იყოს მკითხველისთვის თავად პუბლიკაციის წაკითხვის გარეშე. გამოქვეყნებულ სტატიაზე მითითებისას რეფერატი უნდა შეიცავდეს მხოლოდ მასალას პუბლიკაციის ძირითადი ტექსტიდან.

       UEAA კომისია მიიღებს მხოლოდ იმ აბსტრაქტებს, რომლებიც აკმაყოფილებენ ინსტრუქციაში აღწერილ სტანდარტებს. წევრი აკადემია, სადაც მოხდება აბსტრაქტის პირველადი განხილვა, პასუხისმგებელია აბსტრაქტის ფორმატზე, რათა თავიდან იქნას აცილებული შემდგომ ეტაპზე UEAA კომისიის უარი.

     მიღებული აბსტრაქტები განთავსდება UEAA-ს ვებსაიტზე, სპეციალურ "სამეცნიერო სიახლეების" გვერდზე თემების მიხედვით: აგრონომია, სატყეო მეურნეობა, მეცხოველეობა, გარემო და ტერიტორიები, ეკონომიკა და პოლიტიკა, აგრომომარაგება, ადამიანის საკვები და კვება, აგროფუდი და სხვა.

     წლის ბოლოს, ყველა აბსტრაქტი შეიკრიბება UEAA-ს ელექტრონულ წიგნში, რომელიც ფინანსური მხარდაჭერის შემთხვევაში გამოიცემა ბეჭდური სახით.

     (აბსტრაქტის წარდგენის ინსტრუქცია იხილეთ     ბმულზე....  ).

              2021 წლის 30 დეკემბერს საქართველოს სოფლის მეურნეობის მეცნიერებათა აკადემიას ესტუმრა სვეტიცხოვლის მოძღვარი მამა ილია (კავსაძე), რომელმაც დალოცა აკადემია და მისი მთლიანი შემადგენლობა. მამა ილიამ თავის ქადაგებაში განსაკუთრებით აღნიშნა საქართველოსთვის სოფლის მეურნეობის მნიშვნელობა, მოუწოდა აკადემიის თანამშრომელებს უდიდესი სიყვარულით ემსახურონ ქვეყანაში აგრარულ მიმართულებას, მის დარგებს და თავისი მეცნიერული წვლილი შეიტანონ სოფლის მეურნეობის განვითარებასა და წარმატებებში.

მამა ილიამ წინასაახალწლოდ დალოცა აკადემიის თოთოეული წევრი, განყოფილება, ყველა სრუქტურული ერთეული და უსურვა მათ, რომ „შემეწიე მე ცოდვილს, რათა საქმე ესე, ჩემ მიერ დაწყებული განვასრულო შენ მიერ. სახელითა მამისათა და მისათა და სულისა წმიდისათა, ლოცვითა ყოვლადწმიდისა დედისა შენისათა და ყოველთა წმიდათათა, ამინ!“.